Jang 11:1 - Sơ̆p Hlabơar Nơ̆r 'Bok Kei-Dei

¹ Lu jơ̆ng 'bang Yêsu păng lu bơngai lui tơ dêh Juđê kơtơ̆ng ang kon tơmoi mă ưh kơ khŭl sư lui kơ tơdrong 'Bok Kei-Dei boih.

Jang 11:1 交叉參考

Bl 49:10

'Long jra pơgơ̆r ưh kơ đei layơ tơpleh đơ̆ng ti Juđa. Dôm lu tơdrong pơjing khôi juăt ưh kơ tơklah đơ̆ng 'bar pah jơ̆ng sư. Dĭng yŏng Silôa truh păng lu kon pơlei chu yom kơkuh kơ yŏng noh.

Horiso 22:27

Đơ̆ng tôch kơ teh đak gô 'blŏk păng wih tơ Kră Yang; Đĭ adrĕch adrung kon bơngai gô kơkuh 'bơ̆t anăp Sư.

Êsai 11:10

Lăm năr noh kơnh, rơh Jese iung pơm thoi hla-kơ ăn kơ rim adrĕch adrung kon bơngai. Rim teh đak gô năm chă Sư, anih Sư pơdơh gô đei rang mơnhal.

Êsai 32:15

Dĭng truh kơ Yang bơhngol đơ̆ng kơpal plĕnh jur tơ lu bơ̆n, char glă gô jing chŭn mir teh mơ̆r 'lơ̆ng, chŭn mir teh mơ̆r 'lơ̆ng noh chăt jing dang lĕ kơ bri brah.

Êsai 42:1

'Nâu bơih đam Inh bơngai mă Inh dŏng tơgŭm, bơngai mă Inh rơih iŏk, bơngai mă Inh lăp đon. Inh gô dan yang Bơhngol Inh lăm sư, sư gô ba ăn tơdrong tơpăt hơnơ̆ng kơ lu teh đak.

Êsai 42:6

Inh Kră Yang krao ih wă tơ'bôh tơdrong 'lơ̆ng tơpăt Inh, Inh gô rôp kơjăp ti ih păng wei-lăng ih, Inh gô jao ăn kơ ih pơm tơdrong pơgơ̆p Inh hăm kon pơlei ih tơm tơdrong hơdah ăn kơ lu teh đak.

Êsai 49:6

Kră Yang kư̆m đei khan: “Ih đĭch đam Inh. Wă krao dơ̆ng lu adrĕch Jakôp păng wă ba lu bơngai Isơrael mă oei arih brŏk dơ̆ng, mă tơdrong jang âu iĕ đĕch inh gô ăn kơ ih tơdrong jang tih ba tơdrong hơdah pơchrang ăn kơ lu dêh char tơmoi. Ba tơdrong dŏng pơklaih Inh truh tơ tôch jơ̆p-jang teh đak.

Êsai 52:10

Kră Yang tơ'bôh ăn bơih tơdrong jang ti rơgoh Sư 'bơ̆t anăp măt rim kơ teh đak; đĭ-đăng teh đak gô 'bôh tơdrong dŏng pơklaih Kră Yang 'Bok Kei-Dei lu bơ̆n!

Êsai 60:3

Lu teh đak gô năm tơ tơdrong hơdah ih păng lu pơtao gô tơkan tơ tơdrong 'brưch hơdah ih.

Êsai 62:2

Lu teh đak gô 'bôh tơdrong 'lơ̆ng ih. Lu pơtao gô 'bôh tơdrong ư-ang ih. Đe gô krao ih anăn 'nao đơ̆ng 'bơ̆r Kră Yang krao ăn.

Je 16:19

Ơ Kră Yang, Ih boih ăn kơ inh jơhngơ̆m pran kơtang, kơđông kơjăp inh. Anih mă inh kơ'nơp lăm năr pơmat-tat. Lu kon bơngai đơ̆ng tôch kơ teh đak gô năm kơkuh kơ Ih păng khan: “'Bok yă lu nhôn kơkuh kơ yang chă pơm, ưh kơ đei yua kiơ, ưh kơ đei tơgŭm kiơ.

