Jo 32:33 - Sơ̆p Hlabơar Nơ̆r 'Bok Kei-Dei

³³ Thoi noh, na Môis ăn kơ kon sâu Gat, kon sâu Rubên păng ăn minh puăt kơ kon sâu Manase, kon drŏ-nglo Jôsep, dêh char Sihôn, pơtao Amôrit păng dêh char Ôk pơtao char Basan, wă khan dêh char hăm pơlei tih sư păng lu pơlei iĕ lăm tơring oei tăp dăr.

Jo 32:33 交叉參考

I Ho 12:31

Minh puăt adrĕch adrung Manase đei mơjĭt-tơhngam rơbâu 'nu bơngai, lu sư đe rơih đei anăn lu sư năm wă pôk Đawit pơm pơtao.

I Ho 26:32

Jêrija đei 'bar-rơbâu tơpơh-hrĕng 'nu 'nhŏng oh sư, nuih gơh hơgei pơm yŏng kơdră wei-lăng hnam dơnŏ 'bă; pơtao Đawit pôk lu sư wă kơ pơgơ̆r bơngai Rubên păng bơngai Gat păng kơ minh puăt bơngai Manase, lăm tơdrong jang Kră Yang 'Bok Kei-Dei păng tơdrong jang pơtao.

I Ho 5:18

Lăm kon sâu Rubên, Gat păng minh puăt adrĕch Manase, lu bơngai pran kơtang, gơh hơgei chĕp khêl đao, hră păng juăt tơblah hơgei; puăn-jĭt puăn-rơbâu tơpơh-hrĕng tơdrâu-jĭt 'nu bơngai hơmet boih wă tơblah.

Jo 32:1

Kon sâu Rubên hăm kon sâu Gat đei lơ sem dơrong; 'bôh tơring char Jaser hăm char Gileat jing anih 'lơ̆ng trŏ kơ wei rong rơmo, triu.

Jo 32:32

Lu nhôn gô chĕp đao hơlă tơmam tơblah tŏk yak rok anăp Kră Yang mơ̆t lăm dêh char Kanaan; mă-lei lu nhôn gô iŏk teh jang sa tơ pah âu đak Krong Jôrđăn.

Jo 34:14

Yua kơ adrĕch kon sâu Rubên, kiơ̆ kơ 'bok sư kơdih păng adrĕch kon sâu Gat, kiơ̆ kơ 'bok sư kơdih, hăm minh puăt adrĕch Manase đei iŏk boih teh jang sa kơ sư kơdih.

Jo 34:15

'Bar adrĕch păng minh puăt adrĕch 'nâu đei iŏk boih teh jang sa oei tơ paih âu gah hơlĕch đak Krong Jôrđăn, tơklă pơlei Jêrikô tơ gah măt 'năr lĕch.

Both 29:8

Iŏk dêh char sư pơjao ăn kơ adrĕch Rubên, Gat păng pơjao ăn minh puăt kơ adrĕch Manase jang sa.

Jôsuê 12:1

Âu lu anăn pơtao kơ dêh char, mă Isơrael đei blah iŏk dêh char teh đak lu sư gah to kơ đak Krong Jôrđăn, đơ̆ng glung Arnôn, truh tơ kông Hermôn đĭ kơ thŭng dơnă gah hơlĕch Araba.

Jôsuê 12:6

Môis đĭch đam Kră Yang păng kon pơlei Isơrael blah iŏk đơ̆ng lu sư, Môis đĭch đam Kră Yang klah asong teh ăn kơ lu adrĕch Rubên, Gat, minh puăt kơ adrĕch Manase, choh jang sa mir 'ba.

Jôsuê 14:3

Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.

Jôsuê 22:4

Dang ei Kră Yang 'Bok Kei-Dei ăn boih kơ lu 'nhŏng oh iĕm pơdơh hiôk-hian kiơ̆ thoi nơ̆r Kră Yang đei pơkă boih, thoi noh wih brŏk bĕ tơ hnam tơ teh jang sa lăm char lu iĕm mă Môis đĭch đam Kră Yang hlôi ăn boih kơ lu iĕm gah hơlĕch kơ đak Krong Jôrđăn.

Jôsuê 22:7

Môis ăn boih kơ minh puăt adrĕch Manase, teh jang sa mir 'ba tơ char Basan; Jôsuê ăn kơ minh puăt adrĕch Manase nai teh jang sa tơ gah bơmơ̆t kơ đak Krong Jôrđăn, kơplah Jôsuê ăn kơ lu sư wih brŏk tơ anih hnam kơdih na kư̆m đei sơkat ăn tơdrong pŭn hiôk

I Sam 13:7

Kŭm đei Lu bơngai Hêbrơ tŏk găn kơ đak Krong Jôrđăn, truh tơ tơring Gat păng Gileat. Mă-lei Sôl sư oei kơtă tơ Gilgal, đĭ-đăng kon pơlei kiơ̆ sư hli tơtey ngăl.