Jo 18:1 - Sơ̆p Hlabơar Nơ̆r 'Bok Kei-Dei

¹ Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Jo 18:1 交叉參考

Le 28:38

Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Êsai 53:11

Đơ̆ng rŏng kơ bơhngol sư đei tơdrong pơmat-tat. Sư anih 'bôh hơdah. Đơ̆ng tơdrong sư hlôh băt sư gô hiôk. Đĭch đam Inh 'lơ̆ng tơpăt noh, Sư ăn đei lơ bơngai 'lơ̆ng tơpăt đơ̆ng sư pŭ iŏk tơdrong yoch lu sư.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Êsêkiên 4:4

Klaih kơ noh, ih athei 'bĭch cheng gah 'ngiĕo păng Inh gô dan tơdrong yoch bơngai Isơrael tơ kơpal ih. Ih 'bĭch thoi noh hơdôm năr, pŭ chĕp tơdrong yoch lu sư kư̆m dang noh.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 22:16

Bu sa tơmam rơgoh đêl pơyơ̆r thoi noh gô pŭ iŏk tơdrong sư hlôi pơm glăi, yua kơ Inh boih Kră Yang pơm kơ lu sư jing rơgoh 'lơ̆ng.

Lêwi 22:9

Yua kơ noh na sư athei bơwei nơ̆r Inh pơkă, kơnh hli kơ lu sư pŭ tơdrong yoch păng lôch hloi yua kơ đei pơm dôm tơdrong Inh tơtă jing kơnê̆ 'mê̆-'mach, Inh boih Kră Yang pơm kơ sư jing rơgoh 'lơ̆ng.

Jo 14:34

Lu iĕm gô yak dăr lăng hơdôm năr wă khan puăn-jĭt năr păng lu iĕm gô pŭ iŏk tơdrong phak đơ̆ng yoch lu iĕm kơdih dôm yơ, wă khan puăn-jĭt sơnăm, minh sơnăm jô̆ thoi minh năr; kơplah noh lu iĕm băt boih kơ Inh achăng lê̆ iĕm.

Jo 16:10

Kră Yang krao ih păng đĭ-đăng 'nhŏng oh ih kon sâu Lêwi năm jê̆ Sư, lu iĕm oei chă tơdrong jang thoi 'bok soi dơ̆ng hă?

Jo 17:13

Dah bơngai bu mă năm jê̆ bơsŭn Kră Yang gô lôch, na lu nhôn gô lôch đĭ hă?

Jo 17:3

Ih athei chih anăn tơ rim 'long jra, 'long jra bu chih anăn sư păng chih anăn Arôn tơ 'long jra bơngai Lêwi; rim adrĕch đei minh pôm 'long jra,

Jo 17:7

Môis tah lu 'long jra noh 'bơ̆t anăp Kră Yang tơ lăm Bơsŭn Roi Tơbăt.

Jo 18:11

Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 3:6

Ăn bĕ kơ kon drŏ-nglo Lêwi năm jê̆, 'bơ̆t anăp Arôn 'bok soi tơm, wă kơ lu adrĕch Lêwi awih awăn tơgŭm sư.

Both 10:8

Kơplah noh, Kră Yang klah lê̆ adrĕch Lêwi pha, wă tung hom pơgơ̆p Kră Yang dơ̆ng 'bơ̆t anăp Kră Yang wă bơ̆jang pơm 'bok soi kơ Sư păng yua anăn Kră Yang sơkat pŭn hiôk ăn kơ kon pơlei. Truh tơ dang ei,

Hêbrơ 13:17

Iĕm athei yom kơ bơngai mă pơgơ̆r iĕm, yua kơ sư adrin wei-lăng tơdrong lui iĕm, dang lĕ kơ wei-lăng bơhngol iĕm. Tơ̆ng sư wei-lăng ưh kơ 'blep, 'Bok Kei-Dei kư̆m chrih kơ sư mơ̆n. Iĕm athei yom kơ sư na sư jang hiôk kơ jơhngơ̆m huay kơ sơ'ngon. Tơ̆ng sư sơ'ngon, noh ưh kơ pơyua iĕm boih.

Hêbrơ 4:15

Sư ưh kơ sĭ 'bok soi mă ưh kơ băt mơnat kơ kon bơngai rơdu tơrăn ôh. Sư mơnat kơ bơ̆n tơpă, yua kơ Sư mơn kơdih hơdai đei tơdrong pơhlŭ thoi kon bơngai bơ̆n. Gah tơdrong pơm yoch, Sư ưh kơ đei pơm yoch kiơ ôh.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.

Lu 17:12

Na Mika pơk ăn kơ bơngai Lêwi noh pơm 'bok soi sư păng sư oei hloi lăm hnam Mika.