Hôsia 2:23

Inh gô rei pơtăm lu sư ăn kơ Inh lăm teh đak păng Inh gô 'mêm mơnat kơ lu bơngai âu mă Inh khan: “Lu sư bơngai mă Inh ưh kơ 'mêm mơnat.” Păng kơ lu bơngai mă Inh đei khan: Iĕm ưh kơ sĭ kon pơlei Inh. Inh gô khan: “Iĕm kon pơlei Inh.” Na lu sư gô tơl: “Ih boih Kră Yang 'Bok Kei-Dei nhôn.”

Mi 5:7

Lu bơngai khŭl Jakôp gô oei tŏk-bŏk lơ teh đak thoi dăm-brang oei tŏk-bŏk lu sem bri păng thoi lu dăm-brang kon oei tŏk-bŏk lu triu, dah lu sư yak năm găn pơjuă pơđep păng kăp hek, ưh kơ đei bu gơh dŏng pơklaih.

Jêphania 2:11

Kră Yang gô tơ'bôh kơ lu sư hli krưp tơpă; yua kơ Sư gô pơlôch lu yang kơpal teh âu hăm tơdrong pơngot rơwĕt na rim 'nu bơngai lăm teh đak gô kơkuh kơ Kră Yang, lăm dêh char sư kơdih. Mă đĭ-đăng kơ bŏl đak păng dêh lei-lăi.

Jêphania 3:9

Yua kơ Inh wă ăn 'bơ̆r 'lơ̆ng rơgoh kơ kon pơlei pơla, wă kơ đĭ-đăng lu sư tă kơ krao chă Kră Yang ngăl, wă kơ đei minh jơhngơ̆m bơ̆jang kơ Kră Yang.

Sa 2:11

Lăm năr noh, đei lơ teh đak gô chu drap kơkuh kơ Kră Yang păng gô jing kon pơlei Inh, Inh gô oei hơdai lu iĕm, lu iĕm gô băt Kră Yang Tih Hloh đei wơh inh truh tơ iĕm.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Mathiơ 2:1

Mari tơpŭ kơ Yêsu tơ Pơlei Betlehem lăm dêh Juđê, kơplah ei sơ̆ Hêrôt pơm pơtao tơ dêh Juđê. Đơ̆ng rŏng tơpŭ kơ Yêsu ei đei lu 'bok pơjâu hơgei hnhoi sơnglŏng, lu sư hnhoi đơ̆ng gah hơlĕch truh tơ Pơlei Jêrusalem na lu sư jet đe tơ noh khan:

Mathiơ 8:11

Na Inh wă khan kơ iĕm dơ̆ng, ning-mônh gô đei lơ bơngai jơ̆p-jang kơ teh đak âu năm sŏng sa hơdai hăm Abraham, Isăk, Jakôp tơ dêh char 'Bok Kei-Dei.

Markôs 16:5

Lu sư mơ̆t lăng lăm bơsat 'bôh minh 'nu bơngai tơdăm hrŭk ao tai kok tơoei gah 'ma, na lu sư hli.

Luka 2:32

Sư dang pơchrang tơdrong hơdah kơ đĭ-đăng kơ khŭl bơngai tam mă lui kơ Ih, 'noh wă tơbăt ăn kơ lu sư tơdrong Ih. Sư gô ăn kơ lu đe Isơrael, bơngai mă kiơ̆ Ih, jing hiôk tơpă.”

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 11:29

Lăp lu bơngai lui kơtơ̆ng gô đei tơdrong pơngot rơwĕt, na lu sư wă tơra jên ăn kơ lu bôl sư lui tơ dêh Juđê. Na rim 'nu lu sư ăn jên kiơ̆ kơ akâu sư đei.

Jang 14:27

Lăp truh tơ pơlei ei boih, bre sư krao akŭm bơngai lui. Bre sư roi đĭ tơdrong 'Bok Kei-Dei tơgŭm bre sư păng tơdrong 'Bok Kei-Dei ăn kơ lu bơngai tơmoi mă ưh kơ khŭl Juđê lui kiơ̆ kơ 'Bok Kei-Dei.

Jang 15:3

Lu bơngai lui tơgŭm lu sư wă kơ gơh năm tơ Pơlei Jêrusalem. Na lu sư năm drong tơ dêh char Phênisi păng dêh char Samari roi kơ bơngai lui tơdrong lu bơngai tơmoi ưh kơ khŭl Juđê lui kơ Kră Yang Yêsu boih. Lăp lu bơngai lui kơtơ̆ng tơdrong noh, jơhngơ̆m lu sư chơt hiôk tơpă.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.