Jang 10:28 - Sơ̆p Hlabơar Nơ̆r 'Bok Kei-Dei

²⁸ Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Jang 10:28 交叉參考

Êsai 65:5

Lu sư khan: “Dơ̆ng mă ataih, 'nĕ năm jê̆ inh, yua kơ inh rơgoh hloh kơ lu iĕm.” Lu bơngai 'nâu thoi 'nhui lĕch đơ̆ng lăm trôm muh Inh, thoi ŭnh sa prăt năr.

Markôs 7:2

Lăp lu sư akŭm, na lu sư 'bôh 'bar pêng 'nu bơngai pơhrăm păng Yêsu sŏng sa ti ưh kơ rơgoh yua kơ lu sư ưh kơ ôp ti kiơ̆ thoi tơdrong juăt lu bơngai Pharisi pơkă.

Luka 18:11

Na 'bok bơngai Pharisi ei dơ̆ng dơ'nhơ̆ng ngoi tơ plĕnh krao khan lăm to khan: ‘Ơ 'Bok Kei-Dei, inh bơnê kơ Ih yua kơ inh ưh kơ sĭ bơngai thoi đe nai ôh. Inh ưh kơ sĭ bơngai ưh kơ tơpăt, chă pơgâm sa đe ôh. Inh ưh kơ ngôi kư̆ kă ôh. Inh kư̆m ưh kơ sĭ thoi lĕ bơngai chă iŏk jên thuê̆ 'noh ôh.

Yo 18:28

Đơ̆ng hrôih đe anhăk Yêsu đơ̆ng hnam Kaiphe tơ hnam birô anih 'bok pơgơ̆r. Lu bơngai Juđê ưh kơ pơ̆n mơ̆t lăm hnam birô noh yua kơ khŭl lu sư kơ̆m kơ mơ̆t lăm hnam tơmoi. Dah lu sư mơ̆t, lu sư ưh kơ gơh sa 'nhĕm sư pơm Giĕng Năm Brih lăm năr noh.

Yo 4:27

Kơplah noh blư 'bôh hloi lu bơngai pơhrăm păng Sư wih. Lu sư 'bôh Yêsu pơma dơnuh păng duch noh lu sư pơwao hlĭch. Mă-lei lu sư ưh kơ jet Yêsu khan: “Ih pơma kiơ?” Dah: “Kơlih kơ kiơ Ih pơma dơnuh păng duch âu?” Lu sư ưh kơ đei jet pơma thoi noh ôh.

Yo 4:9

Na duch Samari ei khan kơ Sư: “Liơ Ih bơngai Juđê apinh inh drŏ-kăn Samari athei inh asong Ih đak nhă? Sư pơma thoi noh yua kơ lu bơngai Juđê kơ̆m kơ pơma dơnuh hăm bơngai Samari.”

Jang 10:29

Thoi noh na lăp iĕm krao inh, inh năm hloi. Apinh iĕm roi kơ inh iĕm đei tơdrong kiơ na iĕm krao inh âu.”

Jang 11:9

Na inh kơtơ̆ng nơ̆r đơ̆ng plĕnh pơma dơ̆ng: ‘Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.’