Jop 8:8 - Sơ̆p Hlabơar Nơ̆r 'Bok Kei-Dei

⁸ “Inh apinh ih hŏk iŏk lu bơngai jơhnơr adrol sơ̆, Chă lăng hơlen bĕ dôm tơdrong lu sư chă 'bôh sơ̆;

Jop 8:8 交叉參考

II Ho 10:6

Pơtao Rêhôbôam khan pơđâu hăm lu kră bơngai mă juăt kơ jang hăm 'bă sư Sôlômôn kơplah oei arih: “Lu iĕm tơchĕng inh athei pơma păng drơ̆ng lu kon pơlei âu thoi yơ?”

Jop 12:12

Bơngai kră jơnei đei tơdrong hơgei, bơngai arih sot đei tơdrong hlôh wao.

Jop 13:1

'Nâu măt inh 'bôh bơih dôm tơdrong 'noh, Đon inh kơtơ̆ng păng hlôh mơ̆n.

Jop 15:10

Lăm lu nhôn âu đei bơngai sŏk ko, bơngai kră krŭng sơnăm đĭ lơ hloh kơ 'bă ih.

Jop 15:18

Tơdrong lu bơngai hơgei tơ'bôh ăn kơ inh, ưh kơ ôn ôh dôm tơdrong kiơ mă sư pơhrăm đơ̆ng 'bok lu sư

Jop 20:4

Ih hăm băt, đơ̆ng sơ̆ ki sơ̆ kach Iŏk đơ̆ng Kră Yang 'nao pơjing kon bơngai kơpal teh sơ̆.

Horiso 44:1

Ơ Kră Yang 'Bok Kei-Dei, đon lu nhôn đei kơtơ̆ng, Lu 'bok yă nhôn đei roi ăn, Tơdrong jang Kră Yang đei pơm lăm chăl arih lu sư. Sơ̆ ki sơ̆ kach.

Êsai 38:19

Lu bơngai arih, lu bơngai arih đĕch ư-ang kơ Ih. Thoi inh đei pơm năr âu. Lu bơngai pơm 'bă gô bơtho ăn kơ kon hơ'lơ̆p sư băt tơdrong tơpăt Ih.

Jôel 1:2

Ơ lu bơngai kră mơ̆ng bĕ nơ̆r âu! Đĭ-đăng lu iĕm jing kon pơlei pơla lăm teh đak âu, mơ̆ng bĕ! Hăm tam đei tơdrong truh thoi noh lăm chăl lu iĕm, dah lăm chăl 'bok lu iĕm ưh?

Rom 15:4

Dôm tơdrong đe chih roi lê̆ sơ̆ wă bơtho kơ đon bơ̆n dang ei, wă kơ bơ̆n gơh lui kơjăp oei hiôk kơplah bơ̆n chang gô 'Bok Kei-Dei wă tơgŭm bơ̆n ning-mônh.

I Kor 10:11

Đe chih roi dôm tơdrong lu yă 'bok bơ̆n pơm ưh kơ lăp kơ 'Bok Kei-Dei, na 'Bok Kei-Dei pơrăm lu sư dang noh sơ̆, 'Bok Kei-Dei Sư wă kơ lu bơ̆n mă kon sâu se lu sư mă hơtuch dang ei băt kơ hli, huay pă pơm kơnê̆, thoi lu yă 'bok bơ̆n mă pơm kơnê̆ kơ 'Bok Kei-Dei sơ̆.

Both 32:7

'Blŏk bĕ kơ năr sơ̆ ki. Tơchĕng bĕ kơ lu bơngai chăl adrol sơ̆. Jet bĕ 'bă iĕm lu sư gô tơl. Apinh bĕ lu kră iĕm, lu sư gô roi tơbăt ăn kơ iĕm.

Both 4:32

Thoi noh, iĕm athei apinh lăng iŏk đơ̆ng jơhnơr đei adrol kơ iĕm sơ̆, đơ̆ng năr Kră Yang 'Bok Kei-Dei pơjing kon bơngai kơpal teh, đơ̆ng tôch plĕnh âu truh tơ tôch plĕnh to, hăm tam đei tơdrong kiơ truh boih tih dah đei kơtơ̆ng tơdrong kiơ boih thoi noh?