Jang 28:20 - Sơ̆p Hlabơar Nơ̆r 'Bok Kei-Dei

²⁰ Kơlih yua kơ thoi noh inh apinh iĕm năm tơ âu wă kơ inh gơh tơ'bơ̆p iĕm păng pơma dơnuh păng iĕm. Âu iĕm lăng deh ti inh đe oei chô̆ păng tơlei glang mam yua kơ inh lui kơ 'Bok Dŏng Pơklaih bơ̆n. Đĭ lu bơngai Juđê kư̆m chang gô Sư mơ̆n.”

Jang 28:20 交叉參考

Je 40:1

Nơ̆r Kră Yang khan kơ Jêrêmi, đơ̆ng rŏng kơ Nebusaradan yŏng lu linh gak pơtao tơlĕch sư tơ pơlei Rama; kơplah noh, Jêrêmi đe oei chô̆ sư păng glang hơdai hăm lu kon pơlei đơ̆ng Jêrusalem păng char Juđa, rok trong đe chông ba năm tơ char Babilôn.

Jang 10:29

Thoi noh na lăp iĕm krao inh, inh năm hloi. Apinh iĕm roi kơ inh iĕm đei tơdrong kiơ na iĕm krao inh âu.”

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 21:33

'Bok tih linh năm tơ Pôl athei hloi lu linh rôp chô̆ sư hăm tơlei glang mam 'bar dăng. Na đơ̆ng noh sư jet: “Anăn sư bu 'nâu? Sư pơm tơdrong kiơ?”

Jang 23:6

Lăm lu kră sek tơlang, Pôl kơnăl kơ lu sư 'bar khŭl bơngai lui phara, khŭl Sađusê păng khŭl Pharisi. Na Pôl khan: “Ơ lu 'nhŏng oh, inh bơngai Pharisi. 'Bă inh kư̆m bơngai Pharisi lei-lăi mơ̆n. Dang ei iĕm sek tơlang tơdrong inh yua kơ inh lui kơ lu bơngai lôch iung arih ning-mônh.”

Jang 24:15

Inh kư̆m lui kơ 'Bok Kei-Dei gô tơiung arih đĭ-đăng bơngai đơ̆ng lôch ning-mônh, mă lu bơngai 'lơ̆ng mă lu bơngai kơnê̆. Lu bơngai jâu inh âu kư̆m lui thoi noh mơ̆n.

Jang 26:29

Pôl khan: “Tơdah ih lui kơ Yêsu Krist hloi dang ei, dah ning-mônh dơ̆ng, kư̆m bưh. Mă-lei inh krao khan kơ 'Bok Kei-Dei apinh Sư tơgŭm ih, ơ 'bok pơtao păng đĭ-đăng iĕm mă mơ̆ng inh bơtho năr âu, wă kơ iĕm jing bơngai lui kơ Yêsu kư̆m lei-lăi thoi inh mơ̆n. Mă-lei inh ưh kơ wă đe chô̆ iĕm hăm tơlei glang mam thoi lĕ kơ đe chô̆ inh âu ôh.”

Jang 28:17

Nhôn oei tơ ei đei pêng năr boih na Pôl krao akŭm lu kră bơngai Juđê. Lăp sư akŭm boih Pôl khan kơ lu sư: “Ơ lu 'nhŏng oh, inh ưh kơ đei pơm kơnê̆ kơ lu bơngai Juđê bơ̆n dah tơdrong juăt lu kră bơ̆n sơ̆. Mă-lei lu bơngai Juđê đơ̆ng nai rôp inh tơ Pơlei Jêrusalem păng jao inh tơ lu bơngai Rôm.

Êphêsô 3:1

Yua kơ thoi noh na inh Pôl oei krao khan tơgŭm iĕm ling-lang. Inh oei lăm hnam phak noh yua kơ inh jang tơdrong Yêsu Krist bơtho tơgŭm iĕm bơngai khŭl nai.

Êphêsô 4:1

Inh bơngai oei tơ lăm hnam phak yua kơ inh wă adrin jang tơdrong Kră Yang Yêsu Krist. Mă tôm tơdrong inh wă kơ iĕm ngôi mă 'lơ̆ng ngôi mă tơpăt, yua kơ 'Bok Kei-Dei rơih iŏk iĕm boih ăn kơ iĕm jing kon Sư, hăm ăn kơ iĕm dôm tơdrong mă inh 'nao roi kơ iĕm 'noh hei, na iĕm athei adrin pơm mă 'lơ̆ng pơm mă tơpăt tơpă.

Êphêsô 6:20

Sư wơh inh năm bơtho kơ đĭ-đăng bơngai. Yua kơ thoi noh na đe areh kơ inh oei chô̆ inh dang ei. Mă-lei inh wă kơ iĕm krao khan tơgŭm inh, wă kơ inh nuih oei bơtho khŏm khŏm kiơ̆ thoi Sư lăp đon.

Philip 1:13

Na dang ei đĭ-đăng lu linh gak hnam 'bok pơtao, lu bơngai nai tă băt kơ đe phak inh yua kơ inh jang tơdrong Yêsu Krist.

Kôlôsê 4:18

Kơthơ âu nơ̆r inh Pôl pơma, buăl inh chih; lăp wă jê̆ tôch na ti inh chih kơdih. Iĕm 'nĕ hiơt kơ inh, đe oei chô̆ hăm tơlei glang mam ling-lang. Inh apinh 'Bok Kei-Dei wei-lăng iĕm tôm tơdrong.

II Tim 1:10

Na dang ei Sư wơh Kon Sư Yêsu Krist dŏng pơklaih bơ̆n boih, na bơ̆n băt Sư 'mêm mơnat kơ bơ̆n tơpă. Yêsu Krist ăn kơ bơ̆n arih ling-lang. Bơ̆n huay kơ lôch răm ôh. 'Bok Kei-Dei tơbăt ăn kơ bơ̆n tơdrong arih ling-lang lăm tơdrong 'nao 'lơ̆ng Sư.

II Tim 2:9

Kơlih kơ inh bơtho tơdrong 'nao 'lơ̆ng Sư, na inh đei tơdrong gleh pơmat-tat đe chĭt lê̆ inh lăm hnam phak dang ei, kư̆m thoi đe chĭt lu bơngai mă pơm kơnê̆ mơ̆n. Mă-lei đe ưh kơ gơh chĭt lê̆ nơ̆r 'Bok Kei-Dei ôh.

Phil 1:10

Inh apinh ih gah Ônêsim. Sư pơm kon inh boih kơlih kơ sư lui kơ Kră Yang Yêsu Krist đơ̆ng inh bơtho oei lăm hnam phak.

Phil 1:13

Inh oei lăm hnam phak kơlih inh bơtho tơdrong 'nao 'lơ̆ng Yêsu. Inh wă ră kơ Ônêsim oei păng inh khŏm khŏm tơdŏng tơdrong jang inh, sư jang tang ih kư̆m dang ih jang mơ̆n.