Jang 27:6 - Sơ̆p Hlabơar Nơ̆r 'Bok Kei-Dei

⁶ Lăp truh tơ ei boih, 'bok yŏng linh chă đei minh pôm thŏng-nan nai đơ̆ng Pơlei Aleksandrê wă năm tơ dêh char Itali. Na sư athei lu nhôn tŏk thŏng-nan ei.

Jang 27:6 交叉參考

Jang 18:2

Tơ ei sư tơ'bơ̆p minh 'nu bơngai Juđê anăn sư Akila. Bơngai ei mĕ sư tơpŭ sư tơ dêh char Pôntơ. Sư păng akăn sư, anăn sư Prisil, 'nao jăk đơ̆ng dêh char Itali yua kơ pơtao Klôt athei đĭ-đăng bơngai Juđê jăk đơ̆ng lăm Pơlei Rôm.

Jang 18:24

Đei minh 'nu bơngai Juđê, anăn sư Apôlê. Mĕ sư tơpŭ kơ sư tơ Pơlei Aleksandrê. Sư bơngai 'bơ̆r đon bơtho hơgei tơpă păng hlôh đĭ dôm sơ̆p hla bơar 'Bok Kei-Dei.

Jang 27:1

Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 28:11

Nhôn oei tơ bŏl đak ei đei pêng khei boih na đĭ kơ bơyan 'mi păng tơngiĕt. Na nhôn chă thŏng-nan plơ̆ng. Thŏng-nan ei đe anăn Điôtkur. Thŏng-nan âu đơ̆ng Pơlei Aleksandrê, mă-lei oei tơ bŏl đak ei đĭ kơ bơyan 'mi.

Jang 6:9

Tơ Pơlei Jêrusalem đei lu bơngai đơ̆ng hnam akŭm 'Bok Kei-Dei đe anăn hnam akŭm đe rơngei. Đei lu bơngai đơ̆ng Pơlei Siren, đơ̆ng Pơlei Aleksandrê păng đơ̆ng dêh Salisia, đơ̆ng noh dêh Asi năm akŭm tơ ei ngăl. Lăm lu bơngai ei đei mơ'nah chă pơjah pơjăng păng Êtien.