I Sam 13:2 - Sơ̆p Hlabơar Nơ̆r 'Bok Kei-Dei

² Na sư rơih iŏk pêng-rơbâu 'nu, đơ̆ng lăm bơngai Isơrael 'bar-rơbâu 'nu wă kơ oei hơdai sư tơ Mikmas păng tơ groi kông Bethel, oei pă minh-rơbâu 'nu noh oei hăm Jônathan tơ Gibêah lăm dêh Bênjamin. Kon pơlei mă oei oei dôm yơ noh, sư ăn brŏk, rim 'nu brŏk tơ bơsŭn lu sư kơdih.

I Sam 13:2 交叉參考

II Sam 20:1

Tơ noh đei minh 'nu bơngai pơm pơrŭng, anăn sư Seba, kon drŏ-nglo Bikri, bơngai Bênjamin; Seba hlôm keng păng krao: “Lu bơ̆n ưh kơ đei kiơ gah Đawit, kư̆m ưh kơ đei yua kiơ hăm kon drŏ-nglo Jese! Ơ 'nhŏng oh Isơrael, rim 'nu athei brŏk tơ hnam kơdih”

II Sam 21:6

Apinh pơtao pơjao ăn kơ lu nhôn tơpơh 'nu kon sâu bơngai noh, wă kơ lu nhôn hrek hơtol lu sư 'bơ̆t anăp Kră Yang, tơ Gibêah, pơlei pơtao Sôl, pơtao mă Kră Yang rơih?” Pơtao tơl: “Inh gô jao lu sư ăn kơ lu iĕm”

II Sam 23:29

Hêlep kon Baanah đơ̆ng pơlei Nettôpha. Itai kon Ribai đơ̆ng pơlei Gibêah gah teh đak Bênjamin;

Esơra 2:27

bơngai pơlei Mikma, minh-hrĕng 'bar-jĭt 'bar;

Ne 11:31

Lu Bơngai Bênjamin kư̆m oei đơ̆ng pơlei Gêba truh tơ Mikmas, Aiya, Bethel păng lu pơlei jê̆ sư;

Jôsuê 18:28

Sêla, Halep, pơlei tih bơngai Jêbus, noh krao pơlei Jêrusalem, Gibêah, Kiriat, đĭ-đăng noh mơjĭt-puăn tŏ pơlei tih păng pơlei iĕ lu sư. Noh boih anih jang sa kơ lu kon sâu Bênjamin, kiơ̆ kơ adrĕch adrung lu sư.

Jôsuê 22:6

Jôsuê sơkat ăn pŭn hiôk kơ lu sư, na ăn kơ lu sư wih brŏk tơ anih hnam lu sư kơdih.

Lu 19:12

'Bok tơ'ngla sư tơl: Lu bơ̆n ưh kơ gơh mơ̆t ôh lăm minh pôm pơlei tơmoi, mă ưh kơ trŏ kon pơlei bơngai Isơrael. Lu bơ̆n khŏm năm truh tơ pơlei Gibêah.

I Sam 10:26

Sôl kư̆m brŏk tơ hnam sư kơdih tơ Gibêah, đei lu linh pran kơtang mă Kră Yang 'Bok Kei-Dei ăn lu sư kư̆m brŏk kiơ̆ Sôl.

I Sam 10:5

Đơ̆ng noh ih gô truh tơ Gibêah Elohima, jơ̆ minh pơm anih kơđông đe Philistin; kơplah ih mơ̆t bơih tơ pơlei, ih gô tơ'bơ̆p minh khŭl 'bok khan lê̆ adrol jur đơ̆ng anih kơkuh, lu sư suang reh brŏ dung teh hơgơ̆r iĕ, hlôm 'lal păng reh tĭng-nĭng năm adrol kơ ih; Lu sư gô khan lê̆ adrol.

I Sam 13:1

Kơplah Sôl pơm pơtao, sư 'nao pêng-jĭt sơnăm. Sư đei pơgơ̆r đe Isơrael 'bar sơnăm bơih,

I Sam 13:11

Samuel jet sư: Ih pơm kiơ boih? Sôl tơl: Inh 'bôh kon pơlei tơklah tơklang achăng lê̆ inh ih ưh kơ năm 'blep kơ năr ih pơkă, bơngai Philistin đĭ hơdrŭm 'bơ̆t Mikmas bơih,

I Sam 13:15

Samuel iung, lê̆ Gilgal năm truh tơ Gibêah lăm tơring Bênjamin, na Sôl jơ̆ lăng kon pơlei oei hăm sư, dang pă tơdrâu-hrĕng 'nu.

I Sam 13:16

Sôl păng Jônathan, kon drŏ-nglo sư, hăm lu linh kiơ̆ sư năm oei tơ Gibêah lăm tơring Bênjamin, mă-lei đe Philistin pơm kơđông oei tơ Mikmas.

I Sam 13:23

Minh khŭl linh đe Philistin năm jur tơ trong kuĕl Mikmas.

I Sam 13:5

Bơngai Philistin kư̆m akŭm pơpôi băl wă blah bơngai Isơrael: Lu sư đei pêng-jĭt rơbâu gre, aseh tơdrâu-rơbâu linh hao aseh păng linh yak jơ̆ng lơ thoi lĕ kơ chuơh tơ đak dơsĭ. Lu sư tŏk năm blah, lu sư pơm kơđông 'bơ̆t Mikmas, tơ gah hơlĕch kơ Bêt Awen.

I Sam 14:31

Na năr 'noh, bơngai Isơrael blah pơrăm bơngai Philistin đơ̆ng pơlei Mikmas truh tơ Aijalôn.

I Sam 14:5

Kông kơjung tơ gah yă-nơ̆m, tơklă pơlei Mĭkmas, na kông tơ gah gơal, tơklă pơlei Gêba.

I Sam 14:52

Đĭ chăl arih Sôl đei tơdrong tơblah tih hơnơ̆ng hăm bơngai Philistin; dah Sôl 'bôh bơngai pran păng nuih kơtang, sư rôp iŏk bơngai 'noh kiơ̆ sư păng jang hăm sư.

I Sam 15:34

Na, Samuel wih brŏk tơ Rama; gah Sôl brŏk tơ hnam sư kơdih tơ Gibêah.

I Sam 24:3

Sôl năm truh 'bơ̆t jê̆ anih hơdrong bơbe triu, tơ noh đei minh pơm hơgơp tơmo; Sôl mơ̆t lăm noh năm wă kơ chă bơyơ̆ng. Na, Đawit hăm lu bơngai kiơ̆ sư oei tơ lăm hơgơp jrŭ.

I Sam 26:2

Sôl iung năm chĕp ba pêng-rơbâu linh rơih iŏk đơ̆ng lăm lu bơngai Isơrael, năm jur tơ lăm char glă Sip chă Đawit.

I Sam 8:11

na khan: 'Nâu tơdrong mă pơtao iĕm gô pơgơ̆r lu iĕm. Sư gô rôp kon drŏ-nglo iĕm pơm linh wă huơ̆r gre aseh sư, dah ăn hao aseh, mơ'nah yak jơ̆ng wă kơ năm tơblah adrol kơ gre sư.