Jang 17:23 - Sơ̆p Hlabơar Nơ̆r 'Bok Kei-Dei

²³ Hơtai inh brŏk năm chă lăng pơlei iĕm, inh 'bôh lu anih iĕm kơkuh kơ yang păng inh 'bôh minh anih iĕm chih thoi âu: ‘Anih âu bơ̆n kơkuh kơ yang bơ̆n ưh tam kơnăl.’ Yang iĕm kơkuh noh iĕm khan ưh tam kơnăl, mă yang noh boih inh bơtho kơ iĕm dang ei.

Jang 17:23 交叉參考

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Horiso 50:21

Noh boih mă tơdrong ih đei pơm. Mă-lei Inh hreh đĕch Ih tơchĕng Inh lei-lăi kơ ih, Mă-lei Inh gô chrih kơ ih, păng jô̆ hloi ih yoch 'bơ̆t anăp ih.

Êsai 45:4

Yua kơ Jakôp jơ̆ đĭch đam Inh păng Isơrael lu bơngai mă inh rơih iŏk. Na Inh krao ih hăm anăn ih păng ăn anăn ih đe gô pơyom, mă khan ih ưh kơ băt kơ Inh ră.

Mathiơ 15:9

Lu sư kơkuh kơ Inh ưh kơ yua kiơ. Lu sư bơtho tơdrong ala teh; mă-lei khan tơdrong 'Bok Kei-Dei.’ ”

Yo 17:25

Ơ 'Bă Inh, Ih 'lơ̆ng tơpăt, lu bơngai ala teh âu ưh kơ băt kơ Ih, mă-lei Inh băt kơ Ih păng lu sư âu băt kơ Ih wơh Inh.

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Yo 4:22

Lu iĕm bơngai Samari, iĕm khan kơkuh kơ 'Bok Kei-Dei mơ̆n mă-lei lu iĕm ưh kơ hlôh tơdrong 'Bok Kei-Dei thoi yơ. Pôm lu nhôn bơngai Juđê đĕch hlôh tơpă gah tơdrong 'Bok Kei-Dei. Thoi noh yơh na lu bơngai Juđê tơpă đei bơngai wă pơklaih kon bơngai.

Yo 8:54

Yêsu khan kơ lu sư: “Dah Inh pơma pơang kơdih akâu đĕch trŏ mơ̆n iĕm ưh kơ lui kơ Inh. Mă-lei pôm 'Bă Inh đĕch pơang akâu Inh. 'Bă Inh noh iĕm khan Sư Kră Yang iĕm,

Jang 17:30

Sơ̆ Kră Yang 'Bok Kei-Dei huay kơ jô̆ kơ kon bơngai yua kơ kon bơngai ưh kơ băt kơ Sư. Mă-lei dang ei Sư athei đĭ-đăng bơngai jơ̆p kơ teh đak tơbral dôm tơdrong yoch sư kơdih,

Rom 1:28

Yua kơ bơ̆n kuă kơ kơkuh kơ 'Bok Kei-Dei Kră Yang tih-tin na 'Bok Kei-Dei achăng lê̆ bơ̆n ăn kơ bơ̆n jing kơtul pơm yoch ling-lang.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

I Kor 8:5

Mă-lei lu bơngai mă ưh kơ lui, lu sư khan đei lơ yang tơpă pơm yŏng pơgơ̆r lu sư, mă kơpal plĕnh mă ala teh âu.

Êphêsô 2:12

Sơ̆ iĕm ưh tam mă đei 'Bok Krist, iĕm ưh tam mă jing kon 'Bok Kei-Dei thoi lu bơngai Juđê. Dôm tơdrong 'Bok Kei-Dei pơkă wă tơgŭm lu bơngai Juđê, iĕm kư̆m ưh kơ đei. Iĕm ưh kơ đei bu wă tơgŭm. Iĕm ưh kơ băt kơ 'Bok Kei-Dei Sư thoi yơ.

II Tes 2:4

Bơngai kơnê̆ ei, sư pơang akâu sư kơdih khan sư tih hloh kơ 'Bok Kei-Dei, hăm tih hloh kơ đĭ-đăng lu yang nai. Sư mơ̆t lăm hnam akŭm 'Bok Kei-Dei tơm na khan kơ đe: “Inh boih Kră Yang iĕm, na iĕm athei kơkuh kơ inh.”

I Tim 1:17

Bĕ bơ̆n ư-ang kơ 'Bok Kei-Dei, Sư Pơtao bơ̆n mă arih ling-lang. Đei minh 'nu Sư đĕch. Sư Kră Yang ưh kơ đei layơ lôch. Bơ̆n ưh kơ gơh 'bôh Sư ôh. Bĕ bơ̆n ư-ang kơ Sư ling-lang ưh kơ đei layơ tôch. A-men.

I Yo 5:20

Bơ̆n băt Kon pôm 'Bok Kei-Dei jur tơ bơ̆n boih. Sư roi tơbăt ăn kơ bơ̆n tôm tơdrong 'Bok Kei-Dei Kră Yang tơm tơpă. Bơ̆n pôm đon păng Kră Yang 'Bok Kei-Dei păng pôm đon păng Kon Sư Yêsu Krist mơ̆n. Yêsu Krist Sư kư̆m Kră Yang tơpă mơ̆n na Sư ăn kơ bơ̆n arih ling-lang.