4 Inh jing bơngai chă pơhiĕk kơ bôl buăl. Mă khan inh đơ̆ng bơngai juăt krao khan apinh Kră Yang 'Bok Kei-Dei păng đei Sư tơl tơwih nơ̆r inh; Inh bơngai 'lơ̆ng tơpăt tôm tơdrong đĭ jing bơngai đe hiĕk ăr.
Ih pơma kư̆ kă hăm pơm kơ đe ngăn đĕch? Wă ưh kơ đei bu chrih kơ ih, mưh ih chă pơjăm đe.
Bơngai oei hiôk 'lơ̆ng pơjăm bơngai đei gleh truh. Bơngai bu tơpling jơ̆ng gô pơ̆k hloi.
Inh đei hơmet bơih nơ̆r inh wă pơma dŏng, Inh băt tơpă gô jei inh.
Lu bơngai ha 'bơ̆r che bơle kơ inh, tap tơ'bŏk pơma pơjăm pơjuă inh. Lu sư pôm đon blah inh.
Lu buăl juăt inh che bơle kơ inh. Đak măt inh hyôi hyai krao apinh Kră Yang 'Bok Kei-Dei.
Lu bơngai che bơle wang tăp kơ inh, inh ngăl 'bôh lu sư pơm kơ inh.
Kră Yang 'Bok Kei-Dei pơm kơ kon pơlei pơla hiĕk ăr kơ inh. Lu sư kơ soh đak hai tơ muh măt inh.
Adrin ĕnh, gô inh pơma: Đang kơ inh pơma bơih, lu iĕm gơh che bơle.
Mă-lei dang ei, lu sư hiĕk ăr kơ inh, lu sư tơdăm 'lơ̆p hloh kơ inh, Mă 'bă lu sư, inh pă jô̆ bơih, wă jang wei triu. Hơdai hăm kŏ inh.
Na dang ei kon sâu lu sư hơri jô̆ pơjăm inh, Roi 'bơm che bơle kơ inh.
Hăm đei bu thoi Jop, nhă nơ̆r đe pơjăm che bơle thoi kơ đak?
Inh apinh lu iĕm tơchĕng lăng dơ̆ng, 'nĕ chă jâu kư̆ kă. Apinh lu iĕm lăng hơlen bĕ, inh ưh kơ đei yoch.
Inh 'lơ̆ng tơpăt, mă-lei inh khan kơdih ưh kơ yua kiơ; inh areh kơ tơdrong arih inh.
Lu sư kăp hơnĕnh wă pơm kơ inh. Lu bơngai kơnê̆ nŏng kơ blei hiap inh.
Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.
Bơngai bu năm lăm tơdrong tơpăt băt hli yom kơ Kră Yang; Mă-lei bơngai bu pơm kiơ̆ trong tơdrong kơnê̆ areh kơ Sư.
Ơ Kră Yang, Ih pơhlŭ inh boih, inh chu iŏk boih dôm tơdrong Ih pơgŏ, Ih pơjuă pơđep inh păng jei Ih boih. Inh arih pơm kơ đe hiĕk ăr kơ inh prăt năr. Rim bơngai hiĕk pơjăm inh.
Krao apinh Inh bĕ, Inh gô tơl tơwih; Inh gô tơ'bôh ăn kơ ih tơdrong tih jrŭ păng tơnat kơ hlôh, dôm tơdrong mă ih ưh tam mă băt.”
Mă-lei gah inh, inh gô lăng Kră Yang, chang gô 'Bok Kei-Dei Tơ'ngla dŏng pơklaih inh; 'Bok Kei-Dei Kră Yang gô mơ̆ng nơ̆r inh.
Păng lu sư iŏk tơlei jơla chuă pơm agăl na pơyơ̆l tơ kơ̆l Yêsu. Lu sư iŏk 'long jra ăn kơ Sư chĕp gah 'ma, na lu linh ei pơm sơtơ̆p kŭl-tăng kơkuh pơngiĕl kơ Sư, lu sư khan: “Kơkuh kơ Ih 'Bok Pơtao bơngai Juđê.”
Sư khan: “Iĕm lĕch đĭ tơ 'ngoaih, bơngai adruh âu ưh kơ lôch ôh, sư tep đĕch.” Na đe ei hiĕk kơ Sư.
Na đe ei hiĕk kơ Sư. Sư pơpuh lu bơngai oei lăm ei lĕch đĭ tơ 'ngoaih na anhăk mĕ 'bă adruh mă lôch noh păng pêng 'nu bơngai mă kiơ̆ Sư hei, mơ̆t tơ anih đe tơ'bĭch adruh mă lôch noh.
Lu bơngai Pharisi kư̆m kơtơ̆ng dôm tơdrong Yêsu bơtho noh mơ̆n, na lu sư pơm hiĕk kơ Yêsu yua kơ lu sư 'mêm kơ mŭk tơmam tơ ala teh âu.
Lăp lu bơngai Aten kơtơ̆ng Pôl bơtho thoi noh gah bơngai lôch iung arih noh, lu mơ'nah hiĕk kơ sư. Mă-lei đei lu mơ'nah khan kơ sư thoi âu: “Gô layơ dơ̆ng nhôn mơ̆ng ih bơtho tơdrong âu.”
Lu mơ'nah dơ̆ng, đe che bơle kơ sư, teh sư păng sơnguĕt tơlei, chô̆ sư păng tơlei glang mam, tah sư tơ lăm hnam phak, mă-lei sư kư̆m ưh kơ chu lê̆ 'Bok Kei-Dei.
