Jo 23:13 - Sơ̆p Hlabơar Nơ̆r 'Bok Kei-Dei

¹³ Balak khan kơ sư: “Hiăng bĕ năm kiơ̆ inh tơ anih nai, đơ̆ng noh ih gô 'bôh lu sư, 'bôh lu sư jê̆ 'biơ̆, mă-lei ih ưh kơ đei 'bôh đĭ lu sư ôh, ih 'bôh minh puăt đĕch, na ih gô hiap lu sư đơ̆ng noh.”

Jo 23:13 交叉參考

I Pot 20:23

Lu đam Siri bơ̆jang kơ pơtao siri khan kơ pơtao sư: “Yang lu sư 'noh yang kông, thoi noh na lu sư pran hloh kơ bơ̆n. Mă-lei tơdah bơ̆n tơblah hăm lu sư tơ lăm thŭng dơnă, lei sĭt bơ̆n pran hloh kơ lu sư.

I Pot 20:28

Đei minh 'nu bơngai Kră Yang 'Bok Kei-Dei yua năm jê̆ pơtao Isơrael păng khan: “Kră Yang khan: Yua kơ kon pơlei Siri khan kơ Kră Yang noh yang kông, ưh kơ trŏ kơ yang thŭng dơnă ôh. Thoi noh na inh gô pơjao lu linh lơlap 'nâu lăm tơpang ti ih păng iĕm gô băt Inh bơih Kră Yang.”

Horiso 109:17

Sư 'maih blei hiap, Thŭ blei hiap plơ̆ tơ lu sư; kư̆m ưh kơ 'maih wă sơkat đei pŭn hiôk; Thŭ tơdrong pŭn hiôk ataih đơ̆ng lu sư.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 22:41

Truh tơ pơgê năr đơ̆ng rŏng Balak năm ba Balaam tơ Bamôt Baal, đơ̆ng anih noh sư gơh tơmang 'bôh tơ anih lu bơngai Isơrael oei pơdơh.

Jo 22:6

Thoi noh, inh apinh ih năm hiap lu sư dang ei hloi, yua kơ lu sư pran hloh kơ inh. Wă kơ inh kĕ blah pơrăm păng puh lu sư weh đơ̆ng char, yua kơ inh băt tơdah ih hơpơi kơ đe pŭn hiôk đei pŭn hiôk, tơdah ih hiap bu bơngai noh gô răm gô pŭ hơngiap.

Jo 23:12

Balaam tơl: Inh athei pơma dôm nơ̆r mă Kră Yang đei ăn boih nơ̆r pơma lăm 'bơ̆r inh?

Jo 23:14

Thoi noh Balak chông ba Balaam truh tơ mir Sôphim, kơpal kơ̆l kông Pisga, pơdơ̆ng tơpơh tŏ chơnang soi păng tơ rim chơnang soi pơyơ̆r minh pôm rơmo dăm păng minh pôm triu tơno.

Jôsuê 24:9

Kơplah Balak kon drŏ-nglo Sêpbô pơtao Môap iung tơblah hăm kon pơlei Isơrael, wơh Balaam, kon drŏ-nglo Bêôr, wă kơ hiap lu iĕm.