Jang 8:37 - Sơ̆p Hlabơar Nơ̆r 'Bok Kei-Dei

³⁷ Philip khan: “Dah ih lui hăm đĭ jơhngơ̆m klơm klak ih, gơh mơ̆n pơm.” Na bơngai pơm tih ei khan: “Inh lui kơ Yêsu Krist Kon 'Bok Kei-Dei.”

Jang 8:37 交叉參考

Mathiơ 16:16

Simôn Pêtrôs khan: “Ih 'Bok Krist, Kon 'Bok Kei-Dei mă arih ling-lang.”

Mathiơ 28:19

Thoi noh năm bĕ lu iĕm, bơtho kơ đĭ-đăng lu khŭl bơngai jơ̆p kơ teh đak, athei lu sư lui kiơ̆ kơ Inh, pơm 'batem kơ lu sư krao anăn Yang 'Bă, Yang Kon, hăm Yang Bơhngol 'Lơ̆ng wă kơ đe nai băt kơ lu sư lui boih.

Markôs 16:16

Bơngai bu lui păng iŏk 'batem, bơngai 'noh sư gơh klaih đơ̆ng tơdrong yoch. Bơngai bu ưh kơ chu lui sư gô pŭ tơdrong phak.

Yo 11:27

Mathê drơ̆ng: “Ơ 'Bok, inh lui tơpă. Inh lui kơ Ih 'Bok Krist, Kon 'Bok Kei-Dei mă nhôn chang gô jur tơ ala teh âu wă dŏng pơklaih nhôn.”

Yo 20:31

Lu tơdrong chih lăm hla bơar 'nâu wă kơ lu iĕm lui kơ Yêsu Krist, Sư 'Bok Dŏng Pơklaih bơ̆n, Sư Kon 'Bok Kei-Dei. Dah lu iĕm lui lei lu iĕm gơh arih ling-lang yua kơ Sư.

Yo 6:68

Pêtrôs khan kơ Sư: “Ơ 'Bok, nhôn wă kiơ̆ bu dơ̆ng lĕ? Tơdrong Ih bơtho khan wă ăn kơ nhôn gô arih ling-lang tơpă.

Yo 9:35

Yêsu kơtơ̆ng ang lu sư pơpuh bơngai ei, na Yêsu năm chă sư dơ̆ng. Lăp 'bôh boih na Sư jet bơngai ei: “Ih hăm wă lui kơ Kon 'Bok Kei-Dei?”

Jang 2:38

Pêtrôs khan: “Iĕm athei tơbral kơdih tơdrong yoch iĕm. Iĕm athei iŏk 'batem hăm anăn Yêsu Krist wă kơ Sư pơklaih tơdrong yoch iĕm, Sư ăn kơ iĕm Yang Bơhngol 'Lơ̆ng.

Jang 8:12

Mă-lei lăp lu sư lui kơ nơ̆r Philip bơtho gah Tơdrong 'Nao 'Lơ̆ng Yêsu Krist păng tơdrong 'Bok Kei-Dei wă pơgơ̆r bơ̆n, na Philip pơm 'batem kơ lu sư bơngai drŏ-nglo, drŏ-kăn hloi.

Jang 8:21

'Bok Kei-Dei ưh kơ ăn kơ ih tơdrong âu ôh yua kơ Sư 'bôh jơhngơ̆m ih ưh kơ 'lơ̆ng păng Sư.

Jang 8:36

Kơplah bre sư oei yak rok trong ei, bre sư 'bôh đak. Na bơngai ei khan kơ Philip: “Ih lăng 'bơ̆t âu đei đak glung. Ih hăm gơh pơm kơ inh 'batem dang ei dah ưh?”

Jang 8:38

'Bok tih ei khan kơ bơngai wơ̆r gre sư athei dơ̆ng, na gre aseh ei dơ̆ng. Bre sư jur tơ đak, Philip pơm hloi kơ sư 'batem.

Jang 9:20

Sư kư̆m bơtho hloi tơdrong Yêsu tơ hnam akŭm đe Juđê. Sư khan Yêsu Kon 'Bok Kei-Dei tơpă.

Rom 10:10

Dah jơhngơ̆m đon bơ̆n lui thoi noh, 'Bok Kei-Dei jô̆ bơ̆n bơngai 'lơ̆ng hăm Sư. 'Bơ̆r bơ̆n ră roi kơ đe thoi noh, Sư pơklaih bơ̆n đơ̆ng tơdrong yoch.

I Kor 12:3

Na inh wă roi ăn kơ iĕm dang ei thoi âu: Bơngai bu gơnang kơ Yang Bơhngol 'Lơ̆ng tơgŭm ăn kơ Sư pơma, bơngai 'noh sư ưh kơ đei layơ wă pơjăm pơjuă Yêsu ôh. Păng dôm lu bơngai mă krao Yêsu Kră Yang sư, sư pơma thoi noh yua kơ Yang Bơhngol 'Lơ̆ng bơtho sư pơma thoi noh. Bơngai bu ưh kơ đei Yang Bơhngol 'Lơ̆ng, bơngai 'noh sư ưh kơ đei layơ pơma thoi noh ôh.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

I Yo 4:15

Bơngai bu khan Yêsu Kon 'Bok Kei-Dei, 'Bok Kei-Dei oei lăm bơngai 'noh, bơngai 'noh sư pôm đon păng 'Bok Kei-Dei tơpă boih.

I Yo 5:1

Bơngai bu lui kơ Yêsu 'Bok Krist mă 'Bok Kei-Dei wơh wă dŏng pơklaih bơ̆n, bơngai 'noh kon 'Bok Kei-Dei. Bơngai bu 'mêm kơ 'bă đe, bơngai 'noh kư̆m 'mêm kơ kon đe mơ̆n.

I Yo 5:10

Bơngai bu lui kơ Kon 'Bok Kei-Dei, bơngai 'noh lăm to sư, sư băt tơpă gah tơdrong 'Bok Kei-Dei tơbăt gah Kon Sư. Bơngai bu ưh kơ lui kơ nơ̆r 'Bok Kei-Dei pơma, bơngai 'noh sư khan 'Bok Kei-Dei hơlĕnh kơlih kơ sư ưh kơ lui kơ nơ̆r 'Bok Kei-Dei pơma gah Kon Sư.

I Yo 5:5

Dôm tơdrong ala teh âu thuơ kơ bu? Dôm tơdrong ala teh âu thuơ kơ lu bơngai mă lui kơ Yêsu Kon 'Bok Kei-Dei.