26 'Bok linh kơtơ̆ng Pôl pơma thoi noh, na sư năm tơ 'bok yŏng sư jet hloi: “Ih wă pơm kiơ kơ bơngai âu, sư bơngai Rôm lah?”
Thoi noh lu linh Rôm păng minh 'nu 'bok sêp lu sư, hăm lu linh Juđê mă gak hnam akŭm tơm, lu sư rôp chô̆ Yêsu.
Lu linh chô̆ Pôl wă kơ teh sư. Na Pôl khan kơ 'bok phŏ linh oei 'bơ̆t ei thoi âu: “Iĕm ưh kơ gơh teh inh ôh, yua kơ inh bơngai Rôm lei-lăi thoi iĕm mơ̆n, na lu đe kră tam mă năm sek tơlang tơdrong inh.”
Na 'bok tih linh ei năm tơ Pôl hăm jet: “Apinh ih roi kơ inh, ih hăm trŏ kơ bơngai Rôm tơpă dah ưh?” Na Pôl khan kơ sư: “Tơpă yơh inh bơngai Rôm.”
Na lu linh mă chô̆ Pôl hăm wă teh sư ei, lu sư weh ataih đơ̆ng Pôl. 'Bok tih linh băt kơ sư bơngai Rôm boih sư kư̆m hli lei-lăi thoi lu 'noh mơ̆n kơlih kơ sư athei lu linh chô̆ Pôl wă teh sư hei.
Lu bơngai Juđê rôp bơngai âu na wă jê̆ pơlôch sư ră mă-lei inh kơtơ̆ng đe khan sư bơngai Rôm na inh hăm lu linh inh tơdŏng sư.
