1 Đơ̆ng rŏng kơ kon pơlei Philistin blah iŏk Hom Pơgơ̆p Kră Yang 'Bok Kei-Dei, đơ̆ng Êbênêser tơ pơlei Asdôt.
Sư jao hom pơgơ̆p Sư đe păng jao tơdrong ư-ang Sư lăm ti lu bơngai ayăt.
Lăm sơnăm Sargôn pơtao dêh Asiri wơh Tartan năm tơ pơlei Asdôt, blah păng iŏk pơlei noh.
Roi tơbăt bĕ tơ lăm lu kơđông kơjăp Asdôt păng tơ lăm lu kơđông kơjăp lăm dêh Êyiptơ: Lu iĕm akŭm băl bĕ tơ kơpal kông lăm char Samari; lăng bĕ đei tơdrong rŭng răng tih tơ noh păng đei tơdrong pơm kơnê̆ băl.
Philip pă tam băt 'bôh 'băi truh tơ Pơlei Aso hloi. Sư năm jơ̆p jơ̆p tơ dêh ei, bơtho Tơdrong 'Nao 'Lơ̆ng Yêsu tôm kơ pơlei đe hloi. Sư bơtho đơ̆ng Pơlei Aso truh tơ Pơlei Sêsarê.
Ưh pă đei minh 'nu bu bơngai Anakim oei hơdai lăm char lu bơngai Isơrael; oei đei đăi arih lăp lu bơngai lăm pơlei Gasa, pơlei Gat păng lăm pơlei Asdôt.
Đơ̆ng đak Krong Sihôr gah hơlĕch kơ char Êyiptơ, truh tơ teh đak Ekrôn gah yă-nơ̆m, noh krao char bơngai Kanaan; đei pơđăm 'nu pơtao char Philistin pơgơ̆r tơ Gasa, Asdôt, Askalon, Gat păng Ekrôn păng pơtao kon pơlei Awim;
Samuel roi tơbăt ăn kơ đĭ-đăng bơngai Isơrael nơ̆r Kră Yang. Isơrael năm blah bơngai Philistin păng anih lu sư oei 'bơ̆t jê̆ Êbênêser, gah Philistin anih lu sư oei jê̆ pơlei Aphek.
Hom Pơgơ̆p Kră Yang 'Bok Kei-Dei đe blah iŏk, 'bar 'nu kon drŏ-nglo Hêli, Hopni păng Phinêhas, lôch.
Sư pơma dơ̆ng: Tơpă, tơdrong ư-ang Kră Yang đe Isơrael đĭ weh boih đơ̆ng bơngai Isơrael yua kơ Hom Pơgơ̆p Kră Yang 'Bok Kei-Dei đe đĭ blah iŏk bơih.
Hom Pơgơ̆p Kră Yang oei tơ lăm char Philistin đei tơpơh khei.
Samuel iŏk pơdơ̆ng minh pơm tơmo tih dan 'bơ̆t sơlam Mispa păng Sen, sư anăn Êbênêser.a Sư khan: Kră Yang đei tơgŭm lu bơ̆n truh tơ âu.
