Jo 11:25 - Sơ̆p Hlabơar Nơ̆r 'Bok Kei-Dei

²⁵ Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

Jo 11:25 交叉參考

II Pot 2:15

Kơplah lu khŭl bơngai khan lê̆ adrol oei lăm Pơlei Jêrikô, lu sư 'bôh Êlisê, na lu sư khan: “Yang Êli mơ̆t tơ Êlisê bơih.” Lu sư năm tơ'bơ̆p Êlisê păng drap bon 'bơ̆t anăp Êlisê.

Ne 9:20

Ih ăn boih kơ lu sư yang Bơhngol 'lơ̆ng tơpăt Ih wă bơtho tơ'bôh ăn kơ lu sư, kư̆m ưh kơ sơngah mana kơ 'bơ̆r lu sư sa păng đak nhă kơ lu sư rơhing.

Horiso 99:7

Đơ̆ng lăm jrăng hơmơ̆l Sư pơma hăm lu sư: Lu sư bơwei tơdrong Kră Yang bơtho; Păng tơdrong juăt mă Sư đei ăn.

Le 32:32

Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Le 34:5

Kră Yang jur lăm hơmơ̆l, dơ̆ng hơdai hăm Môis tơ noh păng roi anăn sư.

Le 40:38

Lăm rim trong kon pơlei Isơrael yak năm đei hơmơ̆l Kră Yang tơ kơpal Bơsŭn Anih Akŭm tơ kơ'năr đei hơmơ̆l gom păng kơmăng đei ŭnh lĕch pơchrang kơpal tơ'bôh 'bơ̆t anăp đĭ-đăng kon pơlei Isơrael.

Êsai 63:11

Na kon pơlei 'blŏk hơdơ̆r dơ̆ng kơ đơ̆ng sơ̆, 'blŏk kơ Môis păng kon pơlei Kră Yang na jet: Tơ'ngla mă hơtŏk lu sư păng bơngai wei khŭl sem dơrong Kră Yang, hlôi đơ̆ng đak dơsĭ tơ yơ bơih? Tơ'ngla ăn Yang Bơhngol Sư oei hơdai hăm kon pơlei tơ yơ bơih?

Êsêkiên 8:11

'Bơ̆t anăp rup inh 'bôh thoi đei tơpơh-jĭt 'nu kră pơlei adrĕch Isơrael oei dơ̆ng hơdai hăm Jaasania kon drŏ-nglo Saphan. Rim 'nu lu sư chĕp get pơgang 'bâu phu 'nhui pơgang 'bâu phu đông jơ̆p-jang.

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 12:5

Kră Yang jur hăm hơmơ̆l dơ̆ng 'bơ̆t 'măng Bơsŭn Anih Akŭm, na krao Arôn păng Miriam; na bre sư năm.

Jo 16:25

Môis iung, năm hloi tơ Đathan păng Abiram; lu kră pơlei bơngai Isơrael kiơ̆ sư.

Jo 24:2

Balaam tơmang 'bôh adrĕch Isơrael pơm bơsŭn kiơ̆ kơ adrĕch păng Yang Bơhngol 'Bok Kei-Dei đei oei hơdai sư,

Jo 27:18

Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Jang 11:28

Lăm lu sư ei đei minh 'nu bơngai anăn sư Abus. Lăp lu bơngai ei oei akŭm, Abus iung pơma. Na Yang Bơhngol 'Lơ̆ng ăn kơ sư khan lê̆ hơdrol gô đei tơdrong pơngot rơwĕt jơ̆p kơ teh đak. Na kơplah pơtao Klôt pơgơ̆r, kư̆m đei tơdrong pơngot rơwĕt.

I Kor 14:32

Bơngai mă pơtruh nơ̆r 'Bok Kei-Dei, dah 'Bok Kei-Dei tơbăt ăn kơ sư tơdrong kiơ wă pơtruh ăn kơ bơngai lui, bơngai noh kư̆m gơh gô bôl bơtho đang 'mơ̆i na sư gơh iung pơma kơ đe,

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.

II Pet 1:21

Yua kơ dôm tơdrong lu sư khan lê̆ hơdrol noh, ưh kơ đei lĕch đơ̆ng kon bơngai ôh. 'Bok Kei-Dei yua 'bơ̆r kon bơngai đĕch na bơ̆n lăng thoi 'bơ̆r kon bơngai. Mă tơpă đơ̆ng Yang Bơhngol 'Lơ̆ng bơtho tơbăt kơ lu sư.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

I Sam 10:10

Wă Sôl truh tơ Gibêah, đei minh khŭl 'bok khan lê̆ adrol sơng sư. Yang Bơhngol Kră Yang mơ̆t lăm sư, sư kư̆m khan lê̆ adrol hơdai lu sư.