Kôlôsê 2:5 - Sơ̆p Hlabơar Nơ̆r 'Bok Kei-Dei

⁵ Akâu inh ataih đơ̆ng iĕm ră, mă-lei lăm jơhngơ̆m đon inh oei hơdai hăm iĕm, na inh hiôk yua kơ inh băt kơ iĕm pôm đon hăm lui kơjăp kơ Yêsu Krist.

Kôlôsê 2:5 交叉參考

II Ho 29:35

Kŭm đei lơ tơmam soi 'buh hăm rơmă đơ̆ng tơmam soi 'blŏk bơnê păng tơmam soi huch hơdai hăm tơmam soi 'buh. Thoi ei, tơdrong soi pơyơ̆r 'buh ăn kơ Kră Yang đei pơm hơmet ming dơ̆ng lăm hnam Kră Yang.

Horiso 78:37

Jơhngơ̆m lu sư ưh kơjăp păng Kră Yang. Lu sư kư̆m ưh kơ tơpăt lăm tơdrong pơgơ̆p Kră Yang 'Bok Kei-Dei tơtă.

Horiso 78:8

Wă kơ lu sư huay kơ rok lu 'bok sư. Jơ̆ minh adrĕch kơchu păng arăng kơ̆l, Ưh kơ đei jơhngơ̆m tơpăt păng ưh kơ đei đon lui kơjăp kơ Kră Yang 'Bok Kei-Dei.

Jo 7:11

Kră Yang khan kơ Môis thoi âu: Lu kră pơgơ̆r athei pơyơ̆r tơmam soi kơ năr wă pơih chơnang soi, bơngai âu năr 'nâu, bơngai noh năr nai, rim năr.

Jang 2:42

Rim năr lu sư mơ̆ng lu jơ̆ng 'bang bơtho. Lu sư pơgơ̆p băl thoi 'nhŏng oh, sŏng sa 'blŏk hơdơ̆r kơ Yêsu hăm krao khan kơ 'Bok Kei-Dei hơdai.

Jang 20:21

Inh bơtho bơngai Juđê hăm bơngai nai lei-lăi đĕch mơ̆n, khan kơ sư athei tơbral kơdih tơdrong yoch sư, na brŏk tơ 'Bok Kei-Dei păng lui kơ Kră Yang bơ̆n Yêsu Krist.

I Kor 11:34

Bơngai bu năm sŏng sa hơdai hăm iĕm kiơ̆ kơ hơlŏng klak sư kơdih, bơngai 'noh iĕm athei sư brŏk sa tơ hnam sư kơdih đĕch 'lơ̆ng hloh, wă kơ 'Bok Kei-Dei huay kơ ăn kơ iĕm đei tơdrong chhŭr nuih. Gah tơdrong nai mă đêl iĕm jet inh 'noh gô inh năm tơ iĕm dơning dơmônh inh bơtho iĕm.

I Kor 14:40

Mă-lei iĕm athei akŭm 'blep trŏ thoi Kră Yang wă, 'nĕ pă akŭm kư̆ kă.

I Kor 15:58

Ơ 'nhŏng oh inh mă 'mêm kơeng, kơlih kơ thoi noh boih na iĕm athei adrin lui mă kơjăp 'nĕ pơm đon ngĭl ngŭl păng iĕm athei jang tơdrong Kră Yang mă tơpă hŏ; iĕm băt boih dah iĕm gơnang kơ Sư, tơdrong jang iĕm yua tơpă.

I Kor 16:13

Inh athei iĕm kơchăng ling-lang pơkrơ̆ng mă kơjăp tơdrong lui 'nĕ kơdŭn.

Kôlôsê 2:1

Inh wă kơ iĕm băt kơ inh tơchĕng kơ iĕm hăm tơchĕng kơ lu bơngai lui tơ Pơlei Laodisê hăm dôm lu bơngai lui nai tam mă tơ'bơ̆p inh. Tơpă, đon inh tơchĕng ling-lang thoi noh.

I Tes 2:17

Ơ 'nhŏng oh, iĕm kư̆m băt hơtai nhôn jăk đơ̆ng iĕm truh dang ei tam mă đunh mơ̆n, mă-lei lu nhôn rơnguơ̆ dêh kơ lu iĕm. Na nhôn wă khŏm năm tơ iĕm dơ̆ng.

I Tes 3:8

Dang ei nhôn oei hiôk tơpă yua kơ iĕm lui kơ Kră Yang Yêsu Krist kơjăp, na nhôn bơtho đe rai pran dêh.

Hêbrơ 3:14

Tơdah bơ̆n lui kơjăp khŏm khŏm truh năr tôch, bơ̆n gô oei hơdai hăm Yêsu Krist ling-lang. Tơdah bơ̆n ưh kơ kiơ̆ Sư khŏm khŏm, bơ̆n ưh kơ gơh oei hơdai hăm Sư ôh.

Hêbrơ 6:19

Tơdrong bơ̆n chang gô noh, thoi lĕ kơ bơ̆n chĕp khêl pĕng akâu bơ̆n, yua kơ bơ̆n gơnang kơ 'Bok Kei-Dei mă oei tơ plĕnh ti.

I Pet 5:9

Thoi noh na bơ̆n athei lui mă kơjăp wă kơ bơ̆n gơh puh sư mă ataih. Iĕm kư̆m băt boih đĭ-đăng 'nhŏng oh bơngai lui oei jơ̆p-jang kơ teh đak tă đei tơdrong gleh thoi iĕm mơ̆n.

Ru 1:18

'Bơ̆t Naômi kơtơ̆ng păng băt kơ sư wă kiơ̆, na sư ưh pă athei dơ̆ng.