II Tim 3:15 - Sơ̆p Hlabơar Nơ̆r 'Bok Kei-Dei

¹⁵ Đơ̆ng ih oei iĕ sơ̆ ih pơhrăm sơ̆p hla bơar tơdrong 'Bok Kei-Dei. Sơ̆p hla bơar Sư boih ăn kơ bơ̆n băt tơdrong Sư pơklaih bơ̆n đơ̆ng tơdrong yoch yua kơ bơ̆n lui kơ Kră Yang Yêsu Krist.

II Tim 3:15 交叉參考

II Ho 34:3

Sơnăm mă tơhngam lăm chăl sư pơgơ̆r, mă sư oei 'lơ̆p mơlôh, sư pơtơm chơchă Kră Yang 'Bok Kei-Dei Đawit, 'bok sư Sơnăm mă mơjĭt-'bar, sư pơtơm hơmet rơgoh lăm char Juđa păng pơlei Jêrusalem, hŭt lê̆ lu anih kơjung, gơ̆ng kơkuh kơ rup yang Asêria, rup yang đe traih păng rup đe hling tuh.

Horiso 19:7

Khôi juăt đơ̆ng Kră Yang jơ̆ 'lơ̆ng tơpăt, pơrih ăn bơhngol inh, c Kră Yang khan sĭt tơpă, pơm ăn kơ bơngai kơtul jing hơgei.

Horiso 71:17

Ơ Kră Yang 'Bok Kei-Dei, Ih bơtho boih inh đơ̆ng oei 'lơ̆p. Dĭng truh tơ dang ei, inh oei roi tơbăt gah tơdrong jang hlĭch chrơp Ih.

Tơdrông Pơđơk 22:6

Bơtho tơ'bôh bĕ kơ lu bơngai oei hơ'lơ̆p trong sư wă yak kiơ̆. Wă truh tơ kră lu sư huay kơ weh dơ̆ng trong noh.

Tơdrông Pơđơk 8:17

Inh 'mêm kơ lu bơngai 'mêm kơ Inh. Bơngai bu adrin chă Inh gô tơ'bơ̆p Inh.

Bôk Bơthô 12:1

'Blŏk bĕ kơ Tơ'ngla mă pơjing ih kơplah ih oei hơmuh hơmŏng, 'blŏk adrol kơ lu năr kơnê̆ wă truh, adrol kơ lu sơnăm mă ih khan: Inh pă hiôk lu sơnăm 'nâu;

Da 10:21

Mă-lei inh khan kơ ih băt dôm tơdrong noh đei chih boih tơ lăm sơ̆p hla bơar tơdrong sĭt. Ưh kơ đei bu wă gơh dŏng tơgŭm inh tơblah hăm lu sư, 'nguaih kơ Mikael, yŏng lu iĕm.

Mathiơ 22:29

Yêsu khan kơ lu sư: “Iĕm ưh kơ hlôh tơdrong noh yua kơ iĕm ưh kơ pơwao sơ̆p hla bơar 'Bok Kei-Dei, na iĕm ưh kơ băt Sư gơh pơm tôm tơdrong.

Luka 1:15

Yua kơ ning-mônh sư gô pơm tih 'bơ̆t anăp 'Bok Kei-Dei. Sư ưh kơ gơh et sik dah dôm tơmam kiơ pơm ăn suai. Sư 'bĕnh blai Yang Bơhngol 'Lơ̆ng mă đơ̆ng đe tơpŭ kơ sư truh tơ ning-mônh.

Luka 2:40

Na Yêsu rai đunh rai wơ̆ kư̆m đei jơhngơ̆m pran. Sư kư̆m 'bơ̆r đon hlôh wao tôm tơdrong. 'Bok Kei-Dei lăp đon kơ Sư tơpă tơgŭm Sư ling-lang.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Luka 24:32

Bre sư pơma dih băl khan: “Sư tơblang kơ ba tơdrong lăm sơ̆p hla bơar 'Bok Kei-Dei kơplah bơ̆n oei yak hơdai rok trong hei ba mah đơđŭk hiôk jơhngơ̆m hloi iih?”

