I Sam 6:5 - Sơ̆p Hlabơar Nơ̆r 'Bok Kei-Dei

⁵ Pơm bĕ lu rup pơtôch păng lu rup kơne mă oei pơrăm phe 'ba, na lu iĕm pơyơ̆r ư-ang kơ Kră Yang 'Bok Kei-Dei đe Isơrael; Rŏ lăng sư huay pă ăn tơdrong truh phak lu iĕm, lu yang iĕm păng mir 'ba dêh char iĕm.

I Sam 6:5 交叉參考

I Ho 16:28

Ơ lu adrĕch adrung kon pơlei, pôk pơư bĕ kơ Kră Yang. Kră Yang ư-ang pran kơtang!

I Ho 16:29

Pôk pơư bĕ kơ Kră Yang tơdrong ư-ang lăp kơ anăn Sư. Chĕp ba bĕ tơmam soi pơyơ̆r 'bơ̆t anăp Sư! Kơkuh pơyom bĕ kơ Kră Yang lăm tơdrong 'lơ̆ng rơgoh Sư.

Horiso 18:44

Lăp Lu sư kơtơ̆ng gah inh; lu sư chu yom kơ inh; Lu bơngai tơmoi kư̆m gô chu kiơ̆ inh.

Horiso 32:4

Kơmăng kơ'năr ti Kră Yang kơtĭt inh trăp dêh.a Tơdrong pran kơtang inh hrĕng krob thoi tŏ bơyan phang,

Horiso 39:10

Apinh Ih iŏk lê̆ tơdrong teh bơtho đơ̆ng inh. Inh gleh pă kĕ đơ̆ng ti Ih teh bơtho.

Horiso 66:3

Pơma bĕ hăm Kră Yang 'Bok Kei-Dei khan: “Dôm tơdrong jang Ih trŏ kơ hli yom tơpă! Đơ̆ng tơdrong mơsêh tih Ih; na dôm lu ayăt gô wih hli yom kơ Ih.

Le 12:12

Lăm măng noh inh gô năm tơ jơ̆p-jang dêh Êyiptơ, pơrăm rim kon kơdră drŏ-nglo đơ̆ng kon bơngai truh tơ kon sem dơrong; păng Inh gô sek phak lu rup yang lăm dêh Êyiptơ; Inh boih Kră Yang.

Le 8:17

'Bar 'nu bre sư pơm thoi noh. Na Arôn chĕp 'long jra yơ̆r ti tơ kơpal tôn tơ teh, 'mui teh jing hloi sơmĕch, kôp 'bĕnh-'bang kơ bơngai păng sem dơrong; đĭ-đăng 'mui teh jing kon sơmĕch ngăl jơ̆p lăm dêh Êyiptơ.

Le 8:24

Kră Yang pơm thoi nơ̆r Sư, Đei roi wŏng lơlap mơ̆t 'bĕnh lăm hnam Pharaôn, lăm hnam dơnŏ đĭch đam sư, roi wŏng kăp pơrăm jơ̆p-jang kơ teh lăm dêh Êyiptơ.

Le 8:5

Na, Kră Yang khan kơ Môis: Khan bĕ kơ Arôn: Athei chĕp 'long jra yơ̆r ti tơ kơpal thong đak tih iĕ, đak dơnâu, wă kơ kit tŏk đơ̆ng noh năm tơ jơ̆p kơ dêh Êyiptơ.

Êsai 19:1

Nơ̆r khan lê̆ adrol gah dêh đe Êyiptơ. Kră Yang jur hăm hơmơ̆l tĕnh truh tơ dêh Êyiptơ, lu rup yang dêh char đe Êyiptơ tơtơ̆ đĭ 'bơ̆t anăp Sư, jơhngơ̆m đe Êyiptơ hiong hach đĭ.

Êsai 42:12

Pơyơ̆r bĕ tơdrong ư-ang kơ Kră Yang păng roi tơdrong bơnê kơ Kră Yang tơ lăm jơ̆p-jang bŏl dơsĭ.

Je 13:16

Ư-ang bĕ kơ Kră Yang 'Bok Kei-Dei iĕm, adrol kơ Sư wă ăn măng mu truh, adrol kơ jơ̆ng lu iĕm kơtơih 'bơm kông măng mu gueo. Kơplah lu iĕm chă hơdah ră, Sư tơplih tă tơ măng mu, Sư gô ăn kơ măng mu jing măng klăm hơ'bơ̆l gueo.

Je 3:13

‘Kư̆ mă ih chu pŭ iŏk tơdrong yoch. Tơdrong mă iĕm blah Kră Yang 'Bok Kei-Dei iĕm; iĕm chă hưch kơ lu yang nai ala tơm 'long hla hơmŭl, păng ưh pă chu yom kơ nơ̆r Inh,’ ” Kră Yang khan.

