42 Thoi ei, Môis chih jô̆ pơđĭ lu kon kơdră bơngai Isơrael, kiơ̆ thoi Kră Yang mă đei pơkă khan kơ sư.
Inh boih Kră Yang. Ih athei chă rơih ăn kơ Inh kon kơdră drŏ-nglo đơ̆ng adrĕch bơngai Lêwi wă tơplih kơ kon drŏ-nglo kơdră lăm adrĕch bơngai Isơrael; kư̆m athei rôp sem dơrong tuh blŭng-a đơ̆ng bơngai Lêwi wă tơplih kơ dôm kon sem dơrong tuh blŭng-a kơ bơngai Isơrael.
Đĭ-đăng lu kon kơdră chih jô̆ rim anăn lu sư iŏk đơ̆ng 'nao minh khei tơ kơpal, kiơ̆ adrĕch adrung lu sư kơdih, đei 'bar-jĭt 'bar-rơbâu 'bar-hrĕng tơpơh-jĭt pêng 'nu.
