Je 2:7 - Sơ̆p Hlabơar Nơ̆r 'Bok Kei-Dei

⁷ Inh chông ba iĕm mơ̆t lăm teh đak mơ̆r 'lơ̆ng, ăn kơ iĕm yua sa plei 'long păng yua iŏk lu tơmam sa 'lơ̆ng. Mă-lei lăp 'nao truh lu iĕm pơm pơ'mê̆ hloi kơ teh đak Inh, pơm kơ dôm tơdrong Inh pơjing đe lăng krưp.

Je 2:7 交叉參考

Ne 9:25

Lu sư blah tơgar iŏk pơlei tih kơjăp păng chŭn mir teh 'lơ̆ng, lu hnam 'bĕnh kơ tơmam 'lơ̆ng, lu đak sơlŭng, pơgar hơmu, pơgar ôliwơ păng plei 'long lơ; lu sư sa phĭ mah rơkah rơkai păng bek, hiôk chơt lăm tơdrong 'mêm Kră Yang tih dêh.

Ne 9:26

Mă-lei, lu sư ưh kơ chu kiơ̆ nơ̆r păng sơngah kơ Ih, hŭt lê̆ khôi juăt Ih tơ rŏng păng pơlôch lu bơngai khan lê̆ adrol Ih wă chông ba lu sư brŏk tơ Ih; mă-lei lu sư tơblĕk Ih rai dêh.

Êsai 19:25

Pêng tŏ teh đak Kră Yang Tih Hloh sơkat ăn pŭn hiôk kơ lu sư, khan: “Pŭn hiôk kơ Êyiptơ kon pơlei Inh, Asiri tơdrong jang đơ̆ng ti Inh, Isơrael jơ̆ mŭk tơmam Inh.”

Je 16:18

Inh gô pơm 'mong kơ lu sư 'bar wơ̆t hloh, tơdrong yoch kơnê̆ lu sư pơm, yua kơ lu sư pơm 'mê̆-'mach kơ teh đak păng tơdrong jang Inh 'bĕnh hăm akâu lôch lu tơmam Inh areh,

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Je 3:2

“Ngơk lăng bĕ tơ kơpal groi, hăm đei anih ayơ mă lu iĕm ưh kơ đei pơm pơyô? Iĕm ngôi cheng trong wă răp gô lu pơyô iĕm, thoi bơngai Arâpa chă răp lăm char glă; Iĕm đei pơm pơ'mê̆ boih kơ teh âu hăm tơdrong pơm pơyô krưp dêh.

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Je 32:23

Lu sư iŏk boih teh đak âu jang sa mă-lei ưh kơ chu kiơ̆ nơ̆r Ih, ưh kơ arih kiơ̆ tơdrong juăt Ih păng ưh kơ pơm dôm tơdrong kiơ mă Ih đei bơtho tơtă wă kơ pơm. Yua kơ thoi noh na Ih đei ăn tơdrong gleh âu truh tơ lu sư.

Je 32:30

Kon sâu bơngai Isơrael păng kon sâu Juđa, iŏk đơ̆ng oei 'lơ̆p, tă kơ pơm kơnê̆ ngăl 'bơ̆t anăp Inh. Kon sâu Isơrael iŏk dôm tơmam jang păng ti kơdih sư na tơblĕk Inh.” Kră Yang khan:

Êsêkiên 20:24

yua kơ lu sư ưh kơ chu kiơ̆ nơ̆r Inh tơtă, hŭt lê̆ khôi juăt Inh, pơm pơ'mê̆ kơ năr Sa'bat Inh, păng măt lu sư 'maih lăng chu kiơ̆ kơ rup yang 'bok yă lu sư.

Êsêkiên 20:28

Inh chông ba lu sư mơ̆t tơ char mă Inh pơkă ăn kơ lu sư, mă-lei lăp lu sư 'bôh groi kơjung păng lu 'long đei hla rơ̆m, lu sư iŏk tơmam soi pơyơ̆r tơ noh. Lu sư pơyơ̆r tơmam soi noh tơblĕk Inh lu sư pơyơ̆r tơmam soh 'bâu phu păng tơmam soi huch sa tơ noh.

Êsêkiên 20:6

Lăm năr noh Inh yơ̆r ti pơkă hăm lu sư, inh gô chông anhăk lu sư lĕch đơ̆ng char Êyiptơ năm tơ anih mă Inh đei chơchă ăn kơ lu sư bơih, teh đei đak toh păng đak sut lơ, noh teh ư-ang hloh kơ đĭ-đăng char.

Êsêkiên 23:35

Na Kră Yang khan: “Yua kơ ih hiơt kơ Inh, hŭt lê̆ Inh tơ rŏng, thoi noh ih chu pŭ tơdrong phak lăm tơdrong ih pơm đi, pơm pơyô kư̆ kă.”

Êsêkiên 36:17

Ơ kon bơngai, kơplah adrĕch adrung Isơrael oei tơ lăm dêh char lu sư kơdih, lu adrĕch Isơrael pơm boih tơdrong 'mê̆-'mach kơ dêh char. Tơdrong mă lu sư pơm 'bơ̆t anăp Inh kư̆m kơnê̆ 'mê̆-'mach thoi drŏ-kăn 'bôh hơbĕn.

Hôsia 9:3

Lu sư ưh kơ gơh oei ôh tơ lăm char Kră Yang; mă-lei Êphraim gô wih brŏk tơ char Êyiptơ, lu sư gô sa tơmam sa ưh kơ 'lơ̆ng rơgoh lăm char Asiri.

Mi 2:10

Lu iĕm iung bĕ! Weh bĕ! Yua kơ 'nâu ưh kơ sĭ ăn kơ iĕm pơdơh hiôk ôh, yua kơ tơdrong kơnê̆ 'mê̆-'mach pơrăm boih, tơnat pat dêh tơpă.

Jo 13:27

Lu sư khan kơ Môis, lu nhôn đei truh boih tơ char mă ih đei wơh nhôn năm; lăm char noh teh mơ̆r 'lơ̆ng tơmam sa rơkah rơkai, 'nâu boih plei 'long sa đơ̆ng char noh.

Both 21:23

atâu sư 'nĕ kơ lê̆ kơpal gơ̆ng 'long noh truh minh măng, athei 'bŭ lăm năr noh hloi, yua bơngai đe hrek atol noh Kră Yang 'Bok Kei-Dei hiap pơtê̆ boih, na iĕm 'nĕ kơ pơm 'mê̆-'mach kơ teh đak iĕm mă Kră Yang 'Bok Kei-Dei ăn kơ iĕm jang sa.

Both 32:9

Gah Kră Yang noh kon pơlei Sư, Jakôp noh gah Sư.

Both 6:18

Athei pơm dôm tơdrong kiơ Kră Yang, khan 'lơ̆ng khan trŏ, na iĕm đei pŭn hiôk păng gơh mơ̆t tơ dêh 'lơ̆ng rŏ mă Kră Yang hlôi pơkă wă ăn kơ lu 'bok iĕm.