Luka 24:45

Đơ̆ng noh na Yêsu ăn kơ đon lu sư hlôh wao sơ̆p hla bơar 'Bok Kei-Dei.

Yo 5:47

Mă-lei dah iĕm ưh kơ lui kơ tơdrong sư chih roi, lơliơ iĕm gơh lui kơ nơ̆r Inh bơtho lĕ?”

Jang 10:43

Yêsu boih, dôm lu bơngai pơtruh nơ̆r 'Bok Kei-Dei pơkă khan gô truh. Lu sư khan bơngai bu lui kơ Sư, 'Bok Kei-Dei gô pơklaih yoch sư. 'Bok Kei-Dei pơklaih yoch bơ̆n kơlih kơ Yêsu Krist lôch tang tơ 'long pơglang sơ̆.”

Jang 13:29

Lu sư pơm kơ Yêsu dôm tơdrong pơkă lê̆ hơdrol lăm sơ̆p hla bơar 'Bok Kei-Dei đang boih na đe tơjur akâu Sư đơ̆ng 'long pơglang na 'măn akâu Sư tơ bơsat.

Jang 16:1

Đơ̆ng noh bre Pôl păng Silas năm tơ Pơlei Dibơ păng năm tơ Pơlei Litrơ. Tơ Pơlei Litrơ ei đei lơ bơngai lui păng đei minh 'nu bơngai anăn sư Timôthê. Mĕ sư bơngai Juđê kư̆m lui mơ̆n, 'bă sư bơngai Grĕk.

Jang 17:2

Tơ rim pơlei Pôl năm akŭm tơ hnam akŭm đe Juđê mơ̆n păng Pơlei Têsalônik lei-lăi mơ̆n. Sư akŭm păng đe rim năr pơdơh lăm pêng 'măng giĕng. Sư bơtho đơ̆ng lăm sơ̆p hla bơar 'Bok Kei-Dei păng pơjah hăm lu sư.

Jang 26:24

Pôl pơma dŏng kơdih akâu truh 'bơ̆t âu boih na Phêtus pơma re kơ sư hloi: “Ơ Pôl, ih wơnh tơpă âu. Yua kơ ih hŏk lơ na ih wơnh.”

Rom 1:2

Hơdrol kơ Yêsu jur sơ̆ 'Bok Kei-Dei ăn kơ lu bơngai pơtruh nơ̆r Sư chih roi lê̆ hơdrol tơdrong noh tơ lăm sơ̆p hla bơar Sư.

Rom 16:26

Mă-lei dang ei 'Bok Kei-Dei tơbăt ăn kơ bơ̆n boih, Sư tơbăt ăn kơ bơ̆n lăm tơdrong lu bơngai pơtruh nơ̆r Sư chih roi sơ̆. Sư wă kơ đĭ-đăng bơngai jơ̆p kơ teh đak băt kơ tơdrong 'nao 'lơ̆ng Yêsu Krist, wă kơ đĭ-đăng bơngai lui kơ Sư.

Rom 2:27

Lu iĕm bơngai Juđê, 'Bok Kei-Dei chih pơkă ăn tơdrong juăt Sư đơ̆ng sơ̆ boih păng iĕm kư̆m kăt tơdra akar thoi 'Bok Kei-Dei pơkă mơ̆n. Mă-lei iĕm ưh kơ kiơ̆ tơdrong juăt Sư pơkă kơ iĕm noh ôh. Tă tơ lu bơngai nai dơ̆ng ưh kơ kăt tơdra akar, mă-lei lu sư mơ'nah kiơ̆ tơdrong juăt 'Bok Kei-Dei pơkă hloh loi kơ iĕm dơ̆ng. Thoi noh ning-mônh lu sư gô jô̆ kơ iĕm bơngai yoch tơpă.

