Jang 20:16 - Sơ̆p Hlabơar Nơ̆r 'Bok Kei-Dei

¹⁶ Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 20:16 交叉參考

Le 34:22

Ih athei 'blŏk răk năr giĕng, bơyan blŭng-a ih kĕch phĕ, yuă 'ba mi, hăm bơyan ih phĕ kĕch yuă tuch-luch lăm sơnăm.

Jang 12:13

Sư truh tơ hnam boih na sư dơdŭ 'măng. Đơ̆ng ei na đei minh 'nu adruh wă năm pơih 'măng.

Jang 16:6

Lu đe Pôl yak brih apŭng Phiji păng dêh char Galati yua kơ Yang Bơhngol 'Lơ̆ng ưh kơ ăn kơ lu sư bơtho tơdrong 'Bok Kei-Dei tơ dêh char Asi.

Jang 18:19

Klaih kơ noh lu sư tŏk thŏng-nan năm tơ Pơlei Êphêsô. Truh tơ Pơlei Êphêsô boih, bre Prisil păng Akila, bre sư oei hloi tơ ei. Pôl năm akŭm tơ hnam akŭm bơngai Juđê tơ Pơlei Êphêsô bơtho păng pơjah hăm lu bơngai Juđê.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 19:1

Hơtai Apôlê oei tơ Pơlei Kôrintô tơ dêh char Grĕk, Pôl năm tơ Pơlei Êphêsô. Sư năm trong kông, na truh tơ Pơlei Êphêsô ei boih sư tơ'bơ̆p bơngai lui kơ Yêsu.

Jang 19:21

Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 2:1

Truh Năr Giĕng Pangtơkôt, lu bơngai lui kơ Yêsu akŭm minh anih.

Jang 20:13

Pôl năm tơ Pơlei Asôs năm jơ̆ng hoh. Truh Pơlei Asôs boih sư wă tŏk thŏng-nan năm hơdai nhôn. Na sư khan kơ nhôn athei nhôn năm tơ sư ei trong đak na nhôn tŏk thŏng-nan đơ̆ng Pơlei Trôs năm tơ Pơlei Asôs, wă kơ tơ'bơ̆p sư.

Jang 20:18

Lăp lu sư truh tơ Pơlei Milê boih Pôl khan kơ lu sư: “Iĕm băt kơ inh bơngai thoi yơ đơ̆ng inh 'nao truh tơ dêh char Asi sơ̆ mă khơ̆ tơ bơ̆n tơklah dih băl.

Jang 20:22

“Na dang ei inh năm tơ Pơlei Jêrusalem yua kơ Yang Bơhngol 'Lơ̆ng athei inh năm. Inh ưh kơ băt ôh inh wă đei tơdrong kiơ tơ ei kơnh.

Jang 20:4

Lu bơngai âu kư̆m năm kiơ̆ sư mơ̆n, lu anăn sư: Sôpatê kon Piru, sư đơ̆ng Pơlei Bêrê; bre Aritak păng Sêkônđa đơ̆ng Pơlei Têsalônik; Guơs đơ̆ng Pơlei Dibơ; Timôthê đơ̆ng Pơlei Litrơ; păng bre Tisĭk, Trôphĭm đơ̆ng dêh char Asi.

Jang 20:6

Hơtai ei đe pơm giĕng bơnê kơ 'Bok Kei-Dei đe sa 'Bĕng Mi Ưh Kơ Đei 'Buih Pông. Hlôi đe sa giĕng ei đang boih, nhi năm đơ̆ng Pơlei đe Philip tŏk thŏng-nan năm tơ Pơlei Trôs. Pơđăm năr đơ̆ng rŏng kơ 'noh na nhi truh tơ Pơlei Trôs păng tơ'bơ̆p hloi lu bôl nhi năm năr hơdrol ki. Nhôn oei tơ Pơlei Trôs ei minh 'măng giĕng hloi.

Jang 21:4

Tơ ei nhôn chă lu bơngai lui na nhôn oei păng lu sư minh 'măng giĕng. Yang Bơhngol 'Lơ̆ng tơbăt ăn kơ lu sư Pôl gô đei tơdrong pơmat na lu sư pơma khă Pôl athei lê̆ kơ năm tơ Pơlei Jêrusalem.

Jang 24:17

“Kơplah 'bar pêng sơnăm inh ưh kơ brŏk tơ Pơlei Jêrusalem. Na ki inh brŏk wă kơ chĕp ba jên đe mơnat ăn kơ lu bơngai Juđê nhôn. Inh kư̆m wă pơyơ̆r ăn kơ 'Bok Kei-Dei tơmam.

I Kor 16:8

Mă-lei dang ei inh wă oei tơ Pơlei Êphêsô truh kơ Năr Giĕng Pangtơkôt 'mơ̆i na năm tơ iĕm,