Jop 32:8 - Sơ̆p Hlabơar Nơ̆r 'Bok Kei-Dei

⁸ Mă-lei đei Yang bơhngol 'lơ̆ng oei lăm kon bơngai, Păng hơyuh kial dui jơhngơ̆m Kră Yang Tih Hloh ăn kơ sư tơdrong hlôh gơh hơgei.

Jop 32:8 交叉參考

Jop 38:36

Bu ăn tơdrong gơh hơgei lăm jơhngơ̆m păng ăn bơih tơdrong hlôh wao lăm kơ̆l 'ngok?

Jop 33:4

Yang bơhngol 'lơ̆ng Kră Yang 'Bok Kei-Dei pơjing inh bơih, Hơyuh kial dui jơhngơ̆m Kră Yang Tih Hloh ăn kơ inh arih.

II Tim 3:16

Đĭ-đăng dôm sơ̆p hla bơar 'Bok Kei-Dei đơ̆ng 'Bok Kei-Dei tơgŭm kon bơngai chih, na bơ̆n gơh yua sơ̆p hla bơar 'Bok Kei-Dei bơtho tơdrong Sư, khă đe 'nĕ pă pơm tơdrong yoch păng hơmet ming jơhngơ̆m đe, tơbăt kơ đe thoi yơ bơ̆n gơh pơm 'lơ̆ng tơpăt.

Ya 1:5

Tơ̆ng đei lăm lu iĕm bơngai bu ưh tam gan hlôh tơdrong 'Bok Kei-Dei, bơngai noh athei apinh 'Bok Kei-Dei ăn kơ sư hlôh. Na 'Bok Kei-Dei gô ăn kơ sư hlôh tơpă, yua kơ 'Bok Kei-Dei hơlăng dêh, Sư ưh kơ kret ôh kơ lu bơngai mă apinh Sư păng Sư huay kơ hil kơ lu bơngai mă apinh Sư noh.

Bôk Bơthô 2:26

'Bok Kei-Dei ăn tơdrong hơgei hlôh băt păng ăn hiôk chơt kơ đe bu mă pơm trŏ thoi sư lăp đon; mă-lei sư ăn kơ lu bơngai yoch khŏm jang gleh hrat na gơh đei tơmam, mong 'măn lê̆, đơ̆ng noh ăn kơ lu bơngai pơm trŏ thoi 'Bok Kei-Dei lăp đon, tơdrong noh kư̆m tơdrong kơ đei, gô mơ̆ng kơ kial bơbơ̆t tơ yơ kiơ̆ tơ noh.

Tơdrông Pơđơk 2:6

Yua kơ Kră Yang ăn tơdrong gơh hơgei; Đơ̆ng 'bơ̆r Sư lĕch tơdrong băt hlôh, hlôh wao.

I Pot 3:12

'Nâu, Inh ăn tơdrong ih apinh, ăn kơ ih hlôh wao gơh hơgei, dĭng mah lu bơngai adrol kơ ih ưh kơ đei bu hơtŏ kơ ih păng lu bơngai đơ̆ng rŏng kơ ih kư̆m ưh kơ đei bu dang ih.

Da 2:21

Đơ̆ng Sư boih mă tơplih khei 'năr, bơyan, pơjing pơdơ̆ng pơtao păng ăn tơdrong gơh hơgei hlôh wao kơ lu bơngai hơgei păng ăn tơdrong hlôh băt kơ lu bơngai hơdah.

Da 1:17

Đơ̆ng noh, Kră Yang 'Bok Kei-Dei ăn kơ puăn 'nu bơngai tơdăm noh đei kơ̆l 'ngok gơh hơgei lăm rim tơdrong lu sư hŏk pơhrăm. Đaniel kư̆m đei gơh băt tơblang tơdrong tơ'bôh păng tơdrong apo.

Jop 35:11

Sư ăn kơ lu bơ̆n đei đon hơgei hloh kơ lu sem brem, Ăn kơ lu bơ̆n gơh hơgei hloh kơ lu sem păr.”

Jop 33:16

Kră Yang pơih đon wă kơ lu sư mơ̆ng. Pơsĭt nơ̆r chrih bơtho tơhli lu sư wă kơchăng.

I Pot 3:28

Đĭ-đăng bơngai Isơrael kơtơ̆ng tơdrong pơtao sek tơlang noh lu sư hli yom ư-ang kơ pơtao, yua kơ lu sư 'bôh pơtao đei tơdrong gơh hơgei đơ̆ng Kră Yang 'Bok Kei-Dei, wă kơ sek tơlang tơpăt.

I Kor 12:8

Yang Bơhngol 'Lơ̆ng ăn kơ bơngai âu đon hơgei wă kơ năm chă bơtho tơdrong 'Bok Kei-Dei; Sư kư̆m ăn kơ bơngai to hlôh wao tôm tơdrong 'Bok Kei-Dei wă kơ gơh năm chă bơtho đe mơ̆n.

Bl 41:39

Pharaôn pơma păng Jôsep khan: Yua kơ Kră Yang 'Bok Kei-Dei ăn boih kơ ih băt tơdrong âu, na pă đei bu hơgei hlôh wao thoi ih boih.

I Pot 4:29

'Bok Kei-Dei ăn kơ Sôlômôn hlôh băt tih dêh hăm đon hlôh wao dêh pă kĕ jô̆ nhen thoi chuơh cheng đak dơsĭ.

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

Jop 12:13

Kră Yang 'Bok Kei-Dei gơh hơgei păng Mơsêh Mơyang gơh băt păng hlôh wao.

Jop 27:3

Dang yơ inh oei dui jơhngơ̆m, oei đei hơyuh kial arih Kră Yang 'Bok Kei-Dei oei lăm trôm muh inh.

I Pot 5:9

Lu đĭch đam inh gô dui hor 'long noh đơ̆ng char Liban ba tơ đak dơsĭ, na chô̆ pơm thoi thŏng-nan chơ ăn kơ ih truh tơ anih mă ih tơhlâu ăn kơ inh. Inh gô yuih lê̆ tơ noh ih gô iŏk đơ̆ng noh. Ih athei bơngơ̆t kiơ̆ thoi inh wă ăn kơ đĭ ŭnh hnam nhôn tơmam sa.”

Jop 12:16

Tơdrong pran kơtang păng hơgei lăm Sư. Lăm Sư ngăl lu bơngai wơ̆l jrok păng lu bơngai mă pơm kơ đe wơ̆l jrok,

Tơdrông Pơđơk 20:27

Bơhngol lăm kon bơngai noh ŭnh kơđeng Kră Yang. Wă chă lăng păng nhơk tơ anih hlơp lăm jơhngơ̆m.

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.