Jang 19:25 - Sơ̆p Hlabơar Nơ̆r 'Bok Kei-Dei

²⁵ Đêmêtrơs krao akŭm đĭ lu bơngai jang kơ sư păng lu bơngai nai jang tơdrong lei-lăi thoi lu sư mơ̆n. Sư khan: “Ơ đe 'nhŏng oh, iĕm băt boih bơ̆n sa jên lơ âu dang ei yua kơ tơdrong jang bơ̆n đei lơi tơpă.

Jang 19:25 交叉參考

Hôsia 4:8

Lu sư 'me rong lu sư kơdih hăm tơdrong yoch kon pơlei Inh, lu sư hưch ham kơ tơmam sa đơ̆ng tơdrong kơnê̆ kon pơlei Inh pơm.

Jang 16:19

Thoi noh yŏng sư 'bôh ưh pă yua đơ̆ng sư boih, na jên lu sư kư̆m ưh pă lơ boih, lu sư rôp hloi bre Pôl păng Silas, anhăk ba bre sư tơ kră pơlei tơ tŏk-bŏk kơchơ.

Jang 19:24

Minh 'nu bơngai pơm tơmam hu, anăn sư Đêmêtrơs, oei tơ Pơlei Êphêsô. Sư pơm hnam yang iĕ păng hu lei-lăi kơ hnam yang tih mơ̆n yang Dian. Sư pơm tĕch hnam ei lơ tơpă păng đei lơ jên, hăm lu bơngai jang kơ sư sa jên kư̆m lơ.

Jang 19:26

Mă-lei iĕm 'bôh păng kơtơ̆ng tơdrong Pôl pơm. Sư pơgŏ đe lui ưh kơ trŏ, sư khan lu yang bơngai pơm ưh kơ sĭ yang tơpă ôh, yang pơm đĕch. Na đei lơ bơngai tơpă lui kơ sư bơtho tơ Pơlei Êphêsô păng wă jê̆ jơ̆p tơ dêh char Asi mơ̆n.

II Pet 2:3

Yua kơ lu sư bơngai ham dêh, na lu sư kư̆m hơlĕnh pơdăr kơ iĕm, wă kơ đei sa jên tơmam iĕm. Mă đơ̆ng sơ̆ 'Bok Kei-Dei phak lu bơngai thoi noh ngăl, na lu bơngai noh kơnh 'Bok Kei-Dei kư̆m phak mơ̆n, ưh kơ lê̆ ôh.

Tơdrông Tơ'bôh 18:3

Pơlei Babilôn, pơlei pơchah răm, yua kơ tơdrong yoch lu sư pơm tơ'bôh kơ đe jơ̆p kơ teh đak, pơm pơyô kư̆ kă; lu 'bok pơtao jơ̆p teh đak kư̆m pơm pơyô hăm sư mơ̆n. Lu bơngai mơdro sa ala teh mơdrŏng yua sư, kơlih kơ tĕch kơ sư mŭk tơmam lơ tơpă.”