Jôsuê 10:35 - Sơ̆p Hlabơar Nơ̆r 'Bok Kei-Dei

³⁵ Lăm năr noh mơ̆n lu sư blah iŏk pơlei, pơlôch pơrăm kon pơlei oei lăm pơlei noh hăm đao gưm, kư̆m thoi lu sư pơm kơ pơlei Lakis.

Jôsuê 10:35 交叉參考

Jop 19:10

Sư teh tơpăk inh đơ̆ng puăn pah dĭng inh răm đĭ; Tơdrong inh chang hơmĕng Sư buch lê̆ đơ̆ng rơh thoi đe buch tơm 'long.

Lêwi 26:44

Mă khan thoi ei kơplah lu sư oei lăm char lu bơngai ayăt kơ lu sư, Inh kư̆m ưh kơ đei hŭt lê̆ lu sư ôh, kư̆m ưh kơ areh kơ lu sư mơ̆n dĭng mah Inh pơrăm đĭ lu sư. Păng Inh ưh kơ hŭt lê̆ tơdrong pơgơ̆p hăm lu sư; yua kơ Inh Kră Yang 'Bok Kei-Dei lu sư.

Jôsuê 10:34

Jôsuê hăm kon pơlei Isơrael, weh đơ̆ng pơlei Lakis năm tơ pơlei Eglôn, lu sư pơm anih kơđông wă blah pơlei noh.

Jôsuê 10:36

Đơ̆ng noh, Jôsuê hăm lu linh Isơrael đơ̆ng pơlei Eglôn tŏk năm tơ pơlei Hêbrôn wă năm blah pơlei noh,

Jôsuê 10:37

blah iŏk pơrăm pơlôch pơlei noh hăm đao gưm păng pơlôch pơtao, hăm lu pơlei jê̆ pơlôch đĭ-đăng kon pơlei kư̆m thoi pơrăm pơlei Eglôn ưh kơ đei bu gơh oei arih.