Jôel 2:3 - Sơ̆p Hlabơar Nơ̆r 'Bok Kei-Dei

³ Ŭnh sa tơ anăp lu sư, đei ŭnh sa tơ rŏng lu sư, đei pla ŭnh sa pơgoh. Adrol kơ sư teh đak âu thoi pơgar Êđen, truh đơ̆ng rŏng kơ sư weh teh đak noh jing juơ juŏ, păng ưh kơ đei kiơ gơh klĕnh đơ̆ng lu sư ôh.

Jôel 2:3 交叉參考

Bl 13:10

Lot sư tơmang lăng 'bôh tơ thŭng gah Krong Jôrđăn noh, anih mă đei đak ro hngôm truh tơ pơlei Suar; bri chŭn noh kư̆m thoi lĕ pơgar Kră Yang pơm, thoi char Êyiptơ mơ̆n. Năr noh adrol kơ Kră Yang tam mă pơrăm pơlei Sôđôm păng pơlei Gômôrơ.

Bl 2:8

Đơ̆ng noh, Kră Yang 'Bok Kei-Dei pơjing minh hlak pơgar Êđen, tơ gah hơlĕch păng 'măn kon bơngai mă Sư 'nao pơjing oei tơ lăm noh,

Horiso 50:3

Kră Yang 'Bok Kei-Dei lu bơ̆n truh ưh kơ đei ngăn đĕch ôh. 'Bơ̆t anăp Sư đei pla ŭnh soh chhông Tăp dăr kơ Sư đei hơbŭt hơbang tih tơpă.

Horiso 97:3

Ŭnh năm adrol tơ anăp Sư soh pơrăm lê̆ lu ayăt tăp dăr kơ sư.

Le 10:15

Lep 'bĕnh-'bang jơ̆p-jang kơpal teh tơ lăm dêh Êyiptơ. Păng đei lăm dêh char jing găm ngăl, kăp sa đĭ lu hla 'nhĕt 'nhot sa tơ anih tơmăn glă păng plei 'long sa mă đơ̆ng 'mi prĕl oei lon; jơ̆p tơ lăm dêh Êyiptơ ưh pă đei hla 'nhĕt 'nhot hla 'long tơ mir, tơmăn glă gơh bluh dơ̆ng boih.

Le 10:5

lep gô jruh 'bĕnh-'bang kơpal teh lăng teh mah ưh pă 'bôh sư gô kăp pơđĭ dôm tơmam kiơ mă oei đei đơ̆ng rŏng kơ 'mi prĕl preh; sư kư̆m kăp pơđĭ dôm lu 'long chăt tơ mir na ih,

Êsai 14:17

Pơm kơ lu dêh char jing teh glă, pơrăm lê̆ lu plei tih, păng ưh kơ tơlĕch lu bơngai pơm bơnă brŏk tơ hnam sư kơdih?”

Êsai 15:6

Krong Nimrim hrơ̆ đĭ, 'nhĕt đĭ kro krĕnh. 'Nhĕt 'lơ̆p hơdrih pă đei, ưh pă đei 'nhĕt dah 'long hơdrih ayơ dơ̆ng.

Êsai 33:4

Mŭk tơmam lu iĕm đe gô pơdŭ iŏk nhen thoi lep 'ba, pơdŭ sa, đe gô bruh iŏk tơmam iĕm thoi lu lep 'ba bruh sa.

Êsai 51:3

Kră Yang gô pơlung pơlei Siôn; Kră Yang gô ăn kơ rim anih sư đĭ bri juơ. Kră Yang gô pơm kơ teh sư lê̆ bri jing thoi pơgar Êđen. Char glă jing thoi pơgar Kră Yang; Tơ anih noh gô 'bôh đei tơdrong hiôk chơt, 'nă hal, nơ̆r bơnê păng nơ̆r hơri.

Êsai 9:18

Ŭnh sa teh lu sư, yua kơ Kră Yang Tih Hloh hil, kon pơlei jing thoi tơmam ăn kơ ŭnh sa, ưh kơ đei bu 'mêm mơnat kơ 'nhŏng oh sư kơdih.

Êsai 9:19

Lu sư tơgar iŏk sa gah 'ma mă-lei oei pơngot, lu sư iŏk sa gah 'ngiĕo mă-lei ưh kơ phĭ, đĭ-đăng lu sư sa kon sâu kơdih.

Je 5:17

Lu sư gô luăn sa phe 'ba lu iĕm, luăn sa lu kon drŏ-nglo drŏ-kăn iĕm, lu sư gô 'buh sa triu păng rơmo lu iĕm. Gô phĕ sa plei hơmu păng plei hơra lu iĕm. Lu sư gô iŏk đao koh pơrăm lu pơlei tih kơjăp mă lu iĕm gơnang hơđơ̆ng.”

Êsêkiên 36:35

Đe gô pơma khan: “Anih teh lê̆ bri âu dang ei jing pơgar Êđen păng lu pơlei mă đĭ pơchah pă đei noh 'nâu đei tơiung pơdơ̆ng ming đei kon pơlei oei!”

Am 7:4

Thoi noh Kră Yang tơ'bôh ăn kơ inh: Kră Yang ăn ŭnh truh wă sek tơlang ŭnh noh sa jrŭ să, oei sa sơlŭng păng teh đak.

Habakuk 1:6

'Nâu Inh ăn kơ lu bơngai Kalđê iung blah, sư jing minh adrĕch kơnê̆ pran kơtang năm tơ jơ̆p teh đak wă blah tơgar iŏk lu anih mă ưh kơ trŏ kơ teh đak lu sư.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”