Jang 20:26 - Sơ̆p Hlabơar Nơ̆r 'Bok Kei-Dei

^26-27 Na inh wă khan tơpă kơ lu iĕm dang ei: Tơdah 'Bok Kei-Dei phak iĕm ning-mônh, măk ai lu iĕm hŏ, yua kơ inh ưh kơ hli na bơtho iĕm tôm tơdrong 'Bok Kei-Dei.

Jang 20:26 交叉參考

II Sam 3:28

Đơ̆ng rŏng kơ Đawit băt boih, na sư khan: “Inh hăm dêh char pơtao inh ưh kơ đei layơ yoch 'bơ̆t anăp Kră Yang kơ pham Apner, kon tơdăm Nêr.

Jop 16:19

Na jơ 'nâu 'bok mă pơm kơdranh kơ inh oei tơ kơpal plĕnh ti, Đei 'Bok mă dŏng oei tơ anih kơpal ti.

Je 42:21

Năr 'nâu inh đei roi boih kơ lu iĕm, mă-lei lu iĕm ưh kơ wă chu kiơ̆ nơ̆r Kră Yang 'Bok Kei-Dei lu iĕm, ưh kơ wă pơm kiơ̆ dôm lu tơdrong mă Kră Yang đei athei inh roi ăn kơ lu iĕm.

Yo 12:17

Lu bơngai mă oei hơdai păng Yêsu ki, lu sư 'bôh Yêsu tơiung arih Lasarơ đơ̆ng bơsat, na lu sư kư̆m ư-ang roi tơdrong noh kơ bôl buăl nai mơ̆n.

Yo 19:35

Bơngai mă 'bôh tơdrong 'noh, sư ră roi kơ bơ̆n, sư pơma tơpăt. Sư băt sư pơma tơpăt 'lơ̆ng. Sư wă kơ lu iĕm lui mơ̆n.

Jang 18:6

Na lu bơngai Juđê areh kơ Pôl păng che bơle kơ sư. Na Pôl sơpuih 'bruih tơ ao sư kơdih păng khan: “Dah 'Bok Kei-Dei phak iĕm ning-mônh măk ai iĕm boih hŏ, yua kơ iĕm ưh kơ lui kơ Yêsu. Đơ̆ng âu tơ anăp inh năm bơtho lu bơngai nai đĕch boih, inh pă wă boih bơtho khŭl Juđê bơ̆n pơlei âu.”

Rom 10:2

Inh băt mơ̆n lu sư adrin kiơ̆ tơdrong 'Bok Kei-Dei; mă-lei inh hli kơ lu sư kiơ̆ ưh kơ 'blep thoi 'Bok Kei-Dei wă.

II Kor 1:23

'Bok Kei-Dei wă kơ inh pơma tơpăt kơ tơdrong inh ưh kơ đei năm hơpong tơ pơlei iĕm noh, ưh kơ sĭ yua inh ôh, yua iĕm. Inh hli kơ mưh inh năm iĕm mơlâu, yua kơ mưh inh năm pă jor kơ inh pơma pơjĭ đon iĕm.

II Kor 7:2

Nhôn kư̆m wă kơ iĕm 'mêm kơ nhôn, yua kơ nhôn ưh kơ đei pơm kơnê̆ kơ bu ôh, ưh kơ đei pơrăm pơyoch bu ôh, ưh kơ đei hơlĕnh pơdăr sa tơmam bu ôh.

II Kor 8:3

Inh khan tơpă, lu sư ra jên ra tơmam kiơ̆ kơ lu sư đei, phŏ lu sư kư̆m ăn hloh kơ lu sư đei. Mă-lei tơdrong noh ưh kơ sĭ kơ nhôn pơgŏ ôh, lu sư lăp đon kơdih.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.