Jôel 2:25

Inh gô mong ăn kơ lu iĕm đêl dôm sơnăm đĭ kơ lu lep sa, lu lep tih, lep 'ba, lep iĕ lep tung-nut khŭl linh Inh lơ mă Inh đei wơh truh tơ iĕm.

Jôna 3:9

Bu băt, Kră Yang 'Bok Kei-Dei gô tơplih đon tơchĕng sư, huay pă hil na bơ̆n gơh klaih đơ̆ng lôch?

Malachi 2:2

Tơdah lu iĕm ưh kơ mơ̆ng, tơdah iĕm ưh kơ đei răk lăm jơhngơ̆m ư-ang kơ anăn Inh,” lei Kră Yang Tih Hloh khan: “Inh gô tơjur tơdrong hiap pơtê̆ tơ kơpal lu iĕm păng Inh gô hiap pơtê̆ lu tơdrong 'lơ̆ng rŏ lu iĕm; păng Inh gô hiap boih, yua kơ lu iĕm ưh kơ đei răk lăm jơhngơ̆m iĕm.

Jo 33:4

Bơngai Êyiptơ oei 'bŭ kon lu sư mă đơ̆ng Kră Yang pơlôch, đĭ-đăng kon kơdră: Kră Yang phak lu yang lu sư.

Yo 9:24

Na lu sư krao bơngai đêl măt tol ei minh 'măng dơ̆ng na jet sư: “Ih bơnê kơ 'Bok Kei-Dei đĕch hŏ măt ih gơh 'bôh hơdah boih. Gah nhôn băt kơ Yêsu bơngai yoch tơpă.”

Jôsuê 7:19

Jôsuê khan kơ Akan: Ô dăm! Athei băt kơkuh ư-ang kơ Kră Yang 'Bok Kei-Dei Isơrael păng bơnê kơ Sư; roi tơbăt bĕ, kơ inh dăm ih đei pơm tơdrong kiơ boih, 'nĕ ôn kơ inh tơdrong noh.

Tơdrông Tơ'bôh 11:13

Kơtă ei đei hloi teh adrŏ tih, mơjĭt tŏ kueng pơlei pơchah răm minh pah kueng. Đei tơpơh-rơbâu 'nu bơngai lôch yua kơ teh adrŏ noh. Lu bơngai mă oei arih huay truh tơdrong noh, lu sư hli tơrơ dêh, na pơma ư-ang Kră Yang 'Bok Kei-Dei tơ plĕnh.

Tơdrông Tơ'bôh 14:7

Na sư pơma 'bơ̆r re kơ đe wă kơ đe kơtơ̆ng, sư khan thoi âu: “Iĕm athei băt hli kơ 'Bok Kei-Dei păng ư-ang kơ Sư, yua kơ Sư wă sek tơlang iĕm boih. Kơkuh kơ Sư bĕ, yua kơ Sư Yang pơjing plĕnh teh, pơjing đak dơsĭ, pơjing tôm kơ tu đak.”

Tơdrông Tơ'bôh 16:9

Tŏ sa kon bơngai na kon bơngai blei hiap pơma kơnê̆ kơ 'Bok Kei-Dei, yua kơ 'Bok Kei-Dei phak pơmat lu sư tôm tơdrong thoi noh. Mă-lei lu sư ưh kơ chu tơbral tơdrong yoch 'mơ̆i hăm ưh kơ wă ư-ang kơ 'Bok Kei-Dei.

I Sam 5:11

Lu sư wơh krao akŭm lu yŏng pơgơ̆r đe Philistin, na khan: Athei tung ba Hom Pơgơ̆p Kră Yang 'Bok Kei-Dei đe Isơrael, wih ba sư tơ anih sư so lê̆ tơ âu kơnh hli kơ nhôn păng kon pơlei nhôn lôch. Yua kơ kon pơlei krưp; tơ noh Kră Yang kư̆m ăn tơdrong gleh phak tih dêh.

I Sam 5:9

Mă-lei đơ̆ng rŏng kơ đe tung Hom Pơgơ̆p Kră Yang 'Bok Kei-Dei truh tơ pơlei Gat boih Kră Yang phak pơlei ei, ăn đei tơdrong truh kơ lu sư hli rŭng răng. Lăm kon pơlei noh, đơ̆ng hơ'lơ̆p truh tơ đe kră; đĭ lu sư tă kơ đei jĭ pơtôch ngăl.

I Sam 6:8

Na iĕm tung tah Hom Pơgơ̆p 'Bok Kei-dei tơ lăm gre noh. Tơ gah cheng Hom Pơgơ̆p lu iĕm tah lăm hôp tơmam pơyơ̆r hăm maih mă lu iĕm wă pơyơ̆r pơm tơmam soi huai đơ̆ng yoch glăi. Na tah rơmo achăng lê̆ năm kơdih.