Je 3:8 - Sơ̆p Hlabơar Nơ̆r 'Bok Kei-Dei

⁸ Sư 'bôh boih yua kơ tơdrong luĕl 'blal lu bơngai Isơrael pơm pơyô ngôi kư̆ kă. Na Inh achăng lê̆ sư pơm hla bơar hrĕch păng puh tơweh sư. Mă-lei oh sư bơngai Juđa ưh kơ hli ôh, kư̆m wang pơm pơyô kư̆ kă noh.

Je 3:8 交叉參考

II Ho 21:11

Sư kư̆m pơm ming lu anih kơjung tơ kơpal groi char Juđa, pơhlŭ pơtơm kon pơlei mă oei lăm pơlei tih Jêrusalem pơm kơnê̆ oei sa kư̆ kă pơm kơ Juđa wơ̆l jrok.

Êsai 50:1

Kră Yang khan: “Hla bơar achăng mĕ lu iĕm tơ yơ bơih? Bơngai mă Inh hrĕch achăng bơih. Dah bu mă tơ'ngla Inh hre. Mă đêl inh tĕch lu iĕm ăn kơ tơ'ngla noh? Inh tĕch iĕm yua kơ đơ̆ng tơdrong yoch iĕm kơdih: Hrĕch achăng lê̆ mĕ lu iĕm yua kơ đơ̆ng tơdrong kơnê̆ lu iĕm pơm.

Je 2:19

Tơdrong yoch iĕm gô phak bơtho iĕm, tơdrong ih achăng Kră Yang gô chrih kơ iĕm. Athei băt nhen. Achăng lê̆ Kră Yang 'Bok Kei-Dei ih păng ưh pă băt hli yom kơ Inh, noh boih minh tơdrong kơnê̆ tơpă păng răm dêh.” Kră Yang Tih Hloh khan thoi noh.

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Je 33:24

“Ih hăm đei kơtơ̆ng nơ̆r lu kon pơlei 'nâu pơma: Lu sư khan: ‘'Bar tŏ adrĕch adrung mă Kră Yang rơih boih, na achăng lê̆ dơ̆ng. Lu sư pơjăm kon pơlei Inh, ưh kơ lăng kon pơlei Inh thoi minh pôm dêh char dơ̆ng.”

Je 5:7

Liơ Inh gơh mơnat lĕ? Kon sâu iĕm achăng lê̆ Inh boih, Lu sư pao anăn lu yang nai, na pơkă mă ưh kơ trŏ kơ yang tơpă. Mă khan Inh 'me rong lu sư phĭ jơnap, mă lu sư rai pơm pơyô kư̆ ka, akŭm băl 'bĕnh lăm hnam bơngai đi.

Êsêkiên 16:46

Mŏ ih Samari, oei hăm lu kon drŏ-kăn sư tơ gah yă-nơ̆m kơ ih; păng lu oh ih pơlei Sôđôm oei hơdai hăm lu kon drŏ-kăn sư tơ gah gơal kơ ih.

Êsêkiên 16:47

Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.

Êsêkiên 16:51

Samari pơm yoch tam đei minh puăt tơdrong, yoch mă ih đei pơm; ih pơm boih tơdrong kơnê̆ krưp hloh kơ lu sư. Thoi noh ih pơm kơ mŏ oh ih bơngai nhen thoi tơpăt 'biơ̆ kơ ih, yua kơ đơ̆ng đĭ-đăng tơdrong kơnê̆ ih pơm boih.

Êsêkiên 23:44

Lu sư năm tơ anih sư nhen thoi năm tơ anih pơm đi, na lu sư năm tơ Ôhôla păng Ôhôliba 'bar 'nu bơngai drŏ-kăn pơm pơyô kư̆ kă.

Êsêkiên 23:9

Thoi noh Inh jao sư lăm ti lu bơngai sư hưch, noh lăm ti lu bơngai Asiri, lu bơngai mă sư hơyuh hưch dêh.

Hôsia 3:4

Bơngai Isơrael kư̆m oei lơ năr thoi noh, ưh kơ đei pơtao, ưh kơ đei yŏng pơgơ̆r, ưh kơ đei soi pơyơ̆r, ưh pă đei chơnang soi, ưh pă đei Ephot dah Thêraphin.

Both 24:1

Tơdah đei minh 'nu bơngai drŏ-nglo iŏk akăn, mă-lei bơngai drŏ-nglo noh ưh kơ lăp đon, yua kơ đơ̆ng sư 'bôh bơngai drŏ-kăn noh đei tơdrong kơnê̆, na sư gơh chih minh hlak hla bơar hrĕch, ăn tơ tơpang ti drŏ-kăn, puh tơbrŏk lê̆ sư đơ̆ng hnam sư, na sư weh lĕch đơ̆ng hnam sư,

Both 24:3

tơdah bơngai klo mă 'bar kuă dơ̆ng kơ sư, chih minh hlak hla bơar hrĕch ăn tơ tơpang ti sư păng puh tơbrŏk sư đơ̆ng hnam, dah bơngai klo mă 'bar âu lôch.