I Kor 1:21

'Bok Kei-Dei hơgei tơpă, na Sư ưh kơ wă kơ kon bơngai bơ̆n chă Sư kiơ̆ kơ đon kon bơngai bơ̆n tơchĕng ôh. 'Bok Kei-Dei Sư lăp đon gah tơdrong dŏng pơklaih dôm lu bơngai mă lui kơ Yêsu lôch tang bơ̆n tơ 'long pơglang. Mă-lei lu bơngai mă ưh kơ lui, lu sư tơchĕng tơdrong bơ̆n bơtho 'noh nhen lĕ tơdrong kơtul đĕch.

Êphêsô 6:4

Ơ lu bơngai đei kon hơ'lơ̆p, iĕm 'nĕ hil kơ kon iĕm dêh, hli kơ lu sư hil plơ̆ kơ iĕm dơ̆ng, iĕm athei bơtho akhan kơ lu sư kiơ̆ tơdrong Kră Yang pơkă.

Both 4:6

Lu iĕm athei wei răk pơm kiơ̆ bĕ dôm lu nơ̆r tơtă păng khôi juăt âu; yua kơ noh jơ̆ tơdrong hơgei păng tơdrong hlôh wao lu iĕm 'bơ̆t anăp lu adrĕch adrung đe nai. Lu sư kơtơ̆ng gah khôi juăt âu, na lu sư khan: Lu kon pơlei âu jơ̆ minh adrĕch hơgei păng hlôh wao!

I Tim 4:13

Inh wă kơ ih pơm thoi âu khŏm khŏm tơ̆p mă inh truh tơ ih tơ âu: Lăm iĕm akŭm dih băl ih kư̆ kơ đŏk sơ̆p hla bơar 'Bok Kei-Dei, ih kư̆ kơ bơtho tơdrong 'Bok Kei-Dei đĕch.

II Tim 1:1

Inh Pôl jơ̆ng 'bang Yêsu Krist chih hơpong kơ Timôthê. Hmach kơ ih, dăm. Ih kon inh mă 'mêm kơeng tơpă. Sơ̆ 'Bok Kei-Dei athei inh pơm jơ̆ng 'bang Yêsu Krist wă pơtruh nơ̆r pơkă khan: Yua kơ Yêsu Krist lôch tang kon bơngai na Sư gô ăn kon bơngai arih ling-lang. Inh krao khan apinh 'Bă tơm bơ̆n 'Bok Kei-Dei hăm Kră Yang bơ̆n Yêsu Krist wei-lăng ih tôm tơdrong. Apinh Sư mơnat kơ ih, hăm ăn kơ ih hiôk-hian ling-lang.

II Tim 1:5

Inh băt kơ ih lui kơjăp tơpă, kư̆m lei-lăi thoi yă ih Lôih păng mĕ ih Eunik lui sơ̆ mơ̆n. Na dang ei inh băt kơ ih lui kơjăp thoi sư sơ̆ tơpă.

II Pet 3:16

Dôm kơthơ sư chih sư kư̆m pơma gah tơdrong noh mơ̆n. Dôm tơdrong sư bơtho trŏ tơpă, 'bơ̆t phŏ kư̆m anat kơ hlôh. Lu bơngai kơtul, hăm bơngai lui rơdu, sư tơblang chroih tơ nai hloi. Mă dôm nơ̆r pơma lăm hla bơar 'Bok Kei-Dei nai, lu sư kư̆m ưh kơ gơh tơblang. Lu sư pơm thoi noh wă pơrăm akâu kơdih đĕch.

Tơdrông Tơ'bôh 19:10

Na inh kơkuh 'nap hloi 'bơ̆t jơ̆ng sư, mă-lei sư khan: “Ih 'nĕ kơkuh kơ inh, yua kơ inh kư̆m đĭch đam 'Bok Kei-Dei thoi ih, thoi lu bôl buăl ih ră roi tơdrong Yêsu. Ih kơkuh kơ 'Bok Kei-Dei đĕch trŏ, yua kơ đĭ-đăng lu bơ̆n tă kơ ră roi tơdrong Yêsu thoi lu bơngai pơtruh nơ̆r 'Bok Kei-Dei sơ̆.”

I Sam 2:18

Gah Samuel bơ̆jang 'bơ̆t anăp Kră Yang, sư oei 'lơ̆p, hrŭk ao Êphôt đe tanh hăm brai se.