Jo 5:9 - Sơ̆p Hlabơar Nơ̆r 'Bok Kei-Dei

⁹ Đĭ-đăng tơmam pơyơ̆r 'lơ̆ng rơgoh đơ̆ng lu bơngai Isơrael pơyơ̆r ăn kơ lu 'bok soi boih noh lê̆ kơ lu 'bok soi.

Jo 5:9 交叉參考

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Lêwi 10:13

Athei sa tơmam soi âu tơ anih 'lơ̆ng rơgoh hloh, yua kơ tơmam âu 'măn lê̆ kơ ih păng lu kon drŏ-nglo ih đơ̆ng tơmam soi ăn hăm ŭnh sa pơyơ̆r kơ Kră Yang, yua kơ Sư pơkă boih kơ inh.

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 10:15

Lu sư gô chĕp ba blu kon sem dơrong soi pơyơ̆r hiŏng tơ kơpal păng sĕch kơtơh mă đei pơyơ̆r chro 'ma 'ngiĕo hăm lu rơmă sư, wă soi pơyơ̆r chro 'ma 'ngiĕo 'bơ̆t anăp Kră Yang, dôm tơmam noh đe 'măn bơih kơ ih păng lu kon drŏ-nglo ih, kiơ̆ kơ tơdrong juăt ling-lang, mă Kră Yang đei tơtă bơih.

Lêwi 6:26

'Bok soi pơyơ̆r tơmam soi huai đơ̆ng yoch noh gô sa tơmam noh, đe gô sa lăm minh anih tơ cham Bơsŭn Anih Akŭm.

Lêwi 7:32

Iĕm gô ăn kơ 'bok soi blu gah 'ma wă pơm tơmam pơyơ̆r gah tơmam soi 'blŏk bơnê.

Lêwi 7:34

Yua kơ lăm lu tơmam pơyơ̆r 'blŏk bơnê chro to âu bơngai Isơrael Inh iŏk blu kon sem tơmam soi noh ăn kơ 'bok soi Arôn păng lu kon drŏ-nglo sư, kiơ̆ kơ tơdrong juăt oei ling-lang mă lu kon sâu bơngai Isơrael athei pơm kiơ̆.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

Jo 31:41

Môis pơjao ăn kơ Êlêasar, 'bok soi, tơmam na jing tơmam pơyơ̆r ăn kơ Kră Yang, trŏ thoi nơ̆r Kră Yang đei khan kơ Môis.

Jo 5:8

Tơdah bơngai 'nâu ưh pă đei boih 'nhŏng oh păng dah bơngai wă iŏk tơmam đe tơwih ăn kư̆m pă đei lei tơmam âu gah Kră Yang, wă khan ăn kơ lu 'bok soi, thim đei triu tơno wă soi pơyơ̆r pơm tơmam soi huai tơplih tơdrong yoch sư.

Both 12:26

Gah lu sem dơrong mă iĕm 'măn lê̆ 'lơ̆ng rơgoh wă pơyơ̆r păng kiơ̆ thoi đei pơkă boih dah wă pơsĭt đơ̆ng nơ̆r pơkă wă pơyơ̆r, na rôp anhăk ba năm tơ anih mă Kră Yang rơih boih.