Jôsuê 18:28 - Sơ̆p Hlabơar Nơ̆r 'Bok Kei-Dei

²⁸ Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

Jôsuê 18:28 交叉參考

II Sam 21:14

Chĕp ba 'bŭ hơdai hăm kơting pơtao Sôl păng Jônathan kon pơtao, tơ Sêla lăm teh đak Bênjamin lăm bơsat Kis 'bă pơtao Sôl. Đơ̆ng rŏng kơ lu sư jang keh dôm tơdrong pơtao pơkă, Kră Yang 'Bok Kei-Dei tơl tơwih nơ̆r pơtao krao apinh păng tuh tơdrong pŭn hiôk ăn kơ teh đak.

II Sam 23:29

Hêlep kon Baanah đơ̆ng pơlei Nettôpha. Itai kon Ribai đơ̆ng pơlei Gibêah gah teh đak Bênjamin;

II Sam 5:6

Đawit wang blah pơlei Jêrusalem, lu bơngai Jêbus, oei tơ noh. Lu sư khan kơ Đawit: “Ih lê̆ kơ mơ̆t tơ âu, mă lu bơngai măt tol hăm jơ̆ng jo đĕch kư̆m gơh puh lê̆ ih.” Lu sư pơma noh wă khan: “Đawit ưh kơ layơ wă gơh mơ̆t tơ âu.”

II Sam 5:8

Kơplah noh, Đawit khan: “Dah bơngai bu wă blah bơngai Jêbus, athei mơ̆t rok trong đing đak, blah lu bơngai jơ̆ng jo măt tol lu bơngai mă ayăt hăm Đawit.” Đei nơ̆r khan: “Lu bơngai măt tol jơ̆ng jo ưh kơ gơh mơ̆t tơ hnam pơtao âu.”

I Ho 8:28

Đi lu bơngai noh pơm yŏng kơdră lăm adrĕch adrung, lu sư bơngai oei lăm pơlei Jêrusalem.

Êsai 10:29

Lu sư rok trong kuĕt kuĕl sơlam kông, lu sư 'bĭch 'bơ̆t pơlei Gêba; kon pơlei Rama hli tơrơ, kon pơlei Gibêah kơdâu ôn đĭ noh pơlei Sôl sơ̆.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Hôsia 10:9

Ơ Isơrael, lu iĕm pơm yoch boih đơ̆ng năr iĕm pơm kơnê̆ tơ pơlei Gibêah! Lu iĕm oei pơm yoch ngăl, Hăm trŏ tơdrong tơblah tih hăm lu kon bơngai yoch kơnê̆ tơ pơlei Gibêah gô truh tơ iĕm?

Jo 26:38

Lu kon drŏ-nglo Bênjamin kiơ̆ adrĕch adrung lu sư: Đơ̆ng Bêla pơjing đei adrĕch adrung Bêla; đơ̆ng Asbel pơjing đei adrĕch adrung Asbel; đơ̆ng Ahiram pơjing đei adrĕch adrung Ahiram;

Jo 26:54

adrĕch adrung ayơ kon pơlei sư lơ ih asong sư să 'biơ̆, adrĕch adrung ayơ kon pơlei sư tŏ sĕt ih asong teh jang sa lu sư iĕ 'biơ̆. Ih athei asong teh jang sa kơ rim adrĕch adrung kiơ̆ kơ đei chih jô̆ boih.

Jo 33:54

Athei hlang lăng păng asong băl teh noh kiơ̆ kơ rim adrĕch 'bok lu iĕm. Adrĕch bu lơ, iĕm athei asong teh jang sa să 'biơ̆; adrĕch ayơ tŏ sĕt, iĕm asong lu sư iĕ 'biơ̆. Rim 'nu gô iŏk kiơ̆ kơ đei hlang lăng trŏ, iĕm kư̆ asong băl kiơ̆ adrĕch 'bok lu sư.

Jôsuê 15:63

Mă-lei lu bơngai Juđa, ưh kơ gơh pơpuh lu kon pơlei Jêbus mă oei tơ Jêrusalem, kon pơlei Jêbus, oei hơdai hăm bơngai Juđa tơ Jêrusalem truh tơ dang ei.

Jôsuê 15:8

Đơ̆ng noh rok tŏk tơ thŭng Ben Hinôm, tơtil gah gơal kơ pơlei bơngai Jêbus noh Jêrusalem đơ̆ng noh tŏk rok truh kơpal kông jê̆ thŭng Hinôm gah bơmơ̆t, gah yă-nơ̆m tôch tơ thŭng Rêphaim.

Jôsuê 18:16

hơdral jur tơ jơ̆ng kông rok thŭng, kon drŏ-nglo Ben Hinôm oei tơ gah yă-nơ̆m kơ thŭng Rêphaim, rok jur tơklă thŭng Hinôm dăr gah gơal kơ pơlei tih Jêbus, weh dăr jur truh tơ Ên Rôgel.

Jôsuê 18:27

Rêkem, Irpel, Tarala,

Jôsuê 19:1

Teh mă 'bar hlang lăng trŏ kơ adrĕch Simêôn, kiơ̆ kơ adrĕch adrung lu sư; teh jang sa lu sư âu tŏk-bŏk lu bơngai Juđa.

Lu 1:21

Mă-lei kon sâu Bênjamin ưh kơ gơh puh lê̆ kon pơlei Jêbus đơ̆ng pơlei Jêrusalem, na kon pơlei Jêbus oei oei hơdai kon sâu Bênjamin dĭng truh tơ dang ei.

Lu 19:10

Mă-lei ŏng sư ưh kơ wă 'bĭch măng noh dơ̆ng, sư iung brŏk hăm akăn kơnhŏng sư kư̆m kiơ̆ mơ̆n păng bơngai buăl sư hloi mơ̆n, anhăk ba 'bar tŏ aseh iĕ tah an, sư năm truh tơ pơlei Jêbus.a

I Sam 10:26

Sôl kư̆m brŏk tơ hnam sư kơdih tơ Gibêah, đei lu linh pran kơtang mă Kră Yang 'Bok Kei-Dei ăn lu sư kư̆m brŏk kiơ̆ Sôl.