7 Inh ngeh khan đơ̆ng rŏng kơ sư pơm đĭ dôm tơdrong noh sư gô wih tơ Inh. Mă-lei sư ưh kơ wih. Oh drŏ-kăn 'blal sư noh Juđa, 'bôh boih.
mă-lei chơchă Kră Yang 'bă sư pơm kiơ̆ wei răk nơ̆r Kră Yang tơtă, ưh kơ pơm kiơ̆ ôh thoi lu bơngai Isơrael pơm.
Ơ Kră Yang, Ih jơ̆ 'lơ̆ng tơpăt mưh inh roi tơdrong inh kơ Ih. Mă-lei inh oei wă pơma hăm Ih trŏ tơdrong tơpăt Ih: Liơ trong lu bơngai kơnê̆ oei hiôk-hian, liơ tơdrong jang lu bơngai hơlĕnh pơdăr oei mơdrŏng?
“Ih hăm đei kơtơ̆ng nơ̆r lu kon pơlei 'nâu pơma: Lu sư khan: ‘'Bar tŏ adrĕch adrung mă Kră Yang rơih boih, na achăng lê̆ dơ̆ng. Lu sư pơjăm kon pơlei Inh, ưh kơ lăng kon pơlei Inh thoi minh pôm dêh char dơ̆ng.”
Adrĕch Isơrael păng adrĕch Juđa, oei sa ưh kơ tơpăt hăm Inh ôh,” noh Kră Yang khan,
Mŏ ih Samari, oei hăm lu kon drŏ-kăn sư tơ gah yă-nơ̆m kơ ih; păng lu oh ih pơlei Sôđôm oei hơdai hăm lu kon drŏ-kăn sư tơ gah gơal kơ ih.
Ih ưh kơ năm kiơ̆ trong lu sư ôh hă? Ưh kơ pơm dôm lu tơdrong kơnê̆ 'mê̆ krưp lei-lăi kơ lu sư ôh hă? Mă-lei ih pơm rai kơnê̆ hloh kơ lu sư lăm dôm trong ih năm bơih.
Lu kon pơlei Inh pơkă wă achăng lê̆ Inh ngơ-ngei khan đe krao lu sư wih tơ Kră Yang Tih Hloh, ưh kơ đei bu iung wih.
Ơ lu bơngai Isơrael, wih brŏk bĕ tơ Kră Yang, 'Bok Kei-Dei iĕm; yua kơ đơ̆ng tơdrong kơnê̆ lu iĕm, na lu iĕm pơ̆k huŏng boih.
Thoi noh, bơngai lăm 'bar pêng tŏ pơlei tih năm tơ minh pôm pơlei chă đak wă nhă, mă-lei nhă ưh kơ hrăp ôh. Mă-lei lu iĕm kư̆m ưh kơ wă wih brŏk tơ inh 'mơ̆i, Kră Yang khan thoi noh.
Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.
