Jôsuê 13:31 - Sơ̆p Hlabơar Nơ̆r 'Bok Kei-Dei

³¹ Minh puăt char Gileat, pơlei Astarôt, pơlei Êdrei, ('bar tŏ pơlei noh lăm char Ok lăm tơring Basan), pơlei âu đei asong ăn kơ kon sâu Makir, kon drŏ-nglo Manase, wă khan minh puăt lu kon drŏ-nglo Makir kiơ̆ kơ adrĕch adrung lu sư.

Jôsuê 13:31 交叉參考

I Ho 6:71

Kon sâu Gersôm iŏk đơ̆ng minh puăt adrĕch Manase, pơlei Gôlan tơring Basan hăm dơnih 'nhĕt sư Astarôt hăm dơnih 'nhĕt sư;

Horiso 60:7

Gileat gah inh, Manase kư̆m lei lai; Êphraim môk kơlăm pĕng kơ̆l inh. Juđa jơ̆ 'long jra pơtao inh.

Êsêkiên 48:4

'Moi rok teh asong kơ Neptali, đơ̆ng hơdral gah hơlĕch truh tơ hơdral gah bơmơ̆t, noh teh asong kơ Manase.

Jôsuê 12:4

Ok pơtao Basan, minh 'nu bơngai oei arih hlot lăm kon pơlei Rêphaim oei tơ Astarôt păng Êdrei.

Jôsuê 13:12

đĭ kơ teh đak Ok, pơtao char Basan, sư pơgơ̆r tơ Astarôt păng Êdrei, oei pă minh 'nu sư oei arih lăm kon pơlei Rêphaim, Môis đei blah iŏk đĭ boih lu sư păng iŏk đĭ teh đak lu sư.

Jôsuê 13:32

Noh jing teh jang mă Môis asong ăn teh lăm thŭng dơnă Môap, gah tơklă kơ đak Krong Jôrđăn, pah hơlĕch pơlei Jêrikô.

Jôsuê 17:5

Thoi noh adrĕch Manase đei mơjĭt tŏ tơring dơ̆ng, 'nguaih kơ char Gileat păng char Basan tơ gah hơlĕch kơ đak Krong Jôrđăn;

Jôsuê 17:6

Yua kơ lu kon drŏ-kăn Manase kư̆m đei teh jang sa, iŏk hơdai lăm lu kon drŏ-nglo sư, char Gileat noh char asong ăn kơ lu kon drŏ-nglo Manase nai dơ̆ng.

Jôsuê 9:10

Păng kơtơ̆ng dôm tơdrong Kră Yang pơm boih kơ 'bar 'nu pơtao Amôrit, oei gah hơlĕch kơ đak Krong Jôrđăn, Sihôn pơtao Hesbôn păng Ok pơtao char Basan pơgơ̆r tơ Astarôt.

Lu 10:6

Đơ̆ng rŏng kơ noh lu bơngai Isơrael pơm dơ̆ng tơdrong kơnê̆ 'bơ̆t anăp Kră Yang lu sư kơkuh kơ lu yang Baal lu yang Astarôt, lu yang bơngai Aram, lu yang bơngai Siđôn, lu yang bơngai Môap, lu yang bơngai Ammôn păng lu yang kon pơlei Philistin. Lu sư achăng lê̆ Kră Yang păng ưh kơ chu kiơ̆ Sư.

Lu 5:17

Adrĕch Gileat lu sư oei oei tơ pah to đak Krong Jôrđăn; Bĕ Đan liơ ih oei bơsuơ̆t tơ lăm lu duk? Aser ngôi mơng 'bơ̆t cheng đak dơsĭ, oei pơdơh lăm anih duk pơdơh.

I Sam 12:10

Lu sư ôr krao apinh Kră Yang: Lu nhôn đei pơm yoch, yua kơ lu nhôn achăng lê̆ Kră Yang, na kơkuh kơ yang Baal păng yang Astarôt; dang ei, apinh Ih dŏng pơklaih nhôn đơ̆ng ti bơngai ayăt hăm nhôn, na lu nhôn gô chu kiơ̆ kơ Ih.

I Sam 7:3

Samuel khan kơ đĭ-đăng bơngai Isơrael thoi âu: Tơdah đĭ jơhngơ̆m wih brŏk tơ Kră Yang, iĕm athei hŭt lê̆ lu rup yang bơngai tơmoi păng rup yang drŏ-kăn Astarôt đơ̆ng lăm iĕm, na đĭ jơhngơ̆m kiơ̆ Kră Yang, lăp kơ bơ̆jang kơ minh 'nu Sư đĕch. Sư gô dŏng pơklaih iĕm đơ̆ng bơngai Philistin ngei ngei.