Jang 10:15 - Sơ̆p Hlabơar Nơ̆r 'Bok Kei-Dei

¹⁵ Na Pêtrôs kơtơ̆ng dơ̆ng thoi âu: “Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.”

Jang 10:15 交叉參考

Mathiơ 15:11

Dôm lu tơmam sa kon bơngai sa ưh kơ đei pơm kơ kon bơngai jing yoch ôh, tơdrong pơm yoch noh lĕch đơ̆ng 'bơ̆r kon bơngai na kon bơngai jing yoch.”

Markôs 7:19

Mă tơmam sa kiơ mơ̆t lăm klak kon bơngai ưh kơ sĭ mơ̆t lăm jơhngơ̆m sư pơm kơ sư jing yoch ôh. Tơmam sa mơ̆t lăm klak klaih kơ noh lĕch đĭ.” Thoi noh bơ̆n băt tôm kơ tơmam sa kiơ̆ kơ Yêsu khan tơmam sa rơgoh 'lơ̆ng ngăl ưh kơ đei giĕng kơ sa ôh.

Jang 10:16

Pêng 'măng Pêtrôs kơtơ̆ng nơ̆r đơ̆ng plĕnh pơma thoi noh. Klaih kơ noh che noh tŏk dơ̆ng tơ plĕnh.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Jang 11:9

Na inh kơtơ̆ng nơ̆r đơ̆ng plĕnh pơma dơ̆ng: ‘Dôm tơmam âu 'Bok Kei-Dei khan 'lơ̆ng boih, ưh kơ đei giĕng ôh; na ih khan giĕng. Thoi noh ih pơma ưh kơ trŏ păng Sư dơ̆ng.’

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

Jang 15:29

Iĕm 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. 'Nĕ kơ sa pham dôm sem bơ̆n rong dah sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư 'noh; păng 'nĕ ngôi pơyô kư̆ kă. Yah iĕm pơm kiơ̆ kơ nơ̆r pơkă lăm kơthơ âu lei trŏ tơpă. Oei kơ iĕm mă 'lơ̆ng.”

Jang 15:9

'Bok Kei-Dei 'mêm mơnat kơ bơ̆n păng lu bơngai tơmoi lei-lăi đĕch. Sư pơklaih tơdrong yoch lu sư yua kơ lu sư lui kơ Yêsu.

Rom 14:14

Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:20

Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

I Kor 10:25

Tơdah iĕm năm tơ kơchơ wă răt 'nhĕm sa, iĕm 'nĕ apinh bơngai mă tĕch 'nhĕm 'noh: “'Nhĕm ih hăm sơmah ưh?” Iĕm kư̆ kơ răt đĕch,

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.

Tơdrông Tơ'bôh 14:20

Anih đe peh plei hơmu noh tơ 'ngoaih pơlei. Pham ro đơ̆ng tơpăl tơmo noh ataih dang pêng-hrĕng kơsô̆, jrŭ pham noh lơ̆p ako aseh.