Jang 10:23 - Sơ̆p Hlabơar Nơ̆r 'Bok Kei-Dei

²³ Na Pêtrôs athei sư mơ̆t tơ hnam sư păng athei sư 'bĭch minh măng tơ hnam sư ei. Pơgê dơning dơ̆ng lu sư iung năm hơdai. Kư̆m đei bơngai lui đơ̆ng Pơlei Japa ei năm hơdai păng sư mơ̆n.

Jang 10:23 交叉參考

Bôk Bơthô 9:10

Mă dôm kiơ ih gơh pơm jang bĕ đĭ jơhngơ̆m tôch kơ ih kĕ; yua kơ tơ anih lôch mă ih wă năm, tơ noh ưh pă đei minh tơdrong jang, kiơ mă ih gơh pơm, mă chă đon mă gơh hơgei, mă kơ̆l 'ngok, hlôh băt.

Jang 1:15

Kơplah noh sơ̆, minh năr ei đei dang lăp minh-hrĕng 'bar-jĭt 'nu bơngai akŭm dih băl, Pêtrôs iung 'bơ̆t tŏk-bŏk bôl sư khan hloi:

Jang 10:29

Thoi noh na lăp iĕm krao inh, inh năm hloi. Apinh iĕm roi kơ inh iĕm đei tơdrong kiơ na iĕm krao inh âu.”

Jang 10:33

Na inh athei bơngai jang kơ inh năm krao ih hloi. Na ih năm hloi tơ âu. Inh bơnê kơ ih tơpă. Nhôn akŭm tơ âu 'bơ̆t anăp 'Bok Kei-Dei mơ̆ng đĭ đơ̆ng nơ̆r Kră Yang 'Bok Kei-Dei athei ih bơtho.”

Jang 10:45

Lu bơngai lui đơ̆ng Pơlei Japa mă kiơ̆ Pêtrôs ei sư bơngai Juđê. Sư kơtơ̆ng lu kon pơlei ei pơma nơ̆r hlĭch ư-ang kơ 'Bok Kei-Dei, na sư băt 'Bok Kei-Dei ăn Yang Bơhngol 'Lơ̆ng kơ lu kon pơlei ei boih. Na sư sơleng kơ đon kơlih kơ sư lăng lu bơngai akŭm ei ưh kơ trŏ kơ khŭl bơngai Juđê thoi sư. Sư ngêh kơ 'Bok Kei-Dei wă ăn Yang Bơhngol 'Lơ̆ng kơ khŭl Juđê đĕch. Na Pêtrôs pơma kơ lu bôl sư thoi âu:

Jang 11:12

Yang Bơhngol 'Lơ̆ng athei inh năm hơdai păng lu sư păng khan kơ inh thoi âu: ‘Ih 'nĕ pă tơchĕng giĕng tơdrong mơ̆t lăm hnam tơmoi ưh kơ khŭl Juđê.’ Bôl inh âu tơdrâu 'nu kư̆m năm hơdai hăm inh mơ̆n. Na nhôn mơ̆t tơ hnam Kôrnei.

Jang 28:15

Lu 'nhŏng oh lui kơ Yêsu oei tơ Pơlei Rôm kơtơ̆ng ang nhôn wă năm tơ pơlei sư, na lu sư năm truh tơ Pơlei Appi păng Pơlei Tre Taberna, na lu sư sơng iŏk nhôn. Lăp Pôl tơ'bơ̆p lu sư, na Pôl khan bơnê kơ 'Bok Kei-Dei păng sư 'nă hal yua kơ sư 'bôh bôl sư.

Jang 9:36

Tơ Pơlei Japa đei bơngai lui kơ Yêsu, anăn sư Tabitha lăm nơ̆r Juđê, Đêka lăm nơ̆r Grĕk. Yă Đêka ling-lang sư gơh tơgŭm đe bơngai dơnuh hin păng gơh mơnat kơ đe.

Jang 9:38

Pơlei đe Japa jê̆ pơlei đe Liđa. Lu bơngai lui kiơ̆ Yêsu kơtơ̆ng Pêtrôs oei tơ pơlei đe Liđa, sư wơh 'bar 'nu bơngai năm krao Pêtrôs đơ̆ng pơlei đe Liđa. Sư khan: “Ơ Pêtrôs, ih năm tơgŭm 'biơ̆ nhi bĕ, yua kơ nhôn đei bơngai lôch boih.”

Jang 9:42

Thoi noh na lu pơlei đe Japa 'bôh tơdrong Pêtrôs pơm hlĭch hlăch tơpă, lu sư wă lui hloi kơ Kră Yang Yêsu.

II Kor 8:21

Nhôn adrin pơm tơpăt 'bơ̆t anăp 'Bok Kei-Dei hăm kon bơngai.

Hêbrơ 13:2

Tơmoi truh athei băt kơ sơng iŏk tơ hnam bơ̆n, mă khan bơ̆n ưh tam mă juăt kơ sư đơ̆ng sơ̆. Đei lu yă 'bok sơ̆, sư sơng iŏk bơngai tơmoi kư̆m thoi noh mơ̆n. Đơ̆ng sơ̆ sư ưh tam mă tơ'bơ̆p lu bơngai tơmoi noh ôh, sư ngêh kơ lu bơngai tơmoi noh kon bơngai bơ̆n đĕch, mă tă kơ lu linh jang 'lơ̆ng 'Bok Kei-Dei đơ̆ng plĕnh.

I Pet 4:9

Bơngai lui đơ̆ng tơmoi truh, bơ̆n athei sơng iŏk sư tơ hnam bơ̆n mă 'lơ̆ng.