Jo 20:5 - Sơ̆p Hlabơar Nơ̆r 'Bok Kei-Dei

⁵ Yua kơ kiơ ih chông lu nhôn lĕch đơ̆ng dêh char Êyiptơ na năm ba lu nhôn tơ anih kơnê̆ dêh thoi âu, anih mă ưh kơ gơh rei 'ba păng ưh kơ đei 'long plei hơra, dah hơmu, plei gărnăt păng ưh kơ đei đak nhă?

Jo 20:5 交叉參考

Ne 9:21

Tơpă, Ih wei rong lu sư puăn-jĭt sơnăm lăm char glă; lu sư huay kơ lah kiơ ôh; hơbĕn ao lu sư kư̆m huay kơ so hiah păng jơ̆ng lu sư kư̆m huay kơ pơ'ngeh.

Je 2:2

“Năm roi bĕ tơ lăm đon kon pơlei Jêrusalem: ‘Inh 'blŏk kơ iĕm kơplah iĕm oei 'lơ̆p sơ̆, iĕm oei hơyuh 'mêm kơ Inh kơjăp thoi mŏ mai iĕm kiơ̆ Inh lăm char 'blach, tơ teh mă ưh kơ đei rei pơtăm.

Je 2:6

Lu sư ưh pă jet khan: ‘Tơ yơ Kră Yang Sư boih mă pơklaih tơlĕch bơ̆n đơ̆ng dêh char Êyiptơ păng chông ba bơ̆n rok lăm char glă, 'bĕnh-'bang kơ sơlŭng, lăm char teh hrĕng kro păng măng mu tơdrong lôch, lăm teh đak mă ưh kơ đei bu rok păng ưh kơ đei bu oei.’

Êsêkiên 20:36

Thoi Inh hlôi sek tơlang 'bok yă lu iĕm lăm char glă tơ Êyiptơ, inh kư̆m sek tơlang lu iĕm thoi noh mơ̆n, Kră Yang khan thoi noh.

Jo 16:14

Tơpă, ih ưh kơ đei chông ba nhôn tơ lăm char mă đak toh đak sut ôh, ih ưh kơ đei pơjao ăn kơ lu nhôn mir chŭn pơgar wă kơ jang sa ôh! Ih wă kuek lê̆ măt lu nhôn hă? Lu nhôn ưh kơ wă năm ôh.

Jo 20:24

Arôn gô lôch brŏk tơ anih yă 'bok sư, yua kơ sư ưh kơ gơh kơ mơ̆t ôh tơ dêh char mă inh wă ăn kơ bơngai Isơrael yua kơ sư sơngah pơjah kơ nơ̆r Inh tơtă tơ anih đak Mêriba.

Jo 27:14

Yua kơ ih sơngah ưh kơ chu kiơ̆ kơ nơ̆r Inh tơtă tơ lăm char glă Yin sơ̆, kơplah lu kon pơlei iung blah. Yua kơ măr iĕm ưh pă pơyom boih kơ tơdrong 'lơ̆ng rơgoh Inh 'bơ̆t anăp lu sư kơ tơdrong đak Mêriba krao đak tơhil băl tơ dêh Kalđê, lăm char glă Yin,

Both 8:15

Kră Yang chông ba iĕm rok char glă să pă băt krưp dêh, đei 'bih tang, hơguăt, teh hrĕng kro, ưh kơ đei đak ôh, Sư ăn đak lĕch đơ̆ng tơmo arăk tơpă.