Le 1:10 - Sơ̆p Hlabơar Nơ̆r 'Bok Kei-Dei

¹⁰ Na bơ̆n athei iŏk đon hlôh wao gơh hơgei wă pơm kơ lu sư, hli kơ lu sư rai lơ, tơ anăp kơnh tơdah đei tơdrong tơblah lu sư pơgơ̆p hăm lu ayăt kơ bơ̆n blah bơ̆n păng kơdâu jăk hloi đơ̆ng dêh 'nâu.

Le 1:10 交叉參考

Jop 5:13

Sư rôp lu bơngai hơgei 'bơ̆r đon huŏng lăm tơdrong kơnê̆ lu sư wă pơm. Sư kư̆m pơtôch lê̆ 'bônh đĕch tơdrong lu bơngai kơnê̆ wă pơm.

Horiso 10:2

Lu bơngai kơnê̆, hăm tơdrong pơang lu sư druh lu dơnuh răm; Ăn kơ lu sư 'leh lăm hơđong mă lu sư đăk.

Horiso 105:25

Na Sư tơplih jơhngơ̆m bơngai Êyiptơ, areh kơ kon pơlei pơla Sư. Chă đon wă pơrăm lu đĭch đam Sư.

Tơdrông Pơđơk 1:11

Tơdah lu sư khan, bĕ năm kiơ̆ nhôn; chă răp pơlôch đe. Chop pơlôch pơrăm lu bơngai ưh kơ đei yoch.

Tơdrông Pơđơk 16:25

Đei minh trong kon bơngai khan 'lơ̆ng tơpăt, Mă-lei trong noh tuch-luch sư jing trong tơdrong lôch.

Tơdrông Pơđơk 21:30

Ưh kơ đei tơdrong gơh hơgei ayơ, tơdrong đon hlôh wao ayơ, Dah tơdrong chă đon kơnê̆ ayơ, Mă gơh blah Kră Yang.

Jo 22:6

Thoi noh, inh apinh ih năm hiap lu sư dang ei hloi, yua kơ lu sư pran hloh kơ inh. Wă kơ inh kĕ blah pơrăm păng puh lu sư weh đơ̆ng char, yua kơ inh băt tơdah ih hơpơi kơ đe pŭn hiôk đei pŭn hiôk, tơdah ih hiap bu bơngai noh gô răm gô pŭ hơngiap.

Jang 23:12

Pơgê dơning dơ̆ng lu bơngai Juđê mơ'nah akŭm pơđâu wă pơlôch Pôl. Lu sư pơma hiap kơdih khan: “Dah bơ̆n sŏng sa nhă đak tam mă pơlôch Pôl, mă bơ̆n lôch kơ 'Bok Kei-Dei pơrăm.”

Jang 7:19

'Bok pơtao ei pơm kơnê̆ kơ lu 'bok kơdră bơ̆n sơ̆ păng sư pơgŏ lu sư athei hŭt pơơ̆t đĭ kon nge lu sư wă kơ lu kon nge jah lôch.

I Sam 29:4

Lu yŏng pơgơ̆r bơngai Philistin blĕk dêh, khan kơ Akis: Puh tơbrŏk lê̆ bơngai 'nâu tơ anih mă ih đei ăn kơ lu sư boih, 'nĕ ăn sư năm tơblah hơdai hăm lu bơ̆n, lăm năr tơblah kơnh hli kơ sư đei jơhngơ̆m ayăt hăm blah plơ̆ bơ̆n dơ̆ng; sư pơm wă pơhiôk kơ yŏng tơ'ngla so sư? Pơjao kơ̆l rim 'nu linh bơ̆n.