I Sam 1:10 - Sơ̆p Hlabơar Nơ̆r 'Bok Kei-Dei

¹⁰ Hana jơhngơ̆m sư rŭng răng ưh kơsŭk sư krao apinh Kră Yang sư nhơ̆m sơ'ngon dêh.

I Sam 1:10 交叉參考

Bl 30:1

Rachel lăng 'bôh kơdih akâu ưh kơ đei pơjing kon hơ'lơ̆p ăn kơ Jakôp, na lăm jơhngơ̆m sư areh kơ mŏ sư Lêa, sư khan kơ Jakôp thoi âu: Ăn bĕ kơ inh đei hơ'lơ̆p, tơdah ưh, inh lôch.

Bl 50:10

Kơplah truh tơ anih juă 'ba Atat, pah to đak Krong Jôrđăn, na lu sư akŭm hmoi sơ'ngon tih dêh tơ noh. Tơ noh Jôsep pơdong 'bă sư lăm tơpơh năr.

II Sam 13:36

'Nao đang kơ Jônadap pơma, na 'bôh lu kon pơtao truh; lu sư nhơ̆m ôr. Pơtao păng đĭ-đăng đĭch đam nhơ̆m hmoi ôr ơh sơ'ngon dêh tơpă.

II Sam 17:8

Husai pơma dơ̆ng: Ih băt boih, pơtao 'bă păng lu bơngai kiơ̆ sư jơ̆ lu bơngai nuih pran kơtang, đei jơhngơ̆m tơtŏ, blĕk dêh thoi kơ chơgơu yŏng tơ bri mă đe rôp kon sư. Hloh kơ noh dơ̆ng pơtao 'bă jơ̆ minh 'nu bơngai juăt kơ tơblah wang, kơmăng sư ưh kơ 'bĭch hơdai hăm lu linh ôh.

II Pot 20:3

“Ơ Kră Yang! Apinh Ih 'blŏk kơ inh, đêl inh yak kiơ̆ Ih tơnăp tơpăt păng đĭ jơhngơ̆m pơm 'lơ̆ng 'bơ̆t anăp Ih.” Đơ̆ng noh Hesekia nhơ̆m hơdrĭ hơdrôi đĭ jơhngơ̆m.

Jop 10:1

Inh hăl dêh kơ tơdrong arih inh; Na inh gô tơtok ưh kơ hli; Inh gô roi pơma kơ tơdrong, jơhngơ̆m inh chhŭr nuih.

Jop 7:11

“Yua kơ noh na inh ưh kơ ĕnh nơ̆r inh wă pơma; Yua kơ jơhngơ̆m inh sơ'ngon inh gô pơma; inh gô ôr mưh jơhngơ̆m inh pơmat dêh.

Jop 9:18

Sư ưh kơ ăn kơ inh hơya chă kial dui jơhngơ̆m, mă-lei roi ăn kơ inh sơ'ngon rai dêh.

Horiso 50:15

Lăm năr anat anot krao bĕ Inh. Inh gô pơklaih ih, na ih gô bơnê ư-ang kơ Inh.”

Horiso 91:15

Sư gô krao khan apinh Inh, Inh gô tơl tơwih kơ sư; Lăm năr pơmat-tat, Inh oei hơdai sư, dŏng pơklaih sư păng pôk pơư kơ sư.

Tơdrông Pơđơk 14:10

Jơhngơ̆m bơ̆n đĕch băt jĭ kơ tơdrong yoch kơdih akâu, 'Nâu ưh kơ đei bu gơh klah asong tơdrong chơt hiôk kơ bơ̆n.

Êsai 38:15

Inh wă pơma kiơ dơ̆ng? Kră Yang pơma hăm inh bơih, na Sư kư̆m gô pơm keh boih tơdrong noh. Đĭ chăl inh arih, inh gô arih sa pơyom, yua kơ lăm jơhngơ̆m chhŭr nuih.

Êsai 54:6

Kră Yang krao iŏk iĕm thoi drŏ-kăn klo achăng lê̆ păng ơh sơ'ngon lăm jơhngơ̆m, nhen thoi akăn iŏk oei kơplah oei mơlôh, Kră Yang 'Bok Kei-Dei iĕm khan thoi noh.

Je 13:17

Mă-lei tơdah lu iĕm kuă kơ mơ̆ng, inh gô nhơ̆m lăm to, yua kơ tơdrong lu iĕm pơang. Măt inh gô nhơ̆m ơh ol dêh, đak măt inh gô lĕch ro, yua kơ triu Kră Yang đe gô rôp pơm bơnă.

Je 22:10

'Nĕ hmoi kơ pơtao lôch păng kư̆m 'nĕ pă nhơ̆m hmach kơ sư, jah nhơ̆m hmoi bĕ kơ pơtao mă đe rôp pơm bơnă đơ̆ng iĕm, yua kơ sư ưh pă wih brŏk tơ iĕm dơ̆ng. Ưh pă wă 'bôh dêh char sư âu dơ̆ng.

Nhom 3:15

Sư tơ'bĕnh kơ inh chhŭr nuih, Sư ăn kơ inh phĭ tăng hơ̆-hang.

Luka 22:44

Yêsu hli sơ'ngon tơpă, na Sư rai adrin krao khan kơ 'Bok Kei-Dei rai dêh mah tuh bơuh bơang thoi lĕ kơ pham lĕch đơ̆ng akâu Sư.

Hêbrơ 5:7

Kơplah Yêsu oei tơ teh âu sơ̆, Sư krao pơret 'Bă Sư păng hmoi apơi kơ 'Bă Sư, yua kơ Sư băt kơ 'Bă Sư gơh tơdŏng Sư đơ̆ng tơdrong lôch. Na 'Bok Kei-Dei mơ̆ng Sư, yua kơ Sư chu yom kơ 'Bok Kei-Dei.

Lu 21:2

Đơ̆ng noh lu kon pơlei năm tơ pơlei Bethel hơ-oei tơ noh 'bơ̆t anăp Kră Yang 'Bok Kei-Dei Kră Yang truh tơ kơsơ̆ măng, nhơ̆m hmoi ôr hơdrĭ dêh.

Ru 1:20

Na sư tơl lu sư khan. 'Nĕ pă krao inh anăn Naômia dơ̆ng krao inh anăn Marab yua kơ Tơ'ngla Mơsêh Mơyang ăn kơ inh đei tơdrong chhŭr nuih.

I Sam 1:11

Sư pơma pơkă khan: Ơ Kră Yang Tih Hloh, tơdah ih lăng mơnat kơ đam drŏ-kăn ih, 'blŏk bĕ kơ inh 'nĕ kơ hiơt kơ inh đam drŏ-kăn ih, mă-lei gô ăn kơ đam drŏ-kăn ih đei minh 'nu kon drŏ-nglo, thoi ei inh gô ăn sư kơ ih Kră Yang đĭ chăl arih sư, ưh kơ gơh yuă dah hơkôih sŏk sư.

I Sam 1:9

Đang kơ lu sư sŏng sa tơ pơlei Silô bơih, Hana iung, kơplah noh Hêli, oei ngôi hơ-oei kơpal tang-dŏ jê̆ 'măng mơ̆t tơ hnam Kră Yang.