Jo 8:21 - Sơ̆p Hlabơar Nơ̆r 'Bok Kei-Dei

²¹ Bơngai Lêwi hơmet kơdih akâu 'lơ̆ng rơgoh huay pă yoch păng pih hơbĕn ao lu sư; đơ̆ng noh Arôn pơyơ̆r lu sư thoi tơmam soi drơng tơpơng 'ma 'ngiĕo 'bơ̆t anăp Kră Yang păng pơm tơmam soi huai tơdrong yoch lu sư, wă hơmet ăn kơ lu sư rơgoh.

Jo 8:21 交叉參考

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Lêwi 14:11

'Bok soi tơ'ngla mă pơm rơgoh kơ sư, gô chông ba bơngai mă wă kơ rơgoh noh păng dôm lu tơmam noh 'bơ̆t anăp Kră Yang, năm tơ Bơsŭn Anih Akŭm.

Jo 19:12

Năr mă pêng năr mă tơpơh bơngai noh athei yua đak 'nâu wă sŭt rơgoh sư kơdih, na jing rơgoh; tơdah lăm năr mă pêng păng năr mă tơpơh ưh kơ sŭt rơgoh sư kơdih, lei ưh kơ gơh rơgoh.

Jo 19:19

Năr mă pêng păng năr mă tơpơh, bơngai mă rơgoh athei iŏk đak noh tơtraih tơ akâu bơngai mă hơtŭt 'bơm 'mê̆-'mach păng năr mă tơpơh bơngai rơgoh noh athei pơm ăn rơgoh; bơngai mă 'bơm 'mê̆ noh athei pih hơbĕn ao sư, hum tong akâu lăm đak păng dĭng truh tơ kơsơ̆ măng na gơh rơgoh.

Jo 3:12

'Nâu, lăm adrĕch bơngai Isơrael Inh, rơih iŏk boih bơngai Lêwi tơplih ăn kơ đĭ-đăng lu kon kơdră bơngai Isơrael. Thoi noh, bơngai Lêwi noh lu sư gah Inh,

Jo 8:15

Đang kơ dôm tơdrong noh, lu bơngai Lêwi pha gô bơ̆jang lăm Bơsŭn Anih Akŭm. Na ih athei pơm ăn kơ lu sư rơgoh păng pơyơ̆r lu sư thoi tơmam soi pơyơ̆r tơpơng 'ma 'ngiĕo.

Jo 8:20

Thoi noh Môis, Arôn păng đĭ-đăng khŭl bơngai Isơrael akŭm hơdai pơm ăn kơ lu bơngai Lêwi kiơ̆ thoi Kră Yang đei pơkă khan kơ Môis; lu bơngai Isơrael pơm hăm lu bơngai Lêwi thoi noh.

Jo 8:22

Đơ̆ng rŏng kơ noh, lu bơngai Lêwi mơ̆t jang lăm Bơsŭn Anih Akŭm tơgŭm Arôn păng tơgŭm lu kon drŏ-nglo sư; pơm kơ lu bơngai Lêwi, kiơ̆ trŏ thoi nơ̆r Kră Yang đei pơma pơkă kơ Môis gah lu sư.

Jo 8:7

'Nâu boih tơdrong ih athei pơm ăn kơ lu sư rơgoh; iŏk đak rơgoh tơtreh tơ kơpal akâu lu sư wă kơ rơgoh; lu sư athei hơkôih sŏk sop jơ̆p kơ akâu lu sư, pih hơbĕn ao păng hum hơmet akâu kơdih rơgoh.