47 Mă-lei lu bơngai Đan tơnat 'biơ̆ ưh kơ gơh đei teh mă asong kơ lu sư. Lei na lu sư athei tŏk blah iŏk pơlei Lêsem, yua hăm đao gưm pơlôch pơrăm pơlei noh, lu bơngai Đan asong băl oei jang sa tơ lăm noh păng krao anăn pơlei Đan 'bok lu sư,
Lu sư truh tơ tơring Gileat, năm rok tơpăt hlôi kơ teh đak bơngai Tahtim, truh tơ pơlei Hôsi pơlei Đan Jaan đơ̆ng noh dăr brŏk tơ pơlei Siđôn.
Môis sơkat kơ Đan: Đan thoi dăm-brang dăm mơlôh, plŏng dơhrông đơ̆ng char Basan năm blah ayăt sư.
Mê Jarkôn păng Rakôn, hơbĭ hăm teh tơklă anăp pơlei Jôpa.
Lu pơlei tih hăm pơlei iĕ lu sư, noh boih teh jang sa kơ adrĕch Đan, kiơ̆ kơ adrĕch adrung lu sư.
