Jo 5:19 - Sơ̆p Hlabơar Nơ̆r 'Bok Kei-Dei

¹⁹ 'Bok soi athei bơngai drŏ-kăn noh pơkă pơkăm păng khan kơ sư: Tơdah ưh kơ đei minh 'nu bơngai drŏ-nglo ayơ 'bĭch hăm ih păng ih oei lui mơ̆ng kơ klo ih ưh kơ luĕl 'blal păng huay kơ pơm kơnê̆ 'mê̆ brư̆, lei đak tăng tơdrong hiap âu huay kơ pơrăm ih.

Jo 5:19 交叉參考

Jo 5:12

Khan bĕ kơ adrĕch bơngai Isơrael: Tơdah đei minh 'nu drŏ-kăn 'blal pơm yoch hăm klo sư,

Jo 5:18

Na 'bok soi athei bơngai drŏ-kăn noh dơ̆ng năm jê̆ 'bơ̆t anăp Kră Yang, na lang achăng sŏk bơngai drŏ-kăn noh, dan tơmam wă pơyơ̆r 'bơ̆t tơpang ti sư, tơmam pơyơ̆r phe 'ba tơmam pơyơ̆r kơ gar; păng 'bok soi đei chĕp đak tăng lăm ti sư wă pơtih thoi hiap.

Jo 5:28

Mă-lei tơdah bơngai drŏ-kăn noh huay kơ pơm kơnê̆ 'mê̆ brư̆, oei rơgoh, lei sư huay kơ đei tơdrong truh răm kiơ păng gô pơjing kon hơ'lơ̆p.b

Mathiơ 26:63

Mă-lei Yêsu oei thĕng ưh kơ đei tơl sư thoi yơ ôh. 'Bok soi tơm jet Sư dơ̆ng: “Đei 'Bok Kei-Dei arih tơpă păng Sư 'bôh tôm tơdrong Ih pơm, na Ih athei roi kơ nhôn mă tơpăt, hăm trŏ kơ Ih 'Bok Krist, Kon 'Bok Kei-Dei tơpă dah ưh?”

Rom 7:2

Na kiơ̆ kơ tơdrong juăt bơ̆n hmă khan, dah bơngai drŏ-kăn đei klo, sư athei oei kơ klo sư truh tơ klo sư lôch, sư ưh pă tơchĕng kơ tơdrong juăt hli kơ pơm yoch kơ klo sư dơ̆ng boih.