Jang 19:21 - Sơ̆p Hlabơar Nơ̆r 'Bok Kei-Dei

²¹ Đơ̆ng rŏng kơ noh dơ̆ng Pôl khan wă năm tơ dêh char Masêđôn păng dêh char Grĕk, klaih kơ noh wă năm tơ Pơlei Jêrusalem dơ̆ng, yua kơ Yang Bơhngol 'Lơ̆ng athei sư năm. Sư khan đơ̆ng rŏng kơ noh kư̆m khan wă năm tơ Pơlei Rôm mơ̆n.

Jang 19:21 交叉參考

Nhom 3:37

Tơdah ưh kơ đei Kră Yang athei, bơngai bu pơ̆n pơma khan tơdrong noh gô jing?

Jang 16:12

Tơ ei nhôn jur đơ̆ng thŏng-nan năm tơ Pơlei Philip. Pơlei Philip ei tih tơpă hloh kơ lu pơlei nai tơring ei. Tơ Pơlei Philip ei đei lơ bơngai Rôm oei. Nhôn oei tơ pơlei ei kư̆m đunh 'biơ̆ mơ̆n.

Jang 18:12

Lăp Galiôn tŏk pơm kră pơgơ̆r tơ dêh char Grĕk, lu bơngai Juđê pơđâu băl pôm đon na lu sư năm rôp Pôl anhăk sư tơ anih lu kră sek tơlang.

Jang 18:21

Lăp Pôl wă năm đơ̆ng Pơlei Êphêsô sư khan kơ lu sư: “Dah 'Bok Kei-Dei wă kơ inh wih bơtho iĕm lei inh gô brŏk bơtho iĕm.” Klaih kơ noh na Pôl tŏk thŏng-nan năm đơ̆ng Pơlei Êphêsô năm truh tơ Pơlei Sêsarê. Đơ̆ng noh sư năm hloi tơ Pơlei Jêrusalem hơpong kơ lu bơngai lui tơ ei. Klaih kơ noh sư năm truh tơ Pơlei Antiôs lăm dêh char Siri.

Jang 19:22

Na sư wơh 'bar 'nu buăl sư Timôthê păng Êrat năm tơ dêh char Masêđôn hơdrol kơ sư. Na đơ̆ng ei Pôl oei tơ char Asi đunh 'biơ̆ dơ̆ng.

Jang 19:29

Na đĭ-đăng kon pơlei pơla kơtơ̆ng tơdrong noh, lu sư kư̆m hil areh mơ̆n. Na sư krao pơret dih băl wă kơ đe pơlei năm tơkan tơ sư. Na lu sư năm rôp 'bar 'nu buăl Pôl, anăn bre sư Guơs păng Aritak. Bre sư bơngai đơ̆ng dêh char Masêđôn. Lu kon pơlei pơla chông ba bre sư tơ hnam akŭm đe kon pơlei juăt sek tơlang tơdrong bơngai.

Jang 20:16

Pôl ưh kơ 'maih năm tơ Pơlei Êphêsô hli kơ hiong năr tơ dêh char Asi ei, yua kơ sư hăt wă năm jah truh tơ Pơlei Jêrusalem hơdrol kơ Năr Giĕng Pangtơkôt.

Jang 20:22

“Na dang ei inh năm tơ Pơlei Jêrusalem yua kơ Yang Bơhngol 'Lơ̆ng athei inh năm. Inh ưh kơ băt ôh inh wă đei tơdrong kiơ tơ ei kơnh.

Jang 21:17

Lăp nhôn truh tơ Pơlei Jêrusalem boih, lu 'nhŏng oh bơngai lui sơng iŏk lu nhôn, jơhngơ̆m lu sư hiôk chơt tơpă.

Jang 21:4

Tơ ei nhôn chă lu bơngai lui na nhôn oei păng lu sư minh 'măng giĕng. Yang Bơhngol 'Lơ̆ng tơbăt ăn kơ lu sư Pôl gô đei tơdrong pơmat na lu sư pơma khă Pôl athei lê̆ kơ năm tơ Pơlei Jêrusalem.

Jang 23:11

Măng kơnh Kră Yang Yêsu dơ̆ng jê̆ Pôl hăm khan kơ Pôl: “Ih 'nĕ kơ hli. Ih bơtho tơdrong Inh tơ Pơlei Jêrusalem âu boih, na ih athei bơtho tơdrong Inh tơ Pơlei Rôm dơ̆ng.”

Jang 27:1

Lu 'bok tih khan wă athei Pôl năm tơ dêh char Itali wă năm tơ 'bok pơtao tơm Rôm. Inh Luka kư̆m wă năm kiơ̆ hơdai hăm Pôl mơ̆n. Na lu 'bok tih jao Pôl hăm lu bơngai bơnă nai ăn kơ minh 'nu bơngai anăn sư Julus. Sư 'bok yŏng linh lăm khŭl linh đe anăn khŭl Ôgut mă-lei sư wei lăp minh grŭp đĕch.

Jang 28:16

Nhôn truh tơ Pơlei Rôm, na đe ăn kơ Pôl oei hnam kơdrô̆, đei minh 'nu bơngai linh kiơ̆ wei-lăng sư.

Rom 1:11

Inh 'maih năm tơ iĕm dêh, wă kơ inh gơh tơgŭm iĕm lui kơ 'Bok Kei-Dei rai kơjăp hloh.

Rom 1:13

Ơ 'nhŏng oh, inh khan tơbăt ăn kơ iĕm tơdrong inh khan wă năm ngôi hơpong tơ iĕm lơ 'măng boih mă ưh kơ yĕng. Inh 'maih bơtho 'biơ̆ pơlei iĕm, wă kơ đei bơngai lui rai lơ thoi lu kon pơlei nai mă ưh kơ khŭl Juđê, lu sư lui đơ̆ng inh bơtho.

Rom 1:15

Yua kơ thoi noh na inh hưch hanh hmăng dah truh tơ iĕm wă bơtho tơdrong 'nao 'lơ̆ng sư.

I Kor 16:5

Đơ̆ng rŏng kơ inh năm tơ dêh Masêđôn, inh wă năm tơ iĕm, yua kơ inh wă năm tơ dêh Masêđôn hơdrol 'mơ̆i.

I Kor 4:19

Na inh khan kơ iĕm, dah Kră Yang ăn, ưh pă đunh boih inh wă năm tơ iĕm tơpă, wă kơ băt bơngai pơang akâu sư ei, sư hơgei tơpă dah ưh.

II Kor 10:16

Đơ̆ng noh na nhôn gơh năm bơtho jơ̆p kơ tơring pah to kơ iĕm, dang ei ưh tam đei bu bơtho kơ lu sư tơdrong Yêsu. Nhôn wă năm bơtho tơ noh wă kơ nhôn huay kơ pơang akâu thoi lu bơngai noh jang tơ anih đêl đe jang khan đe lui đơ̆ng sư bơtho.

Galati 2:1

Đơ̆ng rŏng kơ noh mơjĭt-puăn sơnăm nhi 'Barna'ba wih dơ̆ng tơ Pơlei Jêrusalem anhăk ba Tĭt kiơ̆ nhi.

I Tes 1:7

Iĕm pơm thoi noh trŏ tơpă na đĭ-đăng bơngai lui tơ dêh char Masêđôn păng dêh char Grĕk 'bôh iĕm lui kơjăp, na lu sư hơdai wă pơm kiơ̆ thoi iĕm mơ̆n.