Jôsuê 18:14 - Sơ̆p Hlabơar Nơ̆r 'Bok Kei-Dei

¹⁴ Đơ̆ng kơpal kông truh tơklă Bêt Hôrôn pah gơal; hơdral jur tơ gơal 'moi rok gah bơmơ̆t dĭng truh tơ'bưh kơ Kiriat Baal, wă khan Kiriat Jêrim pơlei bơngai Juđa, noh hơdral gah bơmơ̆t.

Jôsuê 18:14 交叉參考

II Sam 6:2

Sư păng đĭ-đăng lu bơngai kiơ̆ truh tơ pơlei Baala dêh Juđa wă năm tung iŏk Hom pơgơ̆p Kră Yang 'Bok Kei-Dei; Hom noh kon pơlei krao anăn Kră Yang Tih Hloh, Kră Yang mă dan tang-dŏ Sư kơpal rim kơ chêrubim kơpal tơnglơ̆p Hom pơgơ̆p.

Jôsuê 15:60

Kariat Baal wă khan Kiriat Jearim păng Rapba; đĭ-đăng 'bar tŏ pơlei tih hăm pơlei iĕ lu sư.

Jôsuê 15:9

Hơdral 'nâu đơ̆ng luĕl kông truh tơ đak glung Neptôa tơtil lu pơlei kơpal kông Êphrôn, jur tơ Baala, noh Kiriat Jêrim.

Jôsuê 18:13

Đơ̆ng noh hơdral hlôi tơ gơal tơter kông pơlei Lus, wă khan pơlei Bethel, na jur truh tơ pơlei Atarôt Ađar. Tơ kơpơ̆ng kông gah gơal lăm thŭng ala kơ pơlei Bêt Hôrôn.

Jôsuê 18:15

Hơdral gah gơal iŏk đơ̆ng 'nguaih kơ pơlei tih Kiriat Jêrim; rok gah bơmơ̆t, tơpăt tơ đak glung Neptôa;

Jôsuê 9:17

Kon pơlei Isơrael yak năm năr mă pêng truh tơ pơlei lu sư, pơlei Gibeôn, Kêphira, Bêrôt păng Kiriat, Jêrim.

I Sam 13:18

khŭl mă 'bar năm tơ gah pơlei Bêt Hôrôn; mă-lei khŭl mă pêng năm rok trong sơlam, trong noh năm tơ gah kơpal groi tơmang 'bôh tơ thŭng Sêbôim, păng char glă.