Jang 16:15 - Sơ̆p Hlabơar Nơ̆r 'Bok Kei-Dei

¹⁵ Na yă Liđa păng đĭ-đăng hnam dơnŏ sư iŏk 'batem. Sư khan kơ nhôn: “Yah iĕm băt tơchĕng inh lui kơ Kră Yang Yêsu boih, inh apinh iĕm tŏk 'bĭch tơ hnam inh.” Sư pơtơm 'bĭch tơ hnam sư na nhôn tŏk 'bĭch pơdơh tơ hnam sư hloi.

Jang 16:15 交叉參考

Bl 19:3

Mă-lei Lot 'nur khŏm khŏm dĭng 'bar 'nu linh jang 'lơ̆ng chu năm 'bĭch tơ hnam sư. Sư pôk ăn tơmam sa, pơm 'bĕng ưh kơ đei 'buh, na bre linh jang 'lơ̆ng sŏng sa.

Bl 33:11

Apinh 'nhŏng iŏk bĕ dôm tơmam mă oh đei pơyơ̆r ăn kơ 'nhŏng, yua kơ Kră Yang 'Bok Kei-Dei đei tơgŭm boih oh đei jang sa pŭn păng đei tôm mah rơkah kơ yua. Jakôp apinh lung 'bơ'bel athei iŏk, na Êsâu chu iŏk.

II Pot 4:8

Minh năr ei, Êlisê Năm brih rok Pơlei Sunem, tơ ei đei minh 'nu yă mơdrŏng gơ̆t hĭ sư sŏng sa. Đơ̆ng noh rim wơ̆t sư brih năm rok trong 'nei, sư drong tơ hnam yă ei sŏng sa.

Mathiơ 10:41

Bu sơng iŏk bơngai pơtruh nơ̆r 'Bok Kei-Dei, sư băt kơ bơngai noh pơtruh nơ̆r 'Bok Kei-Dei tơpă, bơngai 'noh gô đei tơdrong apah thoi 'Bok Kei-Dei apah bơngai mă pơtruh nơ̆r Sư noh. Bu sơng iŏk bơngai 'lơ̆ng tơpăt, sư băt kơ bơngai noh tơpăt tơpă, bơngai 'noh gô đei tơdrong apah thoi 'Bok Kei-Dei apah bơngai mă 'lơ̆ng tơpăt noh mơ̆n.

Mathiơ 3:6

Lu sư roi tơdrong yoch lu sư kơ 'Bok Kei-Dei, na Yôhan pơm kơ lu sư 'batem tơ krong Jôrđăn.

Luka 14:23

Na tơ'ngla sư 'nei khan kơ đam sư thoi âu dơ̆ng: ‘Ih lĕch đơ̆ng pơlei âu, ih chă năm jơ̆p kơ trong mă tơ yơ yơ, ih tơ'bơ̆p bu bu, ih dui pơđĭ kơ lu sư tơ âu tơ̆p mă 'bĕnh kơ hnam inh 'mơ̆i.

Luka 24:29

Mă-lei bre noh pơtơm Sư khŏm khŏm khan: “Ih năm 'bĭch hơdai păng nhi 'biơ̆ wăi, yua kơ dang ei đĭ kơsơ̆ boih.” Na Yêsu chu bre sư.

Jang 11:14

Sư gô bơtho ih, na 'Bok Kei-Dei gô pơklaih ih păng đĭ-đăng hnam dơnŏ ih.’

Jang 16:31

Na bre Pôl khan kơ sư: “Ih lui kơ Kră Yang Yêsu Krist na ih gơh klaih, ih păng hnam dơnŏ ih kư̆m klaih lei-lăi mơ̆n.”

Jang 16:33

'Bơ̆t ei oei kơmăng ră mơ̆n, mă-lei kră wei-lăng hnam phak ei ôp 'nhao rơka jĭ bre Pôl păng Silas. Klaih kơ noh sư păng hnam dơnŏ sư iŏk 'batem hloi.

Jang 16:34

Sư atŏk bre Pôl păng Silas tơ hnam sư, ăn tơmam sŏng sa kơ bre sư. Jơhngơ̆m sư păng hnam dơnŏ sư chơt hiôk yua kơ lui kơ 'Bok Kei-Dei boih.

Jang 18:8

Kripơ kră wei-lăng hnam akŭm bơngai Juđê, sư tam mă lui kơ Kră Yang Yêsu na đơ̆ng Pôl bơtho sư, na sư păng đĭ-đăng hnam dơnŏ sư kư̆m lui mơ̆n. Kư̆m đei lơ bơngai nai dơ̆ng lăm Pơlei Kôrintô mơ̆ng Pôl bơtho lu sư, na lu sư lui hloi kơ Kră Yang Yêsu păng iŏk 'batem.

