10 Mă-lei, đơ̆ng tơdrong noh, oh sư bơngai Juđa pơm kơnê̆, sư kư̆m ưh kơ wih brŏk tơ Inh đĭ jơhngơ̆m, chă hơlĕnh đĕch, Kră Yang khan.
Jôsia iŏk hŭt lê̆ đĭ dôm rup yang kơnê̆ 'mê̆ Krưp đơ̆ng lăm tơring char Isơrael păng athei đĭ-đăng kon pơlei oei lăm tơring char Isơrael kơkuh gơnang kơ Kră Yang 'Bok Kei-Dei. Lăm đĭ chăl pơtao lu kon pơlei ưh kơ achăng lê̆ Kră Yang, 'Bok Kei-Dei 'bok lu sư.
Lăp Lu sư kơtơ̆ng gah inh; lu sư chu yom kơ inh; Lu bơngai tơmoi kư̆m gô chu kiơ̆ inh.
Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.
Inh wơh sư năm pơm kơ lu adrĕch adrung mă ưh kơ chu lui kơ Kră Yang 'Bok Kei-Dei, Inh athei sư blah kon pơlei mă tơblĕk Inh, wă plah tơgar iŏk tơmam, păng pơjuă lu sư thoi rơpŭk rok trong.
Kră Yang khan: Kon pơlei âu năm jê̆ Inh hăm 'bơ̆r lu sư đĕch; kơkuh kơ Inh hăm hơkŭng, mă-lei jơhngơ̆m lu sư ataih đơ̆ng Inh. Tơdrong lu sư hli yom kơ Inh jơ̆ kiơ̆ tơdrong tơtă kon bơngai đĕch păng đơ̆ng kon bơngai bơtho ăn.
Ơ kon pơlei pơla Isơrael, wơ̆t brŏk bĕ tơ Tơ'ngla mă đêl iĕm pơm kơnê̆ plơ̆ Sư lơ dêh.
Lu sư wơ̆t kiơ̆ pơm tơdrong kơnê̆ thoi lu 'bok yă lu sư sơ̆, lu bơngai mă sơngah kuă kơ kiơ̆ nơ̆r Inh tơtă. Lu sư kiơ̆ păng kơkuh kơ yang nai. Adrĕch Isơrael păng adrĕch Juđa pơm glăi boih kơ nơ̆r Inh pơgơ̆p hăm 'bok yă lu sư sơ̆.
Ih pơtăm lu sư, lu sư chăt rơh, wơ̆ tih păng đei plei, 'bơ̆r lu sư jê̆ Ih, mă-lei jơhngơ̆m lu sư ataih đơ̆ng Ih.
Ô! Rŏ kơ kơ̆l inh jing đak mơlĕch, măt inh jing tu đak măt! Wă kơ inh kĕ nhơ̆m hmoi prăt năr prăt măng kơ lu kon pơlei inh mă lôch boih!
Lu sư ưh kơ đei krao ôr chơchă Inh đơ̆ng lăm jơhngơ̆m, mă-lei lu sư oei ôr krao kơtă kơpal giơng tep lu sư, lu sư akŭm pơpôi 'ba păng sik hơmu păng lu sư achăng lê̆ Inh boih.
Inh yua boih kial tŏ păng hơdrông sa 'ba wă bơtho lu iĕm. Đei lơ mir pơgar 'nhot, pơgar hơmu, 'long hơra, 'long ôliwơ lu iĕm đĭ kơ lep sa pơgoh. Mă-lei lu iĕm kư̆m ưh kơ wă wih brŏk tơ Inh 'mơ̆i Kră Yang khan thoi noh.
Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.
