Jo 14:2 - Sơ̆p Hlabơar Nơ̆r 'Bok Kei-Dei

² Đĭ-đăng lu bơngai Isơrael jŏk kơ Môis păng Arôn; đĭ-đăng lu bơngai tơpôl khan kơ bre sư thoi âu: 'Lơ̆ng hloh kơ lu nhôn jah lôch tơ lăm char Êyiptơ ki, dah jah lôch tơ lăm char glă âu đĕch!

Jo 14:2 交叉參考

I Pot 19:4

Gah Êli, sư năm tơ char glă dang minh năr kơ trong, sư hơ-oei ngôi 'bơ̆t yơ̆p tơm 'long hơngo, sư apinh 'maih wă kơ jah lôch. “Hrăp bơih, dang ei ơ Kră Yang! Jah iŏk bĕ tơdrong arih inh, yua kơ inh ưh kơ đei kiơ 'lơ̆ng hloh kơ lu 'bok kơdră inh.”

Jop 3:11

“Liơ inh ưh kơ lôch hloi lăm năr 'nao jruh. Ưh kơtĕch jơhngơ̆m hloi lăp hlôi đơ̆ng mĕ inh.

Horiso 106:24

Lu sư lăng hơi đĕch dêh char 'lơ̆ng rŏ. Ưh kơ lui kơ nơ̆r Kră Yang pơkă.

Horiso 106:25

Na đei pơma jŏk lăm bơsŭn lu sư. Ưh kơ wă mơ̆ng kiơ̆ nơ̆r Kră Yang.

Horiso 106:45

'Blŏk dơ̆ng kơ lu sư, yua đơ̆ng nơ̆r Sư pơgơ̆p. Yua kơ đơ̆ng tơdrong 'mêm mơnat tih Sư 'mêm mơnat kơ lu sư.

Le 14:11

Lu sư khan kơ Môis: “Tơ dêh Êyiptơ ưh kơ đei anih 'bŭ bơngai ôh hă, na ih ngĕ kơ chông ba lu nhôn năm lôch tơ char glă? Ih wă pơm kiơ kơ nhôn, ăn kơ lu nhôn lĕch đơ̆ng dêh Êyiptơ?

Le 15:24

Kon pơlei pơma jŏk kơ Môis khan: Lu nhôn wă nhă kiơ.

Le 17:3

Kon pơlei oei tơ noh ưh kơ đei đak, rơhing 'maih nhă, na hil jŏk kơ Môis khan: Liơ ih chông ba lu nhôn lĕch đơ̆ng dêh Êyiptơ, wă kơ lu nhôn, kon sâu nhôn păng sem dơrong lôch rơhing kơ đak?

Jôna 4:3

Ơ Kră Yang, dang ei, inh krao apinh Ih iŏk lê̆ tơdrong arih inh bĕ! Yua kơ gah inh, lôch 'lơ̆ng hloh kơ arih.

Jôna 4:8

Kơplah lăp 'năr lĕch, Kră Yang 'Bok Kei-Dei ăn kial tơthu dơ̆ng gah hơlĕch păng 'năr tŏ chră tơ kơ̆l sư, na sư mah wing măt, na sư khan thoi âu: Gah inh, lôch 'lơ̆ng hloh kơ arih!

Jo 11:1

Kon pơlei pơma jŏk, kơ tơdrong pơmat-tat anat anot. Kră Yang kơtơ̆ng tơdrong noh, Kră Yang hil mĭl, ŭnh đơ̆ng Kră Yang soh sa khơ̆ng lăm kon pơlei păng ŭnh sa đơ̆ng jih kơđông.

Jo 11:15

Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!

Jo 11:5

Lu nhôn 'blŏk kơ đêl 'nhĕm ka đe ăn kơ lu nhôn sa đĕch lăm dêh char Êyiptơ, đei pia đak pia bih, 'bum kơdĭm, kơdĭm hmă, kơdĭm toih.

Jo 14:1

Đĭ-đăng lu tơpôl bơngai akŭm ôr re păng lu kon pơlei nhơ̆m hmoi lăm măng noh.

