Jo 29:1 - Sơ̆p Hlabơar Nơ̆r 'Bok Kei-Dei

¹ Lăm năr mônh khei tơpơh, lu iĕm gô đei akŭm hơdai 'lơ̆ng rơgoh; ưh kơ gơh kơ jang minh tơdrong kiơ gah sĕch akar lu iĕm, năr noh năr giĕng hlôm keng.

Jo 29:1 交叉參考

I Ho 15:28

Na đĭ-đăng bơngai Isơrael năm tung Hom Pơgơ̆p Kră Yang hăm nơ̆r jreo tơkĕch hiôk chơt, kơtơ̆ng jơwa hlôm keng păng jơwa tơgiĕp preh chhar reh tĭng-nĭng păng brŏ dung.

Esơra 3:6

Đơ̆ng năr mă mônh khei tơpơh, lu sư pơtơm soi pơyơ̆r lu tơmam soi 'buh ăn kơ Kră Yang; mă-lei ưh tam mă man hơnă hnam akŭm Kră Yang Pơm Hnam Akŭm.

Ne 7:73

Thoi noh lu 'bok soi, bơngai Lêwi, lu bơngai gak 'măng jang, lu bơngai hơri, lu kon pơlei păng bơngai đĭch đam kră hnam yang kư̆m đĭ-đăng bơngai Isơrael, oei lăm pơlei sư kơdih. Truh tơ khei tơpơh, na kon pơlei Isơrael đơ̆ng rim pơlei wih brŏk akŭm tơ pơlei sư kơdih Jêrusalem.

Ne 8:2

Năr mă mônh khei tơpơh, Esơra 'bok soi chĕp ba sơ̆p hla bơar khôi juăt truh 'bơ̆t anăp kon pơlei, drŏ-nglo păng drŏ-kăn hăm đĭ-đăng lu bơngai mơ̆ng păng hlôh.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Horiso 89:15

Pŭn dêh kơ kon pơlei ayơ mă băt đei nơ̆r chơt hiôk hơri bơnê kơ Ih, Ơ Kră Yang, lu sư yak lăm hơdah đơ̆ng anăp muh măt Ih

Le 23:16

Ih athei wei năr 'blŏk hơdơ̆r kơ bơyan phĕ kĕch yuă wă khan bơyan plei 'long blŭng-a đơ̆ng ih bơ̆jang păng dôm adrĕch ih rei boih tơ chŭn mir; păng 'blŏk hơdơ̆r kơ bơyan phĕ kĕch yuă wă hlôi, kơplah lu iĕm đei phĕ kĕch yuă plei đơ̆ng chŭn mir,

Le 34:22

Ih athei 'blŏk răk năr giĕng, bơyan blŭng-a ih kĕch phĕ, yuă 'ba mi, hăm bơyan ih phĕ kĕch yuă tuch-luch lăm sơnăm.

Êsai 27:13

Lăm năr noh đe gô hlôm tơgiĕp re tih: Kơplah noh lu bơngai wơ̆l jrok lăm dêh Asiri păng lu bơngai pơm đĭch đam đơ̆ng Êyiptơ, gô brŏk kơkuh 'bơ̆t anăp Kră Yang tơ kơpal kông rơgoh 'lơ̆ng tơ pơlei Jêrusalem.

Lêwi 23:23

Kră Yang khan kơ Môis:

Lêwi 23:7

Năr blŭng-a lu iĕm athei akŭm 'lơ̆ng rơgoh, ưh kơ gơh bơ̆jang kiơ kơ sĕch akar.

Sa 9:14

Dang ei Kră Yang gô tơ'bôh kơ lu sư, 'brơ̆m sư prah thoi kơmlat; Kră Yang gô hlôm keng păng năm hơdai hăm kial hơbŭt gah gơal,

Jo 28:26

Lăm năr giĕng phĕ yuă blŭng-a, lăp iĕm đei plei blŭng-a kĕch yuă đei 'ba hle lăm bơyan, kơplah iĕm pơyơ̆r ăn kơ Kră Yang tơmam soi phe 'ba hle, iĕm athei akŭm 'lơ̆ng rơgoh; lăm năr noh lu iĕm ưh kơ gơh jang minh tơdrong kiơ gah sĕch akar.

Jo 29:12

Lăm năr mơjĭt-pơđăm khei tơpơh lu iĕm athei akŭm tih 'lơ̆ng rơgoh, 'nĕ kơ jang minh tơdrong jang kiơ gah sĕch akar, iĕm athei pơm giĕng bơsŭn kơ Kră Yang lăm tơpơh năr.

Jo 29:2

Lu iĕm athei rôp minh pôm kon rơmo dăm; minh pôm triu tơno păng tơpơh tŏ kon triu tơno 'nao minh sơnăm ưh kơ đei jĭ kiơ pơm tơmam soi 'buh, soh pơyơ̆r đei 'nhui 'bâu phu ăn kơ Kră Yang.

Jo 29:35

Năr mă tơhngam, lu iĕm athei akŭm tih; ưh kơ gơh jang minh tơdrong jang kiơ kơ sĕch akar;