Jang 16:3 - Sơ̆p Hlabơar Nơ̆r 'Bok Kei-Dei

³ Pôl wă kơ Timôthê năm hơdai păng sư bơtho tơdrong 'Bok Kei-Dei. Na sư kăt tơdra akar Timôthê wă kơ lu bơngai Juđê oei tơ tơring ei huay kơ ơh klai, yua kơ đĭ-đăng bơngai Juđê ei băt kơ 'bă sư bơngai Grĕk.

Jang 16:3 交叉參考

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 15:37

Na 'Barna'ba khan: “Lei ba anhăk ba Markôs.”

Jang 15:40

Na Pôl anhăk Silas năm hơdai păng sư. Na lu bơngai lui krao khan apinh Kră Yang 'Bok Kei-Dei wei-lăng bre sư.

I Kor 7:19

Tơdrong kăt akar dah ưh kơ kăt akar ưh kơ kăl kiơ ôh, pôm tơdrong pơm kiơ̆ thoi 'Bok Kei-Dei pơkă 'noh đĕch kăl.

I Kor 9:20

Kơplah inh chă bơtho lu bơngai Juđê, inh kư̆m pơm kiơ̆ tơdrong juăt lu sư mơ̆n wă kơ gơh pơlung lu sư lui. Đơ̆ng sơ̆ inh ưh pă gơnang kơ tơdrong juăt Môis ră, mă-lei kơplah inh chă bơtho lu bơngai mă kiơ̆ tơdrong juăt Môis, inh kư̆m pơm kiơ̆ mơ̆n wă kơ inh gơh pơlung lu sư lui kơ Yêsu Krist.

Galati 2:3

Tĭt sư bơngai Grĕk sư kư̆m lui kơ Yêsu boih, sư ưh tam mă kăt tơdra akar sư kiơ̆ kơ tơdrong juăt nhôn bơngai Juđê, mă-lei lu bơngai pơgơ̆r bơngai lui kư̆m ưh kơ đei athei Tĭt kăt tơdra akar sư mơ̆n.

Galati 2:8

Lu sư băt thoi noh yua kơ lu sư 'bôh 'Bok Kei-Dei ăn kơ inh pơm jơ̆ng 'bang Yêsu năm chă bơtho đe đei lơi lơ bơngai lui kơ inh bơtho tơpă, kư̆m thoi 'Bok Kei-Dei ăn kơ Pêtrôs pơm jơ̆ng 'bang Yêsu năm chă bơtho đe đei lơi mơ̆n.

Galati 5:6

Bu kiơ̆ Kră Yang Yêsu Krist, tơdrong kăt tơdra akar ưh kơ đei kăl kiơ ôh. Minh tơdrong lui kơ Kră Yang Yêsu Krist păng 'mêm mơnat kơ đe, noh kăl.

Philip 2:22

Mă-lei iĕm băt boih kơ Timôthê sư bơngai 'lơ̆ng tơpă; sư jang tơgŭm inh bơtho tơdrong Yêsu Krist, thoi lĕ kơ kon jang tơgŭm 'bă.