Jo 14:22

lu iĕm 'bôh boih dôm tơdrong ư-ang, tơdrong hlĭch chrơp Inh đei pơm boih lăm char Êyiptơ păng lăm char glă, lu iĕm đei pơlong lăng Inh mơjĭt wơ̆t păng kuă pă mơ̆ng nơ̆r Inh,

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 16:41

Pơgê dơning, đĭ-đăng lu khŭl bơngai Isơrael pơma jŏk kơ Môis păng Arôn khan: Măr iĕm pơlôch boih kon pơlei Kră Yang.

Jo 17:6

Môis khan kơ kon pơlei Isơrael, hăm đĭ-đăng lu yŏng kơdră, kiơ̆ kơ rim adrĕch sư kơdih, năm ba 'long jra, wă khan mơjĭt-'bar tŏ 'long jra, 'long jra Arôn dan tŏk-bŏk lu 'long jra noh.

Jo 20:2

Kơplah noh, đak nhă ưh kơ đei kơ lu bơngai akŭm wă nhă; lu sư iung pơma kơ Môis păng Arôn.

Jo 20:3

Kon pơlei hil kơ Môis păng khan: Kuă kơ kiơ lu nhôn lôch hơdai lu 'nhŏng oh nhôn mă lôch boih 'bơ̆t anăp Kră Yang sơ̆!

Jo 20:4

Yua kơ kiơ ih chông ba lu khŭl kon pơlei âu năm tơ char glă âu, pơm ăn kơ lu nhôn păng sem dơrong nhôn lôch?

Jo 21:5

Lei na, lu kon pơlei pơma hil plơ̆ kơ Kră Yang 'Bok Kei-Dei păng Môis khan: Liơ ih chông tơlĕch nhôn đơ̆ng dêh Êyiptơ wă pơlôch nhôn lăm char glă hă? Yua kơ tơ âu por sŏng 'bĕng sa sap ưh kơ đei, đak kư̆m ưh kơ đei păng lu nhôn đĭ bơ̆l boih kơ sa tơmam sa tơdrong kơ đei lâu.

I Kor 10:10

Bơ̆n 'nĕ ơh kơ 'Bok Kei-Dei thoi lu yă 'bok bơ̆n sơ̆; lu sư ơh kơ 'Bok Kei-Dei na 'Bok Kei-Dei pơrăm lu sư, ăn linh jang 'lơ̆ng jur pơlôch.

Both 1:27

Lu iĕm pơma jŏk lăm bơsŭn lu iĕm khan: Yua kơ Kră Yang areh kơ lu bơ̆n, na chông tơlĕch bơ̆n đơ̆ng dêh Êyiptơ, wă jao lu bơ̆n lăm tơpang ti lu kon pơlei Amôrit, wă pơlôch pơrăm bơ̆n.

Both 9:23

Kơplah Kră Yang athei lu iĕm weh đơ̆ng Kades Barnêa, pơkă khan: Năm iŏk bĕ dêh mă Inh ăn kơ lu iĕm, mă-lei lu iĕm blah plơ̆ Kră Yang 'Bok Kei-Dei lu iĕm tơtă, ưh kơ lui kơ Sư păng ưh kơ chu mơ̆ng kiơ̆ nơ̆r Sư ôh.

Hêbrơ 3:16

Kơplah noh sơ̆ đei lơ bơngai kơtơ̆ng nơ̆r 'Bok Kei-Dei boih, mă-lei lu sư ưh kơ chu. Lu bơngai noh boih Môis anhăk đơ̆ng dêh Êyiptơ.

Ju 1:16

Lu bơngai mă wă pơlung iĕm noh, lu sư pran kơ pơma mơmơnh dêh, pơma hơwĕng ưh kơ băt hrăp. Lu sư kiơ̆ kơ jơhngơ̆m kơdih hưch hanh 'maih pơm tơdrong kư̆ kă, pơma re 'bơ̆r, pơang akâu kơdih; sư pơma kơ bơ̆n hơlom, wă pơyua akâu sư kơdih.