Jo 8:22 - Sơ̆p Hlabơar Nơ̆r 'Bok Kei-Dei

²² Đơ̆ng rŏng kơ noh, lu bơngai Lêwi mơ̆t jang lăm Bơsŭn Anih Akŭm tơgŭm Arôn păng tơgŭm lu kon drŏ-nglo sư; pơm kơ lu bơngai Lêwi, kiơ̆ trŏ thoi nơ̆r Kră Yang đei pơma pơkă kơ Môis gah lu sư.

Jo 8:22 交叉參考

II Ho 30:27

Lu 'bok soi păng lu bơngai Lêwi iung sơkat pŭn hiôk ăn kơ kon pơlei; nơ̆r sơkat nơ̆r lu sư krao khan kơtơ̆ng truh tơ anih rơgoh Kră Yang, truh tơ plĕnh na Kră Yang tơl tơwih ăn pŭn hiôk.

II Ho 31:2

Hesekia klah asong lu 'bok soi păng lu bơngai Lêwi, kiơ̆ kơ khŭl tơdrong jang lu sư, wă pơyơ̆r tơmam soi 'buh păng tơmam soi pơyơ̆r kơ 'blŏk bơnê, wă kơkuh bơnê păng hơri ư-ang tơ anih lu 'măng jang cham Hnam Kră Yang.

Le 12:50

Đĭ-đăng kon pơlei Isơrael lu sư pơm kiơ̆ thoi noh; kiơ̆ thoi Kră Yang tơtă ăn kơ Môis păng Arôn boih.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 8:15

Đang kơ dôm tơdrong noh, lu bơngai Lêwi pha gô bơ̆jang lăm Bơsŭn Anih Akŭm. Na ih athei pơm ăn kơ lu sư rơgoh păng pơyơ̆r lu sư thoi tơmam soi pơyơ̆r tơpơng 'ma 'ngiĕo.

Jo 8:21

Bơngai Lêwi hơmet kơdih akâu 'lơ̆ng rơgoh huay pă yoch păng pih hơbĕn ao lu sư; đơ̆ng noh Arôn pơyơ̆r lu sư thoi tơmam soi drơng tơpơng 'ma 'ngiĕo 'bơ̆t anăp Kră Yang păng pơm tơmam soi huai tơdrong yoch lu sư, wă hơmet ăn kơ lu sư rơgoh.

Jo 8:23

Kră Yang khan kơ Môis,