Jo 10:9 - Sơ̆p Hlabơar Nơ̆r 'Bok Kei-Dei

⁹ Layơ lăm dêh iĕm đei tơdrong lu iĕm wă năm blah lu ayăt dah ayăt năm blah iĕm, lei lu iĕm athei hlôm keng re pơtĕnh, Kră Yang 'Bok Kei-Dei gô 'blŏk kơ lu iĕm păng lu iĕm gô klaih đơ̆ng ti lu bơngai ayăt.

Jo 10:9 交叉參考

Bl 8:1

Kră Yang 'Bok Kei-Dei 'blŏk kơ Nôê păng dôm lu sem brem mă mơ̆t hơdai sư lăm duk, na Kră Yang 'Bok Kei-Dei ăn kial tih tơthu bah tơ kơpal teh, na đak sư dơ̆ng.

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

II Ho 13:14

Wă lu linh Juđa 'bôh đei lu linh ayăt tơ gah anăp păng tơ gah rŏng, na lu sư ôr krao Kră Yang. Lu 'bok soi hlôm keng.

Horiso 106:4

Ơ Kră Yang, apinh 'blŏk kơ inh, mưh Ih mơnat ăn kơ kon pơlei Ih. Năm tơgŭm inh, mưh Ih dŏng pơklaih lu sư?

Horiso 106:42

Lu bơngai ayăt pơjuă pơđep lu sư. Lu sư chu kŭp kơ̆l jang kơ đe noh.

Horiso 136:23

Sư 'blŏk hơdơ̆r kơ lu nhôn răm-'băm. Tơdrong 'mêm Sư oei oei ling-lang.

Êsai 18:3

Ơ đĭ-đăng kon pơlei pơla lăm teh đak oei kơpal teh kơplah đe pơdơ̆ng hla-kơ kơpal kông iĕm gô lăng 'bôh mưh đe hlôm tơgiĕp iĕm gô kơtơ̆ng.

Êsai 58:1

“Krao ôr mă re bĕ 'nĕ kơ ĕnh, ôr jreo mă re thoi keng, roi tơbăt bĕ kơ kon pơlei Inh tơdrong lu sư pơm plơ̆. Păng pơm plơ̆ kơ hnam Jakôp tơdrong yoch lu sư.

Je 4:19

Ô! Răm, inh chhŭr nuih, inh jĭ lăm jơhngơ̆m, jơhngơ̆m inh rŭng răng, ô plei nuih inh 'bôm dĕnh, inh ưh pă kĕ chơ̆n boih. Inh kơtơ̆ng đe hlôm keng roi tơbăt, tơdrong ôr tơblah wă truh.

Je 4:21

Inh gô 'bôh hla-kơ lu linh ayăt păng kơtơ̆ng keng re tơbăt, pă băt dĭng truh dang yơ?

Je 4:5

“Roi tơbăt bĕ tơ lăm dêh char Juđa păng lăm pơlei Jêrusalem khan: ‘Hlôm bĕ keng tơ jơ̆p lăm char.’ Krao ôr mă kơtang păng khan: ‘Akŭm băl bĕ. Bĕ bơ̆n năm mơ̆t tơ lăm lu pơlei kơjăp.’

Je 49:2

Mă-lei năr gô truh, Kră Yang khan; “Inh gô ăn nơ̆r ôr krao tơdrong tơblah tơ pơlei tih Rapba lăm char kon pơlei Ammôn; pơlei noh gô jing pôi rơ̆m rĕk. Lu pơlei iĕ tăp dăr kơ sư đe gô soh kơplah noh, lu bơngai Isơrael gô druh blah lu linh mă đêl druh blah lu sư, Noh Kră Yang khan.

Je 6:1

Kơdâu bĕ tơ anih hơđơ̆ng, Ơ kon pơlei Bênjamin; Lĕch bĕ đơ̆ng pơlei Jêrusalem. Hlôm bĕ keng roi tơbăt tơ pơlei Têkôa, Soh ŭnh pơm tơdra tơ pơlei Bêt Hakarem; yua kơ đei tơdrong kơnê̆ wă truh pơrăm tih dêh, lĕch boih đơ̆ng gah yă-nơ̆m.

Je 6:17

Inh 'măn boih lu bơngai gak wei-lăng tăp dăr kơ iĕm păng khan; ‘Pơgling đon lu iĕm mơ̆ng bĕ keng re.’ Mă-lei lu sư khan: “Lu nhôn ưh kơ wă mơ̆ng ôh.”

Êsêkiên 7:14

Mă lu sư hlôm keng boih păng tôm tơdrong hơmet lê̆ bơih, mă-lei ưh kơ đei bu lĕch năm tơblah yua kơ tơdrong Inh hil tuh tơ kơpal đĭ-đăng lu sư bơih.

