Jang 7:30 - Sơ̆p Hlabơar Nơ̆r 'Bok Kei-Dei

³⁰ “Môis oei tơ ei puăn-jĭt sơnăm. Đơ̆ng rŏng kơ sư oei tơ ei puăn-jĭt sơnăm, truh tơ minh năr dơ̆ng sư năm tơ char glă jê̆ kông Sinai. Minh 'nu linh jang 'lơ̆ng đơ̆ng 'Bok Kei-Dei năm tơ 'long jê̆ Môis ei pơm kơ ŭnh sa 'long ei.

Jang 7:30 交叉參考

I Pot 19:8

Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

Horiso 66:12

Ih ăn kơ đe hao tơ kơpal kơ̆l lu nhôn; Lu nhôn năm hlôi kơ đak, yak mơ̆t hlôi kơ ŭnh Mă-lei Ih ăn kơ lu nhôn lĕch năm tơ anih đei tơmam sa rơkah rơkai.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 7:7

Kơplah, bre sư năm apinh Pharaôn, noh Môis đei tơhngam-jĭt sơnăm păng Arôn tơhngam-jĭt pêng sơnăm.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Êsai 63:9

Lăm lu sư đei tơdrong pơmat-tat, Kră Yang kư̆m wang pơmat-tat, păng linh jang 'lơ̆ng 'bơ̆t anăp lu sư dŏng pơklaih lu sư boih. Đơ̆ng jơhngơ̆m mơnat păng 'mêm kơeng na huai iŏk lu sư. Kră Yang pôk kơ'mĭn lu sư ling-lang rim năr đơ̆ng sơ̆.

Da 3:27

Lu yŏng tơring, lu yŏng linh păng đĭ lu bơngai pơgơ̆r. Lu bơngai jang kơ pơtao akŭm băl, lăng 'bôh ŭnh ưh kơ đei pơrăm akâu jăn pêng 'nu tơdăm noh ôh. Lu sư, ŭnh kư̆m ưh kơ đei sa dah hur minh găr sŏk sop lu sư, dah hơbĕn ao lu sư hơya tŏ sĕt păng akâu jăn lu sư kư̆m ưh kơ đei 'bâu khet đêl ŭnh hur.

Malachi 3:1

“'Nâu, Inh đei wơh bơngai pơtruh nơ̆r Inh, sư gô pơih trong adrol kơ Inh; păng Kră Yang mă lu iĕm chơchă Sư gô blư truh mơ̆t tơ lăm hnam akŭm 'Bok Kei-Dei, wă khan linh jang khan nơ̆r Sư pơgơ̆p hăm iĕm mă lu iĕm oei chang gô. 'Nâu, Sư truh!” Kră Yang khan thoi noh.

Markôs 12:26

Tơdrong kon bơngai iung arih đơ̆ng lôch, iĕm kư̆m đŏk lăng boih lăm sơ̆p hla bơar tơdrong juăt Môis chih, sư roi tơdrong 'Bok Kei-Dei pơma kơ sư tơ tơm 'long ŭnh sa. 'Bok Kei-Dei khan kơ sư: ‘Inh boih Kră Yang Abraham, Kră Yang wei-lăng Isăk, Kră Yang wei-lăng Jakôp.’ ”

Luka 20:37

Môis kư̆m tơbăt kơ bơ̆n tơdrong kon bơngai iung arih dơ̆ng, kơplah 'Bok Kei-Dei pơma păng sư tơ tơm 'long ŭnh sa sơ̆. Kơplah noh sơ̆ Môis anăn 'Bok Kei-Dei Kră Yang wei-lăng Abraham, Kră Yang wei-lăng Isăk, Kră Yang wei-lăng Jakôp.

Jang 7:17

“Hơdrol sơ̆ 'Bok Kei-Dei pơkă wă ăn kơ Abraham păng lu kon sâu sư oei tơ dêh bơ̆n âu. Na năr 'Bok Kei-Dei pơkă ei wă jê̆ truh boih, na lu bơngai Isơrael sơ̆ mă oei tơ dêh char Êyiptơ rai lơ tơpă,

Jang 7:31

Môis lăng ŭnh sa 'long ei sơleng kơ đon. Sư năm mă jê̆ 'long ei wă lăng na kơtơ̆ng nơ̆r 'Bok Kei-Dei khan kơ sư thoi âu:

Jang 7:32

‘Inh boih Kră Yang wei-lăng lu 'bok kơdră ih Abraham, Isăk, Jakôp.’ Na Môis hli tơrơ tơpă. Môis ưh kơ pơ̆n hue lăng Sư ôh.

Jang 7:35

Hơdrol kơ Môis wă jăk sơ̆ đe Isơrael ưh kơ wă kơ Môis na khan thoi âu: ‘Bu athei ih tŏk pơgơ̆r nhôn păng tơdrong sek tơlang kơ nhôn?’ Mă-lei lăp 'Bok Kei-Dei wơh linh jang 'lơ̆ng pơma păng pơm kơ 'long ŭnh sa ei, na 'Bok Kei-Dei ăn kơ Môis pơgơ̆r păng tơdŏng đe Isơrael đơ̆ng dêh Êyiptơ.

Both 33:16

Apinh Kră Yang Tơ'ngla pơdah akâu lăm bơmreh jơ'bôt 'long ăn kơ teh pŭn hiôk đei 'ba hơ'bo rơkah rơkai. Ăn pŭn hiôk 'bĕnh blai kơpal kơ̆l Jôsep, kơpal klĕng, bơngai pơm yŏng lăm lu 'nhŏng oh sư.

Both 4:20

Mă-lei lu iĕm, Kră Yang rơih păng iŏk lu iĕm lĕch đơ̆ng dêh Êyiptơ, thoi ŭnh đei 'buh bơsei ngur lăm ŭnh wă kơ lu iĕm jing kon pơlei pơla Sư kơdih, thoi iĕm năr âu.