3 Ala bơbŭng hnam pơtao sư pơ̆ng sap hăm tơ̆r 'long hơngo, đei puăn-jĭt pơđăm tŏ hơpok pơjăng, minh trong roh mơjĭt-pơđăm tŏ, sư pơ̆ng hơgơn 'bơ̆t kơ̆l jrăng.
Tơ rok tơnăr Hnam akŭm, sư pơm anih tăp dăr păng anih rơgoh, sư kư̆m pơm lơ anih tăp dăr.
Sư pơm hnam pơtao tơ Bri Liban tor sư pơđăm-jĭt hlok, wơ̆l sư 'bar-jĭt pơđăm hlok, kơjung sư mơjĭt-pơđăm hlok. Sư pơtăm pêng trong jrăng hăm 'long hơngo; đei 'long tơpơng roh kơpal, jrăng sư kư̆m pơm hăm 'long hơngo.
Đei pêng trong 'măng-'mŏk sư pơrĕng tơklă băl, kư̆ kơ rim pêng tŏ 'măng-'mŏk sư minh khŭl.