Hôsia 5:8

Hlôm keng bĕ tơ pơlei Gibêah, Hlôm tơgiĕp tơ pơlei Rama. Ôr bĕ đei lu ayăt tơ pơlei Bêt Awen, ‘Ơ Bênjamin, nhôn tơ gah rŏng ih âu!

Lêwi 23:24

Roi tơ'băt bĕ kơ bơngai Isơrael, lăm năr mônh khei tơpơh, d năr noh lu iĕm gô đei năr pơdơh gĭt găl, wă kơ 'blŏk hơdơ̆r; iĕm athei hlôm keng, na ră roi, năr noh đei tơdrong akŭm rơgoh.

Am 3:6

Dah đe hlôm keng lăm pơlei tih, hăm trŏ lu kon pơlei hli? Tơdah Kră Yang ưh kơ đei pơm lei hăm đei tơdrong truh kơ pơlei noh ưh?

Jêphania 1:16

năr đe hlôm tơgiĕp roi tơbăt tơdrong tơblah hăm lu pơlei tih mă đei dur kơjăp păng tơblah hăm lu hnam thôt kơjung mum pơlei tih.

Jo 31:6

Môis wơh mơjĭt-'bar rơbâu 'nu noh năm tơblah, wă khan wơh minh-rơbâu 'nu đơ̆ng lăm rim adrĕch, hơdai hăm Phinêhas, kon drŏ-nglo Êlêasar, 'bok soi, sư chĕp ba tơmam tơblah păng keng wă hlôm krao đơ̆ng lăm anih rơgoh.

I Kor 14:8

Pơtih gia kơ khŭl linh tơblah, tơdah bơngai mă chĕp keng hlôm ưh kơ tơdra kơ đe nai băt, lei thoi yơ bôl gơh kơchăng kơ tơdrong tơblah?

Both 20:1

Mưh iĕm năm tơblah ham lu bơngai ayăt kơ iĕm 'bôh aseh, gre aseh păng linh lơ hloh kơ iĕm, 'nĕ kơ hli, yua kơ Kră Yang 'Bok Kei-Dei iĕm Tơ'ngla mă chông iĕm lĕch đơ̆ng dêh Êyiptơ, gô oei hơdai iĕm.

Jôsuê 6:5

Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.

Lu 10:12

Kŭm pơklaih iĕm đơ̆ng lu kon pơlei Siđôn, kon pơlei Amalek păng kon pơlei Maôn pơjuă pơđep lu iĕm. Na lu iĕm krao ôr apinh Inh, na Inh hăm dŏng pơklaih lu iĕm boih đơ̆ng ti lu sư?

Lu 10:8

Iŏk đơ̆ng sơnăm noh, 'bar khŭl adrĕch 'nâu pơgŏ pơđep pơjuă bơhlơ̆r lu sư lăm mơjĭt-tơhngam sơnăm. Lu sư pơjuă pơđep kon pơlei Isơrael oei tơ gah hơlĕch kơ đak Krong Jôrđăn lăm char Gileat tơ tơring sơ̆ char bơngai Amôrit

Lu 2:18

Kơplah Kră Yang rơih lu 'bok sek tơlang ăn kơ lu bơngai Isơrael, Sư oei hơdai hăm lu 'bok sek tơlang noh păng yua lu sư pơklaih lu bơngai Isơrael đơ̆ng ti lu bơngai mă ayăt kơ lu sư Kră Yang mơnat kơ lu sư ôr krao yua kơ ayăt lu bơngai pơm kơnê̆ pơjuă pơđep lu sư.

Lu 3:27

Lăp sư truh tơ noh sư hlôm keng tơ lăm groi kông Êphraim; na kon pơlei Isơrael jur hơdai hăm sư đơ̆ng kơpal kông păng sư pơm yŏng chông ba lu sư.

Lu 6:34

Yang Bơhngol 'lơ̆ng Kră Yang truh oei hơdai Giđêôn; sư hlôm keng krao lu bơngai Abierit akŭm băl kiơ̆ sư.

Lu 6:9

Inh dŏng pơklaih lu iĕm đơ̆ng ti lu bơngai Êyiptơ păng klaih iĕm đơ̆ng lu bơngai pơjuă pơđep lu iĕm; Inh pơpuh lê̆ lu sư weh ataih đơ̆ng lu iĕm; păng ăn boih kơ lu iĕm iŏk dêh char lu sư.

I Sam 10:18

na khan kơ bơngai Isơrael: Kră Yang 'Bok Kei-Dei bơngai Isơrael khan thoi âu: Inh đei chông ba bơngai Isơrael lĕch hlôi đơ̆ng Êyiptơ, inh đei dŏng pơklaih lu iĕm đơ̆ng ti đe Êyiptơ păng đơ̆ng ti dôm lu pơtao pơgŏ pơđep lu iĕm.