Jang 8:12

Mă-lei lăp lu sư lui kơ nơ̆r Philip bơtho gah Tơdrong 'Nao 'Lơ̆ng Yêsu Krist păng tơdrong 'Bok Kei-Dei wă pơgơ̆r bơ̆n, na Philip pơm 'batem kơ lu sư bơngai drŏ-nglo, drŏ-kăn hloi.

Jang 8:38

'Bok tih ei khan kơ bơngai wơ̆r gre sư athei dơ̆ng, na gre aseh ei dơ̆ng. Bre sư jur tơ đak, Philip pơm hloi kơ sư 'batem.

Rom 16:23

Na âu akâu inh kơdih Pôl pơma dơ̆ng. Inh oei tơ hnam Guơs păng đĭ kơ nhôn juăt akŭm tơ hnam sư, sư kư̆m đei nơ̆r jet gia pơma dơnuh hăm iĕm mơ̆n.

II Kor 12:11

Kơlih kơ iĕm rai wă hiơt kơ inh bơngai mă pơm jơ̆ng 'bang Yêsu Krist, na inh đei pơma pơang kơ iĕm thoi noh, dang bơngai wơnh, dang bơngai kư̆ kă. Lu bơngai noh chă pơpơm jơ̆ng 'bang Yêsu Krist, lu sư khan lu sư bơngai hơgei dêh mă-lei inh ưh kơ thuơ, mă khan inh bơngai kơtul.

II Kor 5:14

Nhôn băt kơ Yêsu Krist 'mêm kơ bơ̆n tơpă, na nhôn ưh kơ lăng tơdrong kon bơngai ôh. Nhôn băt kơ pôm Sư đĕch lôch tang đĭ-đăng kon bơngai tơpă, thoi noh na đĭ-đăng kơ bơ̆n kư̆m dang lôch thoi Sư.

Galati 6:10

Na dang ei bơ̆n oei arih tơ ala teh, bơ̆n athei pơm 'lơ̆ng kơ đe ling-lang. Mă loi athei pơm 'lơ̆ng kơ lu bơngai lui bơ̆n.

Êphêsô 1:1

Inh Pôl bơngai 'Bok Kei-Dei rơih pơm jơ̆ng 'bang Yêsu Krist. Inh chih hơpong kơ lu kon 'Bok Kei-Dei tơ Pơlei Êphêsô, lu iĕm bơngai lui kơjăp minh jơhngơ̆m minh đon hăm Yêsu Krist.

Philip 1:7

Đon inh tơchĕng kơ iĕm ling-lang trŏ mơ̆n, yua kơ inh 'mêm kơ iĕm dêh. Inh 'mêm kơ iĕm yua kơ iĕm tơgŭm inh lăm tơdrong jang 'Bok Kei-Dei kơplah đe oei phak inh hăm kơplah inh oei pơjah pơjăng hăm đe gah tơdrong 'nao 'lơ̆ng.

Phil 1:17

Inh buăl ih kư̆m jang tơdrong 'Bok Kei-Dei mơ̆n na dang ei inh wă kơ ih sơng iŏk Ônêsim hŏ, 'noh kư̆m thoi ih sơng iŏk inh mơ̆n.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

I Pet 5:12

Silas 'nhŏng oh bơ̆n bơngai lui, inh lăng sư lui kơjăp tơpă, na kơthơ âu sư chih tơgŭm inh. Nhi chih minh 'bar nơ̆r wă tơbăt kơ iĕm tơdrong bơ̆n lui âu, tơdrong 'Bok Kei-Dei 'mêm mơnat kơ bơ̆n tơpă, na apinh iĕm lui kơjăp bĕ tơdrong noh.

II Yo 1:10

Bơngai bu năm ngôi hơpong tơ iĕm, na sư bơtho iĕm ưh kơ trŏ thoi Yêsu Krist bơtho, bơngai 'noh iĕm 'nĕ kơ sơng iŏk sư mơ̆t tơ hnam iĕm. Păng lăp sư wă brŏk iĕm 'nĕ khan kơ sư khan: Yak mă 'lơ̆ng kơ ih.

III Yo 1:5

Ơ oh, lu 'nhŏng oh bơngai lui năm tơ ih, lu sư bơngai tơmoi mă-lei ih tơgŭm mơnat kơ lu sư.

III Yo 1:8

Kơlih kơ thoi noh na bơ̆n khŭl bơngai lui athei mơnat ăn kơ lu sư tơmam dah jên tơgŭm sư năm bơtho tơdrong 'Bok Kei-Dei.

I Sam 28:23

Sôl sơngah khan: Inh ưh kơ sa, mă-lei lu đĭch đam sư păng bơngai drŏ-kăn adrin pơlung sư dĭng sư chu kiơ̆ nơ̆r athei; sư iung đơ̆ng teh tŏk hơ-oei kơpal giơng.